تكسرت من ضرب زوجي

اولا احب امسي عليكم ......

ثانيا .. اعتبروها فضفضه لان الحل معدوم مع هالرجل

انا لي 4 سنوات متزوجه ,, زوجي نكدي بكل ماتحمله الكلمه من معني,, يعني يومين عسل وعشره نكد

كثير ازعل عند اخوي الله يخليه متحملني انا وعيالي والله مستحيه منه ومن زوجة اخوي دايما ازعل عندهم

انا من تزوجته وانا على هالحال تكون المشكله تافه بس هو يكبر الموضوع ويحط الحق علي ونقعد اسبوعين واكثر على هالحال واغلب الاحيان توصل انه يسبني ويشتمني شتايم استحي اقولها ويمد يده علي اقعد اسبوع وانا بالفراش ,, بالعقال بالعصى بترمس شاي حار

والله اني تعبانه نفسيا لابعد حد ,,

عندي شغاله اول مره اقدم عليها لها شهرين والله انه يحترمها اكثر مني وهي من النوع اللي بس اذا شافتني نايمه تستغل الفرص وتضحك وتسولف معه ,, وانا مفهمتها مليون مره مالها اي كلام معه واذا احتاجت شي ماتروح له ,, وبعدين اتفاجا انها رايحه عنده تتطلبه جوال لها او راتب شهر مقدم وعلى فكره هي انحاشت من عندي وقلت له ماابغاها لاترجعها ماسمع كلامي ورجعها وتوعد لها ان بس شهر ويوديها عند ناس ثانيين شوي ويبوس رجلها لا وشرط علي اني مااقولها شي اذا رجعت ولا اهاوشها بحجة ان شاريها بمبلغ مو بسيط ,, ولما اقوله ليش ماوقفتها عند حدها وهاوشتها انها ماتكلمك ,, يقول ليه اهاوشها هي مو انسانه

انتم حريم مثلي وتعرفون حركات الشغالات يتمسكنن على الزوج بالذات

بنات ماتسمع كلمتي وتطول لسانها علي ,, لما اهاوشها يقولي عامليها زين هذه انسانه ,, مع انه والله دايما يوقف بجنبها ويهزئني ويسبني امامها ,, مخليني انا الشريره وهي المسكينه الطيبه اللي انا مخليه شغل البيت كله عليها

كم مره اقوله اذا في اي مشكله المفروض تكون بيننا بعيد عن الشغاله والعيال

المشكله ان عيالي من كثر هواش ابوهم لي صاروا يتبولون على انفسهم

تعبت انا انسانه ولله الحمد مملوحه ومااقصر بكشخه له ولا ببيته ,, لدرجة ان الطبخ وطلباته علي
حتى اطفالي مااخلي الشغاله تمسك فيهم ولاشي,,

اذا عطاني شهر ,, اقعد شهرين من غير مصروف,, حتى عياله رافض يوديهم للروضه ,و انا بعد حابه ادرس باي معهد او تخصص عشان اضمن مستقبلي معه دايما خايفه من بكره مع كذا رافض ويتحجج كل مره الشهر الجاي ويجي الشهر وانا لسه مادرست


والله اكتب لكم وجسمي كله متكسر ظهري خايفه انه تظل عليه علامات الضرب ,,

كانت المشكله على شي تافه ,, بس يبغى اي مشكله وانا احاول اتغاضها بس كل ماطنشته زاد ,, ضربني امام الشغاله حتى شعري نتفه حسبي الله على كل رجل يمد يده على ضعيفه ,, وركب فوقي بكل جسمه وضرب راسي بالارض ولا اكتفى راح كمل علي بعصى خشب بكل جسمي واكثر شي ظهري حتى عيني اتورمت اشكر الله اني ماتشوهت هذيك الساعه ماهو نافعن,, قمت انا لاشعوريا بتكسير بعض اثاث البيت

والله اني ظليت 4 ايام مااقدر انام على جسمي واخذت مسكنات ولا فادت من الم الضرب ,,


متكبر يفكر نفسه احسن واحد ,, عنده غرور بشكل مو طبيعي ,, كان متزوج قبلي ثنتين انا الثالثه

الخلاصه
زعلت هالمره عند اخوي بعد ماهو طردني من البيت انا اخذت اطفالي الشغاله تركتها له بالبيت ,, لان كان قايلي الشغاله مالك شغل فيها ولاتتامرين عليها , تركتها له عشان يشبع فيها اصلا لما طلعت من البيت كنت يادوب اقدر امشي حتى الشغاله مافكرت فيها لاني كنت بحاله مايعلم بها الا الله,, الحين هو وهي بالبيت لحالهم

تخيلو انها صارت ترد على تلفون البيت وكانها المدام الله لايوفقها هي وزوجي حسبي الله عليهم
تعبت يابنات من المشاكل انا احاول اني ابتعد عنها وهو حياته النكد واختلاق المشاكل


تعبت من دنيايي لااب ولا ام ولااحد ولاوظيفه اقدر اصرف منها على نفسي اذا تطلقت ,, اذا اخوي تحملني فتره ماراح اسمح لنفسي اكون عاله عليه لان مادياته اصلا تعبانه. تعبت والله تعبت افكر اني اتخلص من حياتي لان مافيها اي شي ايجابي

235 تعليق 24,735 مشاهدة

شاركي في النقاش

سجلي الدخول لإضافة تعليق.

التعليقات

227
  1. @aml_40

    شوفي يا اختي لا تزعلي عليه ولا تهتمي بالشغاله واذا هو مطلع عليها هذا مستواه الله يعينك عليه بس يا اختي الله يوفقك ديري بالك على نفسك وعيالك واتركيه فتره بس سؤال ليش ما تروحي عند اهلك احسنلك واتضلك فتره عندهم واتصحك بالاتجاه الى الله والاستغفار ما راح ينفعك غير الدين وادعيله الله يهديه وبدي اسالك هى الشغاله فيلبينيه او سيريلانكيه وكمان نصيحه اهتمي بشكلك واهمليه هذا الى ما يستحي على حاله الله ينصرك عليه ويهدو ويرجعلك ذليل
  2. @am_mnthr1

    ياحبيتي ماني عارفة وش اقولك خليك عنجد اخوك لية هو يجي لاترجعي
    حرام يالي يسوية فيك وانتي ماراح تقدري تتحملي خلي اخوكك يدورك على وظيفة او انتي دوري في الانترنت من غير ماهو يدري
    ادي ربك انة الله يشغلة بنفسة ادعي لاتكوني صعيفة ايمان ادعلى بين كل اذان ادعي في الليل وربنا رااااااااااح يساعدك ياذنة تعالى
  3. @am_aathomy_1

    الله يعينك يا قلبي

    والله مدري وش اقولك:44:

    اذا مالك ام واب لك رب واحد احد

    ينتصر للمظلوم ويفرج هم المهموم

    والله مارح يخيبك

تابعي تجارب أخرى من هذا القسم.