صديقتي طُلقت واتهمتني بالسبب.

السلام عليكم ورحمة الله وبركاته..


لي صديقة من طلعت على الدنيا أنا وإياه.

كنا وحنا صغار بابيتهم بجنب بابيتنا..درسنا مع بعض وكبرنا مع بعض..

كانت تؤام تؤام روحي

المهم..

أنا تزوجت وكان عمري 19وهي اكبر مني بسنة ونص..

بعد ماتزوجت انتقلت
مع زوجي للمدينة اللي اهو فيها..جبت عيال والحمدلله <<<اكبرهم يدرس بالصف الرابع..

علاقتي معها .. .ضعفت شوي

هي انشغلت بدراستها..وكنت احسها دايم مشغوله

يعني بالعزايم والتجمعات ماكانت تجي ..

اذا صار لي مشكله اتصلت عليها..

المهم..

يجيها خطاب كثر..بس كانت ترفضهم..

وبعد ماراحت السنين وصارعمرها 32

السنة هذي ارسلت لي رساله وقالت زواجي باليوم الفلاني..

والله العظيم اني فرحت لها ودعيت لها من قلبي..

رديت عليها الله يوفقك ..والف الف مبروووووك


طبعا كان الزواج رجال فقط..

وزوجها من نفس المنطقه الي ساكنتها..ماكنت مصدقه انها راح تجي بيوم من الأيام وتسكن بهذه المنطقه لأنها ماكانت تحبها نهائيا..


المهم..

بنفس يوم زوجها..اتصل علي زوجي وقال خويتك راح تتزوج فلان الفلاني أأأأأأأأكيد؟؟؟

قلت اييييييييييييييه


قال :ليش اهلها ماسالوا عنه؟؟انه كذ وكذا

فيها عيوب شرعيه((يشرب,,,عدم رغبة جنسية))

انا انصدمتتتتتتتتتت!!!

ياربي وش اسوي؟؟!!


اتصلت على أمي<<<وقلت لها الموضوع

قالت شوفي

يمكن الرجال تاب وخاصة ان زوجك يقول انه من زمان كان يسمع عنه...والشيء الثاني مافي رجال يقدم على زواج وخاصة من بكر وهو مافيه شيء..

الموضوع مو سهل علي بتاتا..

المشكله عرفت الساعة 12 في الليل ..يوم زواجها..

والله العظيم اني قعدت اصييييييييييييييح من الحيرة..


المهم

سمعت كلام امي ..

وجلست كم اسبوع اسأل عن اخباره ..وكان امورها تمام..

فرحت من قلبي..

كلمت عليها قلت تعالي عندي خليني اشوفك ...قالت اشوف

مر اسبوع ...اسبوعين ...ثلاث..

المهم

ارسلت لها رساله ...قلت متى اشوفك..

ردت علي..

رد قااااااااااسي ومؤلم .

عرفت اني عارفه الموضوع وماقلت لها..

ارسلت لها وجهت نظري بس للأسف..انهت علاقنتا


فهل أنا اخطأت بحقها؟؟؟
:44:

13 تعليق 1,564 مشاهدة

شاركي في النقاش

سجلي الدخول لإضافة تعليق.

التعليقات

11
  1. بالعكس انا اشوف انو عين الصواب ماقلتي لها بيوم زواجها أصلا ً مايمدي الواحد يسوي شي

    وأكثر شي بيغلب على ظنها انك راح تخربي بيتها او تفسدي فرحتها بيوم زواجها

    خليها تهدأ كم يوم او كم اسبوع

    وروحي لها فهميها او اكتبي لها رسالة بخط يدك وضحي فيها كل التفاصيل ووضحي السبب الي خلاك ماتخبريها انك خايفة عليها..
  2. الله يهديها ايش ذنبك انتي
    وكل شيء قسمه ونصيب
    خليها الين تهدا وبعدين وضحيلها كل شيء
  3. @rosee

    الله يسامحج







    تذكرت نفسي قبل الملكه بيوم جت وحده تسالني انتي بتاخذين فلان قلت لها هيه

    وسكتت






    لين تطلقت قالت لي اني كنت ادري وماخبرتج


    تقهرررررررررررررررررر

    الله يسامحها ويسامح الي كان مثلها .ز


    شو كان ضرج لو رفعتي سماعة التيلفون وقلتي لها شو ضرج


    الحمدلله على كل حال
  4. قدر الله وماشاء فعل
    واللي صار صار وكله مقدر ومكتوب

    اهات
    انت خليها فترة تهدأ بعدها وصلي لها كيف عرفتي ومتى بالتفصيل
    اقتنعت كان بها مااتنقعت خلاص انت مو غلطانة

تابعي تجارب أخرى من هذا القسم.