انا قرأت موضوعك من اول ماكتبتيه صراحة عجبني لأن فيه نقطة مهمة
ركزت عليها وهي ايش الاماكن اللي مايخطر على بالك انك تنظفيها واعتقد ان هذا مهم جدا بااعتبار
ان النقطة هذي باالذات تدل على ان صاحبة البيت ست شاطرة طبعا لما قرأت موضوعك كتبت رد طويل
لكن للأسف تعطل النت وتوقفت وذحين ارجع اكتب لك لكن بااختصار لأن البنات ماقصروا
بالنسبة للعموم دائما في بداية زواجنا نغفل عن نقطة مهمة وهي الجدول وماعرفته انا شخصيا او بمعنى طبقته الا بعد
فترة من الزواج وهذا يرجع بعد الله لبنات حواء فلهم مني كل الشكر المهم اعملي جدول لغسيل الملابس ويفضل
يومين السبت والاحد الاثنين كوي المهم مايكون خميس وجمعة الثلثاء شيكي على البيت كله وخاصة مايخص الضيوف
من مجالس وتمسيح وكنيس وكمان الثلاجة والفرن المهم خلي الثلاثاء نهاية شغلك الصعب
في اماكن في البيت تدل نظافتها على حنكة صاحبة البيت مثل:
تحت السجاد اركان البيت اسقف الادوات والدواليب والتليفزيون لأن الاماكن هذي دائما نغفل عنها
ايضا اسفل هذي الاشياء تحت التلفزيون تحت الفيديو قاعدة الاباجورات سواء كبيرة او صغيرة اسفل الفرن اسفل الثلاجة
حتى باب البيت الرئيسي سواء من الداخل او الخارج نظفيه من الغبار يعني بااختصار الضيوف يلفت انتباههم الغبار في كل البيت
شيكي على اماكن الغبار ايضا سلة المهملات الموزعة في البيت والحمام دائما خليها بكيس نظيف وقت مايجي ضيوف
ممكن تحطي كيسين واذا جاك ضيوف شيلي الكيس اللي فوق واللي تحته بيكون نظيف ويختصر عليك الوقت
هذا باالنسبة للبيت
اما اللبس حاولي يكون لبسك ثلاث مرات مرة فترة الظهر ووت الطبخ وبعدها لبس لوقت الليل واخيرا لبس للنوم
بخصوص العناية باالجسم خليها مرة في الاسبوع افضل يعني شغلات الصنفرة والخلطات والشعر والامور هذي
وهذا اللي يحضرني الان وباالتوفيق بس ياليت تقولين طرقة تخلصك من العين وتوابعها عشان الكل يستفيد
ايش الاماكن الي ماتخطر على بالك وتحتاج تنظيف (لحديثي عهد بمسؤولية وتنظيف بيت يتفضلو)
متابعة النقاش، صفحة 7