الموضوع مغلق

ضميري يعذبني على زوجة اخوي/ قديم

@smt_katl

يابنات انا حاسه اني شاركت في ظلمها لاني كنت ساكته وما اعارض امي وخواتي على اللي يسوونه

زوجة اخوي الكبير تزوجته قبل عشر سنوات تقريبا وانا كنت بعمر 16 سنه واستقبلوها اهلي استقبال سئ جدا

وكانت ساكنه معنا في نفس البيت وتحملت مشاكل امي وخواتي الكبار وكانت تشتغل في البيت كله وتساعد امي في الطبخ بالرغم انها كانت تدرس في الجامعه

وكانت حقوقها كلها مهضومه وامي ماتخليها تطلع مع زوجها لحالهم وماتخليه يعطيها مصروف كانت تقول النفقه معناتها ان زوجتك تاكل وتلبس وساكنه ببيت واخوي اقتنع بكلامها

وكانت شخصيته ضعيفه جدا قدام امي وخواتي الكبار مايكلم زوجته قدامهم ولا يمزح معها ويعاملها اسوأ معامله

وكانت اختي الكبيره تروح لصديقاتها وتمنع زوجة اخوي تروح معها مع انهم صديقاتهم كلهم في الجامعه واللي يوديها اخوي ويرجع زوجته غصب


وترجع للبيت وهي تبكي والله مانسيت ذاك اليوم لاني بوقتها رحمتها


تزوجوا خواتي الكبار وحصلت مشكله بين زوجة اخوي واختي وكانت اختي هي الغلطانه ميه بالميه

راحت هي واختي الثانيه لامي وخططوا مخطط صهيوني وكان مخططهم

انهم يزوجــــــــــون اخوي من وحده ثانيه

وفعلا حطوا الفكره براسه

وتزوج والثانيه حطها في شقه لحالها وزوجته الاولى معنا في البيت وصرنا معاد نشوفه الا نادرا


وزوجته الاولى صابره عشان عيالها لانه هددها لو راحت لاهلها بياخذهم منها وامي واختي راضيين


انا من داخلي والله العظيم رافضه كل اللي يصير وعارفه انها مظلومه ماتستاهل لكن مدري شسوي

امي واختي اللي يتكلم معهم عنها يعتبرونه عدوهم وتصير مشاكل لها اول مالها اخر

الحين انا بعد ماتزوجت حسيت بموقفها لان اهل زوجي يشابهون اهلي في تصرفاتهم كلها خبث ومكر



معقوله الله يعاقبني بذنب امي وخواتي؟؟!!!


الغريب ان خواتي كل وحده في بيت لحالها ومسيطره على زوجها ....

اتمنى اسمع ارائكم ومقترحاتكم ...

374 تعليق 41,297 مشاهدة

0 0

شاركي في النقاش

سجلي الدخول لإضافة تعليق.

التعليقات

355

  1. @am_alhl_klh_1

    اذا تبغي بري ذمتك وتخففي من تانيب الظمير ووالله لو انا مكانك ووصلت بهالمواصيل لاككلم اخوي وارتاح وهو حر

  2. @eiz_lmys_eiz

    اااااااااه مدري وش اقول بس حراااام ظلم

    حاولي انك تكسبينها حاولي انك تعوضين اللي راح عالاقل تفتحين لها قلبك

    حسسيها ان فيه احد يحبها .. شفتي كيف ياقلبي ماحسيتي بمعاناتها الا يوم تزوجتي

    بس انتي مثل ماقلتلك اكسبيها وصيري صديقه لها ..... وخلي اخوك يحبها بطريقتك

    يعني انقلي كلام حب بينهم سوي اي شي بس خليه يحبها ويعدل بينها وبين زوجته

    واهم من هذا كله ادعيلها بظهر الغيب علشان ترتاحين وتريحين ضميرك

  4. @aasfor_alshab

    صادقه ام الحلى

    كلمي اخوك نفسه ووضحي له كل الامور

    واذا قالك ليش توك تتكلمين قولي كنت اخاف من الوالده واخواتي لكن بعد ماتزوجت وثقت من نفسي اكثر وحبيت اصارحك

  5. @tkfyny_akhlaky_1

    قال الله تعالى (ولا تزر وازرة وزر أخرى ) انتي مالك ذنب بلي يسونه ولا انتي راضية اصلن

    نيتك وااضحة وهالشي مو عاجبك من اول وبحكم انهم اكبر منك فسلطتهم اقوى منك

    ارمي ولو كلمة خير في حق هالانسانة الصابرة وخوفيهم بالله وذكريهم انه الله قادر ينصر هالمظلومة ويشوفون اللي سووه فيها في عيالهم وبناتهم، وتبقى ام عيالكم، وذكريهم ما في احد دايم على حاله اليوم هم كذا بكرى الله اعلم شلون ..!!

    والله انقهرت على زوجة اخوك، الله يفرج همها وينصرها على من ظلمها يا الله يا كريم

تابعي تجارب أخرى من هذا القسم.