شاركي في النقاش

سجلي الدخول لإضافة تعليق.

التعليقات

548

  1. @alhlkanh

    تعجبوووووووووووووني يا بنات ومرحباً بالي نضمو لنا جديد وبرنامجك يا هنيه الهنيه كثييييير قريب من برنامجي بس ما شاء الله عليك شكلك خلطاتك أكثر والله يديم عليك هدايته التزامك بلقرآن والتقرب من الله أكبر من التزامي (الله يهدينا ويعيننا على ذكره وشكره وحسن عبادته)!!!! الله يعيننا ونواصل..

    بنات آنا باستمر كل ليله على السمن النباتي والليمون بازهير للجسم كامل ولفه بنايلون الصراحهه اليوم حسيت إن بشرتي ناعمه ومنوره!!! وباقي البرنامج هذا هو متواصل بس الله يعين على شرب الماي!!!

  2. @alhlkanh

    بنات هذا برنامج سريع وأجراءات ممكن تستفيد منها الأخت الي يكون عندها طفل صغير أو مشاغل وتحس إن ماعندها وقت للأهتمام بنفسها.. ووحده من الخوات الله يسعدها كتبت لي عالخاص تشتكي من ضيق الوقت وكان هذا أقتراحي عليها عشان تتسهل عليها أجراءات الأهتمام بنفسها..

    أما بلنسبه لأنشغالك بالعيال الله يخليهم لك فإلي أعرفه أن الطفل في سن 4 شهور وحتى الى سنه يقضي معظم وقته نايم!! يعني عندك وقت اذا نام تسوي شوية رياضه جنب سرير الطفل وبدون صوت تسوي رياضه للبطن 10 دقايق تخلصي المهم التركيز على العظله.. وبعدها عظلات الرجلين وإنتي جنب سرير الطفل وهو نايم وقفي فاتحه رجلينك واثني ركبك كأنك بتجلسين ويدينك إما قدامك ممدودين على مستوى الكتف عشان التوازن وإما على خصرك هذا التمرين يشد عظلات السيقان والأفخاذ والمؤخره.. وهذا التمرين كل ما عملتيه ببطئ أكثر صار أكثر فاعليه.. وهذا خلصتي الرياضه..

    الأكل إنتي بتاكلي بتاكلي سواء عندك أولاد أو لا.. أختاري الأكل الصح المغذي عصري برتقال وشربيه ماياخذ وقت.. إغسلي كمية من السلطه وخليها بدون تقطيع في الثلاجه ومتى ما جعتي أخذي منها وقطعيها سريع وزيت زيتون وخل أو ليمون وكان الله غفور رحيم.. العشى دجاجه خلي الخدامه تنظفها وخمريها في زبادي وبهار تندوري وارميها في الفرن ساعه الا ربع تنشوي وطلعيها(ما يبيلها فن وطبخ ووقفه في المطبخ) أو شوربه خضار قطعي الخضار مربعات وبصل وملعقة زيت زيتوةن في طنجره شوحيهم شوي (كوسا فلفل أخضر قرع جزر الي عندك بالبيت) وحطي عليهم ماي وملعقة شوفان وعصير طماط وملح وبهارات على كيفك وخليها نص ساعه وبالخلاط وخلاص.. فاكهه أكلي على كيفك ما يبيلها وقت..وأبتعدي عن المعجنات والرز المسبك والأجرام الي نرتكبه في حق انفسنا..هذا ما يبي له وقت وتفرغ..

    بالنسبه للخلطات والحوسات.. اذا بترضعي ولدك قبل الرضاعه حطي على وجهك ماسك سريع (أما زبادي أو عسل أو عصي خيار أو نشاء وماء ورد) الماسك الي تختارينه وكملي حياتك عادي يعني فترة أنتضارك لولدك عشان يرضع تستغلينه في شي مفيد لك.. الجسم أقل شي وأسهل شي أنك اذا دخلتي الحمام تتحممين أخذي ملح وخلطيه بأي زيت عندك وفركي به سيقانك ويدينك وركبك سريع سريع وأخذي حمامك عادي.. وبعد الحمام ثواني تحطين في يدك شوية زيت لوز أو سمسم أو الزيت الي يعجبك ومرري يدك على جسمك ودهنيه وخلاص هذا أنتي غذيتي بشرتك.. واذا حسيتي بجفاف الكريمات واللوشنات ماتاخذ وقت ثواني تحطينها على جسمك كله.. أما أمور الحوسات الكبيره (حمام مغربي وخلطات السدر والحنا والكركم وغيره) فهذي مره أو مرتين في الأسبوع والأجراء ما بيلاخذ من وقتك الا ساعه تقريباً ما تقدري تخصصي وقت ساعه في الأسبوع لنفسك؟!!

    الرجلين كل ليله قبل ما تنامي حتى بدون حك وحجر وغيره بس لطعيها فازلين ولفيها بنايلون وشرابات وخلاص..

    هذا مو برنامج هذا المفروض يكون طريقة حياتك وكلها فتره شهور بتشوفي النتيجه المهم في الموضوع المواصله والإلتزام بالنقاط الثلاث(ترطيب الجلد بالزيوت - تغذيه سليمه وشرب السوائل والماء- الإلتزام بالرياضه الخفيفه وزيادتها مع التعود عليها)

تابعي تجارب أخرى من هذا القسم.