الملكة الرومانسيه اهلا بيكى ياقمر نورتينا وربنا يرزقك ويرزقنى ويرزق كل محرومة يارب الذريه الصالحه
بصى ياقمر فيه دكتور اسمه صبحى ابو اللوز ده فى الكوربه وسمعته ما شاء الله هو فوق الستين سنه وخبرة جامده جدا هو كشفه ب150 جنيه وللاسف العياده عنده علطول مليانه جدا لدرجه انك ممكن متلاقيش مكان تقعدى واقل مده انتظار عشان تكشفى 4 ساعات عشان كده انا مرضتش انى اكمل معاه لان روحى طلعت من كتر الانتظار
فيه كمان فى نفس شارع الدكتور صبحى مركز خصوبه متكامل بيشكروا فيه جدا بس معرفش عنه حاجه من ناحيه سعر الكشف والحجز والكشف
وفيه مركز برضه واحده معرفه راحتله وربنا اراد وحملت بعد 17 سنة جواز اسمه مركز الدكتتور محمد مقبل وسعر الكشف بالسونار تقريبا 120 جنيه ده فى جسر السويس - سراى القبه
وانا فى الخدمة شوفى واختارى الدكتور اللى انتى عاوزاه وانا ابعتلك عنوانه ورقم تليفونه ويارب اكون افدتك ان شاء الله
خبرات متبادلة حول مراكز علاج العقم وأطفال الأنابيب في مصر
متابعة النقاش، صفحة 121