انا اخت جديده لكم :) وبدخل بموضوعي على طول
رجيمي بعد البكااااااااااااااااااااااااااااااااااااااء ببكي
مليت من كل شي ما عندي اراده ابد امسك رجيم يوم واخربه نهاية اليوم :44: حالتي تكسر الخاطر اروح السوق ما القى شي حلو علي واكافئ نفسي اني اتعشى او اتقهوى:09: اكره اروح للزواجات لأني ادري اني بموت قهر شكلي اكبر من عمري :44: انا متزوجة وعندي اطفال بس وزني يوحي ان عندي خمس او ست اطفال مليييييييييييييييييييييييييييت ولا لبس علي حلو اذا دخلت اي عزيمة تلقيني ادور اقرب كرسي عشان اجلس متفشلة لبسي لبس عجايز مهب لبس بنات بسني :icon33: احس ان الموظة ماشية يمين وانا يسار والمشد رفيقي في الزنقات بس الله لا يوركيم يضغط جسمي كني برميل اسطواني :icon33:
ملييييييييييييييييييت الى متى ما اقدراضبط روحي
هذا غير تعليق ام زوجي علي:icon33: ما تقصر تذكرني بالذي مضى ولا حولك احد عمك اصمخ:35:
ابي منكم دعاااااااااااااااااء من قلب صادق ان الله يرزقني الارادة اللي ترجعني زي اول
واقترحوا علي رجيم مفعوله سريع عشان امسكه واذا نزل وزني يعطيني دفعه قويه .. لا تقولون التمر واللبن لاني مسكته ولا قدرت عليه
شكرا للجميع ام المواعين:
شاركي في النقاش
سجلي الدخول لإضافة تعليق.
التعليقات
9- هلا بالحلوة ، اختي يارب تضعفين بصحة وعافية ويارب الله يعطيك الإرادة واتصيرين رشيقة 2009 :) إن شاء الله ، أختي انتي إكلي كل شي بس قليل مثلا حاولي الفطور تاكلين سندويتش توست او نخالة يكون فيه جبن قليل الدسم وطماطم وخيار وخس يمي يمي وبسسسسسس سندويتش واحد فقط وقبل الفطور بساعة شربي كاسين ماء او ثلاث ووقت الغداء اشربي قبل الغداء بساعة 3 كاسات ماء واذا كان الاكل عندك ارز فإكلي اربع ملاعق طعام ارز فقط وإكلي بالشوكة علشان تاكلين بكمية قليلة وعلى مهلك إكلي وكثري من السلطة واذا كان معكرونيا اكلي ايضا اربع ملاعق طعام فقط وطبعا مع الارز او المكرونيا قطعة ستيك صغير او صدر دجاج بس يا اختي كثري من السللللللللطة وحاولي ايام ماتتعشين واذا ماقدرتي انك اتقاومين الاكل فتعشي ، اولا شربي كاسين ماء وبعد بساعتين إكلي قليل مثلا قطعة دجاج مشوي وربع رغيف فقط وبين الوجبات اكلي فواكة او خضار والنتيجة ان شاء الله راح تكسبين بشرة حلوة لأن شربتي 8 كاسات في اليوم ومثل ماقلت لك قبل الفطور بساعة 3 كاسات ماء وقبل الغداء بساعة 3 كاسات ماء وقبل العشاء بساعة 2كاس ماء وهالشي راح يشبعك وحاولي تبتدين بربع ساعة مشي او جري مكانك وبعض التمارين ونط الحبل وبعده زيدي نص ساعة وبعده ساعة ولاتنسين لاتاكلين حلويات إلا مرة في الاسبوع قطعة صغيرة فقط ، اختي حاولي تشترين لك فستان اقل من مقاسك ويكون حلو ودائما بين فترة وفترة جربيه إلى ان يدخل فيك :42: ، اختي نصيحة مني حتى في التجمعات مع الاهل خففي اكلي مشويات والاكثار من السلطة واذا رحتي العرس وكان فيه بوفيه كثري في صحنك من السلطة واكلي القليل من الاكل ، اختي :( سامحيني اخاف مافهمتيني لاني في التعبير صفر هههههههههههه وإن شاء الله فهمتيني
- يا رب يعطيك ويعطينى الارادة ويقوينا اللى توصلنا لاوزانا المثالية
وجزاها الله خير الاخت دلوعة كلكجية ما قصرت - انا نفس حالج تبين الصدق
الله يقوينا ويعطينا الارادة القوية ونضعف ونقهر كل الي يقهرونا
ونلبس احلى لبس وندلع نفسنا وتزيد ثقتنا بأنفسنا الحال مايسر ويا هالميزان
اختي شو رايج اتحطين ايديج بيديني انا معاي رجيم من مركز طبي هنا شو رايج نسوية
مع بعض ونوزن اخر الاسبوع ونشوف منو ضعف اكثر عن الثاني يعني صير تحدي من بيناااا شو قلتي
انا متزوجة وعندي بنوته بس بس والي يشوفني يقول عندي 7 مب بنت بس متن فضيع وكريهه وحب الحلويات يجنن - الله لا بكاج اختي وصراحه الاخت دلوعه قالت الي ابغي اقوله ما قصرت
شدي الحيل وقولي بسم الله وتكلي على الحي القيوم - انا وحده منكم مافيه اراده نهائى مادري وش السالفه ؛؛؛؛ بس لازم نسوي شي :(؛؛؛؛لازنسوي قويين ونقهر انفسنا؛؛:42::o؛؛ ونبدا مع بعض؛؛
مواضيع مشابهة
تابعي تجارب أخرى من هذا القسم.