ميرسي سمسه على ردك بس للأسف النمرة الغلط من الدليل :mad:
quote=مدام يوسف;24465688]امة الله هبه..مالك بس ياحبيبتي متضايقه ليه..مش تزعلي خالص..ولو فيه حاجة جو صدرك مضايقاكي ..فضفضي واحنا كلنا اذان صاغية. علي فكرة انا كمان مابشتغلش. انا مش عاوزة موضوع الدكتورة ده يزعلك وافتكري دايما ان الخيرة فيما اختاره الله لو غيرتي رأيك وممكن تروحي لدكتور انا برجحلك الدكتور احمد توفيق الصبان وزي ماقلتلك والله ما راح تندمي ..لو حابة انا ممكن اجيبلك التلفون، اتصلي واحجزي وروحي مقابله وشوفي الوضع ايه اذا ارتحي كملي وان شاء الله انا واثقة انك هاترتاحي. ولو مرتحتيش ..اهو برده يبقي عملتي اللي عليكي وبتسعي وبتجربي...وربنا يكرمك ويريح بالك
وبالنسبة للاعراض اللي انتي حاسة بيها انا واثقها انها كلها اعراض نفسية علشان كده لازم تهدي خالص
حبيبتي مدام يوسف
ميرسي على اهتمامك بس فعلا والله مينفعش اروح لدكتور راجل
انا بس حبيت اطمنكم عليا
انا الحمدلله استخرت وكان معايا عنوان الدكتوره
هي اسمها منيره جاد أستاذ دكتور في جامعة الأزهر وعيادتها في مصر الجديده
المهم استخرت وقلت بما اني مش معايا تليفونها اروح على العنوان
المهم يا جماعه
رحت وحجزت والنبت قالت لي قدامك 3
قلتها كام يوم يعني قالت لي قدامك 3 النهارده
مصدقتش نفسي
قعدت انتظر دوري
ماشاء الله لا قوة الا بالله
العياده مليانه حوامل ومتابعات ولاده
استبشرت خير
وطبعا كان زوجي سعيد لأن فيه تليفزيون فاتفرج على الماتش
المهم دخلت للدكتوره
اول ما سالتني متجوزه من امتى وعرفت اني ماكملتش سنه كانت مش عايزاني اكمل كلام وقالت لي مش قبل سنه تقلقي
المهم ماطولش عليكو
طلع ان كل الادويه غلط ومالهاش لازمه
واني طبعا لازم اعمل تحاليل واشعه قبل ماتقدر تقول ايه المشكله
وطلع عندي التهابات وبكتيريا وعملت لي مزرعه وكتبت لي ادويه
والمفروض البيريود خلال ليام فقالت لي ماعملش اشعه غير لما تخلص لأن البويضه نازله واكيد شكلها هيكون زي كيس على المبيض
ماردتش اقول لها ان الاشعه اللي فاتت كانت قبل البيريود
قلت الست مش ناقصه من اللي سمعته مني
ان شاء الله عمل التحاليل والاشعه الاسبوع الجاي وربنا يستر
دعواتكم
خبرات متبادلة حول مراكز علاج العقم وأطفال الأنابيب في مصر
متابعة النقاش، صفحة 119