أشعر اني أم لأمي

ما ادري ليه دايما يابنات احس كذا حتى لو امي باحسن حال
بعد ماتزوجنا البنات كلنا مع انها ليست وحيدة معها اخواني الاثنين ووالدي العزيز
بس هي تعبت معنا جدا من تربية والتعليم للزواج ومايتطلبه والولادات والنفاسات عطتنا كل شي ممكن تعطيه لنا حتى فلوسها وذهبهاكله باعته عشاننا وزواجنا (عددنا ماشاء الله )
أجد نفسي دايما افكر فيها واكلمها واعتبر نفسي مسؤلة عنها وعن مشاكلها واحتياجاتها ما احب ابدا اسمعها تشكي ولاحظت انها ماتشكي لأحد من اخواتي الا لي بالتحديد ممكن تنحرج منهم
أسعى لراحتها بأي طريقة ماديا او معنويا ...أشترى اي الة او اجهزة ممكن تسهل عليها عمل المنزل
أخذها مع اولادي للنزهة والتمشية من فترة للثانية او عزومة غداء او عشاء او النادي لو ما كذا ماكان وسعت صدرها شوي
اشوف اي شئ يسهل عليها الحياة اجيبه
لو قالت لي اشتهيت شي وما على بالها اسويه واخذه مخصوص
اكلمها اكثر من مرة باليوم
لو شكت لي من اي شي جرحها من اي وحدة من خواتي مثلا عدم السؤال او الزيارة اكلمهم بيني وبينهم (رغم ان هذا سبب لي مشاكل في البداية غيرة وكذا من بعضهن...... لأن مجرد وجودي معها هذا بيظهر البعض كأنه مقصر راودني تفكيري ابعد شوي عن امي حتى مايغارون بس قلت يعني لا يجون وبيمنعون غيرهم ....مع الوقت ايقنوا ان هذا طبع فيني خاصة مع حبي لهن واهتمامي بهن غير بس ان عندي فكرة ان ربما برنا بوالدينا هو الشئ اللي بيكون طوق النجاة من النار ومو معقولة أدخر جهدا لاي سبب


أمس قالت لي شئ أبكاني والله بعد ماقفلت التليفون تقول لي الصبح وانا افطر مع ابوك كان بي ضيق وزعلانة
قلت له بعد الله لوماوجود بنتي فلانة بحياتي كان صارت الحياة كئيبة لاتحتمل احبهم كلهم بس الكل يبي يأخذ وهذي اللي دايم تفكر فيني وشايلة همي وتساعدني

أكتب اليك يامن قسوت على امك لسبب تافه
لربما كان ذلك دائما وأبدا من الاعمال التي نتودد بها الى الله
لربما أنقذنا برنا بأهلينا من نار وقودها الناس والحجارة
كم تسوى ان امك تقول لك عبارة مثل تلك؟
كم تسوى عند رب العالمين
أي ثمن من وقتك اومالك رخيص

39 تعليق 2,372 مشاهدة

شاركي في النقاش

سجلي الدخول لإضافة تعليق.

التعليقات

38
  1. @knz_alhnan

    ماشاءالله عليييييك

    هنيئا لك برضى امك

    مااشاءالله نادر الحين بنات كذااا

    البنات صارو يتكلون على الامهات بكللل شيي

    واولهم انا ومن يوم فقدتها وانا ضايعه

    الحمد الله على كل حال هذا اللي نبيه من الدنيا رضا الوالدين

    الله يسعدك ويوفقك وييسر امورك وياليت كل بنت تشوف موضوعك وتتعلم منه

    عشان تحط ببالها بيوم من الايام لو فقددت امها بعد عمر طويل هل اهي مقصره معها ولالا

    الله يجمعنا فيها بالفردوووس يارب الله يرحمها ويغفر للها وينزل عليها السكيينه يارب يارحيم

    :(
  2. @smasm421

    ماشاء الله تبارك الله,,والله وانا اقرا كلا مك خنقتني العبره,,,الله يخليكم لبعض ،ويزيدكم من فضله،،،،واجمل شي في الدنيا الام وحنانها,,,,,تمسكي فيها اكثر واعطيها اكثر ،،،

تابعي تجارب أخرى من هذا القسم.