معاناتي مع التكيس

السلام عليكم ورحمة الله وبركاته

خواتي انا عندي تكيس من 7 شهور اكتشفته يوم تعبت وجاني الم كنت بموت منه.... والحمد لله على كل حال....

اتسعملت حبوب منع الحمل مع الجلوكوفاج والحين صارلي شهر تاركه الدوا لانه تعبت ومنع الحمل بس استخدمته شهر عشان يوقف الالم مو لسواد عيونه بس هلكة من الدوخه والصداع

ودكتورتي سافرت ورحت عنده وحده ثانيه وبدينا من الاول اول موعد خذت مسحه وتحاليل... وعد يومين النتائج...الله يستر


بس هي انصدمت تقول التكيس ما يسبب الم:o:o وانا الالم يذبحني ما اقدر امشي ولا اتحرك منه:06: تقول اول مريضه تقول عندها الم؟؟؟؟؟؟!!!!!!

اللي عندها تكيس تقولي تحس باللم والا انا اتخيل؟؟؟؟؟؟؟؟:hahaha:

والحين قررت اني اسوي حجامه عااااااااااااااادي؟؟؟؟؟؟؟

لانه انا اسويها لظهري وقلت مره وحده اكمل عليها...... مين منكم جربتها؟؟ ونفع معاها عن التكيس؟؟؟

واسمحولي والله يسهل علينا ويرزق كل محرومه...

26 تعليق 14,222 مشاهدة

شاركي في النقاش

سجلي الدخول لإضافة تعليق.

التعليقات

26
  1. @shmaa_althok

    لا اللي عندها تكيس ما يجيها الم

    اخاف الدكتوره الاوله تقصد كيس

    الكيس هو اللي يسبب الم

    والله اعلم

    انتبهي على نفسك
  2. صاحبة الموضوع
    الم فظيع اذا كنت واقفه وجاني فجاه يكون بمنطقة المبايض احس شي وبينفجر واذا حاولت اقعد احس شي ينغط وراح ينفجر والله اني ابكي واحيان اذا كنت قاعده تحطليني ضاغطه على بطني ومو قادره اتحرك شي كريه وما اقدر امشي واذا دخلت الحمام وانت بكرمه امووووووووووووووت لين ما اخلص دموعي اربع اربع..........والحين من تركت العلاج وهو ذابحني

    <<<< سهرانه من الالم...
  3. صاحبة الموضوع
    لا مو كيس تكيس وانا راجعة عند اكثر من دكتوره نفس الكلام

    والالم مو بس وقت الدوره<<<< اشوف نجوم القايله

    لالالا على مدار ال24 ساعه احيان افز من نومي وانام وانا قاعده

تابعي تجارب أخرى من هذا القسم.