وانا في الغربه اخت زوجي غدرت بي !!ومع مين؟؟؟

لاتكلمين خالتك بالموضوع ولا تبيني لأخت زوجك قهرك
لانك بس تتكلمين معناته وصلت للي تبيه
وثانيا ياقلبي ..خلي الشغاله تقول الي تقوله....والله لو منك مو اكبر همي تموتين عشان شغاله تكلم باسرارك
والله الي يضدق الشغالات غبي ...والي بيسمع لها بالطقاااق العيب عليه ولاينقص فيك ابد

عيشي حياتك ولشفتيها عند اهل زوجك حسسيها هي وشغالتها الأمر عادي ومو هم اكبر همك
تاليتهن شرهن على بعض..والي يجتمع على الشر اخرته هم ونكد

الله يجزاكم خير هونتوها علي شوي:( احسن شي ما اكبر الموضوع واتوكل على ربي والله يحلها من عنده,,

انتبهي حاولوا لاتروحوا وخلي اهل زوجك هم يزوروك بدون الخدامه لانهم حقودات واحتمال كبير جدا انها جايبه عمل معاها لك احذري وادعي وعليك بالتحصين....وادعي في سجودك ان الله يصرف اخت زوجك عنها ............

الله يعينك صح شي يقهر وخاصه اذا بينكم انتي والشغاله مشاكل

تدقين على خالتك تتشرهين ؟؟؟؟
شي غريب والله

اتنتي مكبره الموضوع مررره مرره
يعني ممكن تتضايقيبن بس ماتوصل انك تقولين عنها انها غدرت فيك
هي ماغدرت انتي انهيتي عقدها وسفرتيها وهي جابتها
اجل وش بتقولين لو انها اخذتها من وسط بيتك
وش دعوه ياختي
خليها تقول الي تقوله دامك واثقه من نفسك ماعليك منهاا
واذا خايفه من سحر حصني زوجك وعيالك والله الحافظ

وترا هالموقف مايستاهل منك كل ضيقه هالصدر
الله يهديك