السلام عليكم ورحمة الله وبركاته
احب اعرفكم بنفسي انا موضه(تدليع مضاوي)
بنت ابوي وامي <<اجل بنت من يالخبله:23:
وحيدة امي وابوي
وحده ماتحب الطلعه من البيت وحتى السوق ماقد طبيته
اعتبر نفسي حلوه شوي مو كثير شوي بس
وعيوني ولا عيون المها<<ترى ماعندها سالفه
وخشمي ماشاء الله منيب قايله اخاف تنضلوني
الموهم اليوم في موقف يهببلللللللللللللل:23:
جا عمي دحيم
وهو اصغر عماني جاي على باله مستحي
ووجهه احمر
وحالته حاله
تدرون وش عنده
بعد
الرجال يبي يعرس وكان عندنا سوير بنت عمي وهي وحدة الصراحة شويه عليها مرجوجة
الموهيم
هو يبي يقول لأبوي وباغي يخطبله
لانه الكبير
العضامه تتنافظ
والعيون حمر
والوجه ازرق<<حشى والله ناوي بينتحر
لاتلومونه كله من الحياء
انا وسوير ميتين عليه ضحك:o
لين خزنا ابوي بنضرة انحشنا عقبها
بس قعدنا نتسمع من الدريشه
اهبيي علينا محنا عاقلين
المهم قال انه يبي يخطب عبير بنت جيران سوير
قالت سوير والله هاذي الورطه من زينها استغفر الله ماتحملتها جاره علشان تصير مرت عم
وععععع
رديت عليها مو هذا المهم المهم انه بيصير عندنا عرس واصير انا بنت اخو المعرس كشخه
خل نروح انا وياك السوق نشتري للعرس<<خبله الناس مابعد خطبو وذي بتروح تشتري
سوير: خلاص
بس مب هالايام بعدين واصلا يمكن مايحطون عرس
انا: لا مافيه يحطون باأزن على رأس عمي لين يحطون ماصدقنا يجينا عرس
البقية تاتي
بعدين(بس بعد ماأشوف الموضوع له متابعين)
شاركي في النقاش
سجلي الدخول لإضافة تعليق.
التعليقات
10- هلاااااااااا عيوووووووووني موضــــــــــه وحيـــــــــــاك
تسلمين على المشاركه وننتظر بقية السالفــــــــــه ...... - :27: :27:
- وينــــــــــــ :confused: :confused: ـــــــــــــنتس ............ ؟؟؟؟؟؟؟؟؟
- ؟؟؟؟؟؟
- معليش يابنات على التأخير
المهم
نتابع
بنات ابشركم خطوبو لعمي ووافقوا الجماعة وحددو العرس بعد شهرين
عاد تعرفون لازم نروح السوق
اليوم رحنا
تصدقون
كلش في الرياض تغير
انا قلت من زمان اني ماطلعت العادة اطلع لبيت عمي وخالي ووووو وكلهم حولنا وحوالينا والمدرسة نفس الشي
حتى ملابسي امي اللي تشتريها لي
هالمرة لا هاذا عرس عمي لازم انا اروح اتقضى بنفسي
بس صراحة راعين العماير صايرين من تالي كنهم هذا:23:
اللي حاط عمارته كنها فرجار مثل اللي عند بنات العلمي ولا فوقها كوره بعد
واللي حاطها كنها نبيطة عزيز ولد خالي
والغريب بعد مخليها تنور كل شوي لون
مره اخضر مره موف مره مدري وشو
بنات توقعون وين جاب الوان لمباته علشان اقول لابوي يحطها في بيتنا
بس مب دايم
اذا جانا احد بس فاضين خساير
الضاهر فلوسه واجد ولا يعرف احد بالكهرباء علشان يسوي له تخفيض
المهم انا العادة اذا بغينا نروح للسوق نروح لسوق الحمدان بس الله يهدي من هده يقولون حطو بداله بنده
بنات انا سامعة اشاعة مدري صدق ولا لا
يقولون هالبنده غير
هاذي هبره
بس مدري وشلون هبره العادة اللحم فيه هبره
هالمرة بندة وهبره (اللهم لك الحمد)
نرجع لسالفتنا
رحنا لسوق حوشه كبيييييييييييييير مرررة
ولا الظاهر قاعدين عليه يومين يمسحون فيه
الظاهر ممسحينه بحق القزاز
يللللللللللللللللللللللللللق ماشاء الله
الله يخلف على حوشنا وشغالتنا اللي تدربي راسها
ماتعرف تمسح شي
وجايبه معي يمكن حول الخمس ميه
لا وبالطواعين يالله طاع ابوي
انا قلت ابشتري كلللش القماش والنعال والشنطه
تعرفون لازم اكشخ منيب شويه بنت اخو المعرس (كشخه)
ويالله اقتنع بعد انتم تدرون قماش العروس(جمع عرس) اغلى من غيره (اصلا سوير قالت جيبي معتس وخليتس محتسبه ترى حق العروس غالي)
رحنا انا وياها وامي معنا بعد
مرره تغير السوق كلللش نار اجل يقول المتر بخمسميه
اصلا مامعي الا هالخمس
احطها في متر والباقي وش اسويبه
والله ورطة
بعذر الحريم يتفصخن في العروس (يقولونه انا والله ماقد شفت)
مادام كذا الاسعار
اكيييد بيتفصخون
لا واللي قاهرني هالرجاجيل
اللي من يشوفون لون العباية
تطير بوهتهم اللهم لك الحمد
كنهم ماقد شافو حريم
وشفت بعد حريم الله لايخزينا يمشن في جلابيات والمشكله كل جلابياتهم سود
اللي قماشه معفط متعيجزتن تكويه يامال العجز
واللي اشهب كنه حاط كلوركس
اشكال
وياخزياه لاتستحي ولا تدل درب الحياء
تكلم الرجال
الرجال يستحي وهي مطلعة الكشه
المهم طلعت من السوق وما شريت الا قماش مب ذاك الزود متره بالهواش مع راعي المحل خلى متره بميه وخمسين ولا امدانا الوقت نمرمر على النعال ولا الشنط
وخفنا ابوي يعصب ان تأخرنا قلنا بنرجع وش نسوي
تبون الصراحة انصدمت من اللي شفته في السوق
ماتوقعت الناس صارو كذا
انتهى كلامها
مصدقه عمرها كاتبه
ومعليش بنات الافكار اللي في راسي طلعتها
راجعه
انتظرووني ولا تنسون تعطوني رايكم
مواضيع مشابهة
تابعي تجارب أخرى من هذا القسم.