شاركي في النقاش

سجلي الدخول لإضافة تعليق.

التعليقات

53
  1. @emyyyyy_1

    حبيبتي

    انا مصرية زيك

    و فاهمة كل كلمة انت بتقوليها عشان بمر بكل الظروف دي كل شوية

    بصي

    مهما كان جوزك متدين ممكن يقع بسهولة جدا لأن مافيش راجل مهما كان يقدر على كيد ست

    دا ربنا قال على كيد الشيطان ضعيف و على كيد النساء عظيم

    و واضح كدا ان دي واحدة ماعندهاش اخلاق

    بس من غير ما تزعلي مني انت غلطانه و جوزك كمان

    جوزك غلطان لأنه مش مفهمها قيمتك في حياته و دا اللي خلاها ترد عليكي كدا و تكيدك

    بس هو معذور لأنه راجل وللاسف الرجاله مابتفهمش حركات الستات السافلة مهما كان عندهم خبرة

    و عشان كدا هو بيتعامل بعفوية من غير قصد

    حاولي تفهميه النقطة دي بالراحة لأن واضح فعلا انه مايقصدش

    غلطك انت بقى في الاتي

    1- ليه تكلميها و تعمليلها قيمة؟

    كلامك معاها دا هايخليها تركز معاه اكتر مش عشان هو عاجبها لكن عشان تكيدك و تقرفك

    دا غير انك كدا هاتخلي شكل جوزك وحش في شغله

    2 - ليه تنكدي على نفسك و جوزك بسبب واحدة سافلة؟

    عشان تفرحيها و تثبتي لها انها نجحت في خراب بيتك

    و لا عشات تضايقيه منك و تخليه يروحلها برجليه و يسيبك

    حبيبتي

    انسي و كبري دماغك

    و خلي كل همك ازاي ترضي جوزك و تخليه يحبك

    خليه فعلا مايرتاحش غير معاكي

    اكسبيه عشان ماتقدرش هي ولا غيرها ياخدوا لححظة من تفكيرك

    و بعدين بتقولي ان جوزك راجل متدين

    يعني انت واثقة فيه

    و بتحبيه والا ماكونتيش غيرتي عليه

    ياريت تقضي وقتك و تشغلي تفكيرك في التعبير عن الحب و الثقة دول

    و ساعتها اضمن لك انه بإذن الرحمن مايشوفش غيرك

    و بعدين دي لا اول ست و لا اخر ست ممكن تقابله في حياته

    ممكن تقابلي من هي اسفل و اقوى منها

    فمش الحل انك تحرجي نفسك و تحرجي جوزك و تكلمي الاشكال دي

    اهي ردت عليكي رد حرق دمك استفدتي ايه بقى؟؟؟؟؟؟؟؟؟؟

    اسمعي كلامي

    انا على طول في الافلام دي

    و كل اللي بعمله 1- اركز مع جوزي و اقفل اي باب مشاكل

    2 ادعي كتير اوي ان ربنا يبعده عنها و بنتقم منها لو فيه في نيتها حاجة و لو مافيش يبعدها عنه برضه

    3 ادعي كتيييييييييير ان ربنا يقرب بيني و بينه و يحببه في وبس على كدا

    كمان هاقولك اخر ملاحظة

    انت بتقولي انها متنيلة متجوزة

    يعني اكيد جوزك فاهم و لو من بعيد الفرق الاخلاقي اللي بينك و بينها

    معقول هايفضلها عليكي؟؟؟؟؟؟؟؟؟

    اطمني و اهدي و بالمصري كدا لمي الدور و حافظي على جوزك حبيبك و اكسبيه لأنه بيحبك

    و لو ماكنش بيحبك ماكانش صبر على كل النكد دا

    الرجاله ماعدهمش صبر

    و لو عايزة اي حاجة او اي حاجة في كلامي مش مفهومة كلميني على الخاص

    و ربنا معاكي يا قمر

    قادر يهديكي لجوزك و يهديهولك و ينتقم لك منها

    آآآآآآآآآآآآآميييييييييين
  2. @alkshh_almntfshh

    زوجك غلطان ميه بالميه هو السبب الي خلها تاخذ عليه
    المفروض زوجك يوقفها عند حدها لكل حاجه خط احمر يعنى زوجك يرضى ان زميلك في الشغل يجبلك فطور وكمان الاكل الي انتي بتحبيه معلش دا كثير واذا زوجك ماوقفها عند حدها قوليلها انك حتكلمي زوجها وتبلغيه بقلت ادب مراته
  3. @bkalyzo

    صاحبة الموضوع
    والله انكم ونعم الاخوات كل وحده فيكم حسستني ان مشكلتي هيا مشكلتها الله لا يوقعكم في ضيق ابداً وفعلا عندكم حق انا اديتها فرصه تحرق دمي وتتجرأ عليا لما كلمتها لكن الغيره والله مش بأيدي ولو كنت اطول اعمل اكتر من كدا وقتها كنت عملت ولو كنت اعرف اوصل لجوزها كنت كلمته لكن اللي زي دي لا يهمها زوج ولا اب لو كان يهمها كانت خافت تركب مع راجل غريب حد يشوفها يقول لزوجها او اهلها انا لا املك الا ان اقول حسبي الله ونعم الوكيل فيها والله يا بنات انا كنت حامل في بنتي التسع شهور قضيتهم في غم وهم ما يعلم بيهم الا الله بسببها.
    انا فعلا دلوقتي هديت وبعمل زي ما نصحتوني بس والله لسا نار والعه جوايا بس لانها ركبت مكاني في السياره لدرجة اني كرهت السياره وبركبها لاني مضطره ولاني شمتها فيا.
    اشكركم يا بنات على سعة صدركم وعلى مشاركتكم ليا مشكلتي واطمع في ان تدعولي اكتر ان الله يبعدها ويبعد الي زيها عن طريقي وعن طريق اي ست مخلصه لزوجها وبيتها وولادها اااامين

تابعي تجارب أخرى من هذا القسم.