السلام عليكم ورحمة الله وبركاته
أبغى أعرف رأيكم في موضوع حصل معاي في المستشفى
ولدي مريض بالسرطان والسنه الاولى والسته الشهور من مرضه كنا نقضيها في المستشفى
بيتي ما أشوفه إلا كل شهر يمكن أسبوع أو أقل
وفي غرف المرضى فيه غرف مزدوجه يعني سريرين وحمام واحد مشترك في الغرفه الوحده
وفي أحد تنويماتنا في المستشفى
جات معاي في نفس الغرفه بنت مريضه زي ولدي طبعاً معاها مرافقه إللي هي أمها
المشكله ومافيها ياطويلات العمر
إن هذي الام الله يهديها ويسامحها بدأت تضايقني
إحنا تنومنا قبلهم بثلاث أيام
أول يوم جات فيه دوبها دخلت وراحت الحمام وتغسل الكلوتات حقتها الله يكرمكم
وتنشرها عيني عينك في الحمام على الدش يعني واضحه وضوح الشمس
وياليتها تصك الباب حق الحمام لا والله مشرعته زيادها
ووقتها كانوا الدكاتره يمرون على الغرف يكشفون على المرضى ودخل الدكتور علينا
والباب مشنقل على الاخير آآآآآآآآآه يالقهر مدري إش يقول علينا
خايفه إنه يحسبها ليه وأنا والله على ما أقول شهيد أحب أحترم نفسي لأقصى الحدود في المستشفى
أصلاً ياالله ياالله أتكلم مع الدكاتره كيف لمن يفهمون إنها ملابسي والله فشله
غير إنها تنقط على الحمام وولدي مناعته ضعيفه صار الحمام كله جراثيم في جراثيم
هذا شي وياليتها جات على كذه
وفي الليل دخلت الحمام الله يكرمكم و نشفت بالمناديل وجيت أفتح السله وياليتني مافتحتها
آآآه
لقيت دم ممسوح في مناديل كثيره الله يكرمكم ولاهي حاطته في كيس وسترت حالها ولاشي
بغيت أموت بطلت أرمي المنديل حقي في السله حقت الحمام
وراح وجهي شوربه يوم جات عاملة النظافه وفكت السله علشان تاخذ الكيس حق الزباله
صارت تطالع فيه بقرف وكل يوم ألاقي نفس الشي
المشكله يوم جا الدكتور هي كانت برا وأنا جوه في الغرفه
وعاملة النظافه نفس الشي يعني إيه بيقولون
وعلى هذا كله ماتنام بدري تصحى طول الليل وياليتها على صلاه وإلا قرآن
لاوالله على التلفزيون وترفع الصوت على أعلى شي
وكنا دوبنا مسوين لولدي عمليه وأنا ما أبغاه يصحى أبغاه يرتاح بعد البنج وجرحه بعد ما شفي
وكل ليله والله يابنات ما أذوق النوم وولدي يصحى بدري وإذا صحي أحاول ما أزعجها زي ماتزعجني
آخذه ونروح غرفة الامهات
إلين ثالث يوم ماعاد قدرت أصبر عليها
أصلاً كثر الله خيري إني صبرت ثلاثة أيام أنا عصبيه مررررررره
ممكن أصبر بس أنفجر
رفعت صوتي عليها وقلت لها كل إللي في نفسي
صارت تقول لي إنها أول مره تقابل وحده زيي
وإنها ماتتمنى تتنوم معايه مره ثانيه
وكلمه لها وكلمه ليه
والحمد لله ....الله كريم في ذاك الوقت دخل الدكتور وبشرنا إنه كتب لنا خروج
هذي القصه يابنات حصلت من زمان من قبل رمضان هذا بأسبوع
ومن ذاك الوقت وأنا بس أفكر في إللي سويته
أحس إني ندمانه على إللي قلته
ويعلم الله إني ماشهرت بها في المستشفى عند الامهات
وهذي أول مره أفضفض إللي في صدري
والله يابنات ماني متعوده أغلط على أحد
أخاف أتحاسب عليها
بسألكم سؤال واحد وبس جاوبوني عليه الله يحقق لكم إللي تتمنون خلونا زي الاخوات
هل أنا غلطت؟؟؟
قولو أي شي هزؤني سبوني إنصحوني أنا مسامحتكم
نفسي القصه هذي تطلع من دماغي وأرتاح:06:
شاركي في النقاش
سجلي الدخول لإضافة تعليق.
التعليقات
37- بصراحه ماغلطتي لو وحده غيرك من اول موقف بتتكلم بس هي الله يهديها زودتها ومااحترمت انه بمكان عام فيه مرضى وانتي حساسه مادام إنك ماسبيتيها ولادعيتي عليها بس بينتي ضيقك من تصرفاتها(رحم الله إمرئ اهدى الي عيوبي)أتوقع إنها بتراعي تصرفاتها في المره القادمه وتحترم الغير .
- لا تضيقين صدرك يا بنت الحلال
انتي ما غلطتي ولا شي ,, الغلط راكبها من راسها لرجليها
كل انسان له قدرة تحمل ,, وأنا لو مكانك مستحيل اتحملها ولا نص نهار مع العلم اني باردة
اقصد انك يوم تكلمتي كان فوق طاقتك وربي يدري باللي بنفسك
وللصبر حدووووووود مع هالأشكال بجد ماني متخيلة الأمور اللي قاعدة تسويها - لا تخافين على ذا الناس لأن سلك الاحساس بالمخ مقطوع عندهم
- لاحبيبتي ماغلطتي...
هي انسانه ماقدرت انها في مستشفى وان ولدك مريض وازعاج تلفزيون آخر الليل وغير قلة الذوق انها تنشر ملابسها الداخليه واللي رايح واللي جاي يتفرج...
بس كان ودي تكلمتي معها بتفاهم يعني ماكان انفجرتي عليها بس انا مقدره نفسيتك عشان ولدك والحاله اللي انتي فيها.. عموما يااختي اللي راح راااااااااح وحاولي بعد كذا انك تتكلمي مع الناس بلطف ومجامله ...
اسأل الله جل في علاه ان يشفي ولدك ويرفع عنه ويحفظه لك من كل شر ومكروه اسأل الله ان لايحرمك منه ولايحرمه من حنانك انه القادر على كل شئ.. آمين آمين آمبن.. - يااختي لاتندمين ولا شي انت ماسويتي شي غلط......هي غلطانه وخلاص انسي الموضوع
لايكبره الشيطان في راسك......وتتعبين ....اللي عليك اللحين ادعيلها وخلاص........والله يشفي ولدك وجميع مرضى المسلمين
مواضيع مشابهة
تابعي تجارب أخرى من هذا القسم.