ايش الاماكن الي ماتخطر على بالك وتحتاج تنظيف (لحديثي عهد بمسؤولية وتنظيف بيت يتفضلو)

متابعة النقاش، صفحة 13

شاركي في النقاش

سجلي الدخول لإضافة تعليق.

التعليقات

130
  1. المغلوبة على أمري
    سؤالي اخواتي نبغى منظفات ممكن نستخدمها (بالحمام والمطبخ )تكون قوية ومتوفرة بالبقالات العادية ورخيصة مثلا زي الكولوركس معقم وينفع يستخدم في الاثنين ...بس... هل يغني عن باقي المنظفات وانا اخذت الكولوركس كمثال نبغى منتج مشهور زيه ومتوفر بأي …
    هلا أختي بارك الله فيك وجزاك خير يارب

    فيه منظف 101


    مثل الفلاش وتلاقينه في البقالات

    وفكرة عرض التجارب مرقمه

    خطيييره

    الله لايحرمك أجر من استفاد
  2. فيك شده نكمل؟

    والا خلاص توبة!!!!!

    غرفة النوم...

    اول شي لازم تتخلصي من اي شي زايد عن حاجتك.. وابدأي باترتيب وحده وحده درج درج عشان ما تنحاسين وتتغلقين..

    دوالاب الملابس.. طلعي كل اللي بالرف العلوي وامسحيه...انا شخصيا امسحه ببخاخ قزاز.. لكن اقراء للبنات هنا يسوون خلطات مع المويه ويحطون كومفرت.. بس احس المويه تخرب الخشب..

    المهم.. خلاص مسحتيه..ابدأي شوفي اللي عنك هل يستاهل من يرجع يخزنهن؟ متى كانت اخر مره استعملتيهن؟

    اذا الجواب من سنه!! خلاص ارميها او حطيها في كرتون للجمعية..

    وصنفيها وحطيها في كراتين صغيره... تشترينها من ايكيا او تغلفينها وتكون لون واحد وبستكر صغير تكتبين محتواها..

    خلصنا من الرف.. طلعي كلللل ملابسك المعلقة.. وتخلصي من المعاليق المتعفطه واللي مالها لبس يتعلق فيها وبس مظيقه..

    شوفي الملابس اللي موظتها راحت طلعيها اللي وسيع او ضيق حطيه بكرتون الجمعية.. واذا بتسوين رجيم او بتودينه الخياط يظوقه لا تدخلينه بالدولاب..

    الحين الدولاب فاظي.. امسحيه وامسحي عامود التعليق.. وابدئي بتعليق الملابس.. اول شي القمصان والبلايز.. كلها بجهه مع الترتيب حسب الالوان.. ثم التنانير ثم الاطقم والفساتين..

    كذا بيسير عندك فراغ تحت القمصان.. ممكن تجيبي دروج بلاستك او اللي تجي زي الشبك عند ايكيا وتحطينه تحتها.. لو ظاقت فيك الادراج..

    والمعاليق لو يكونو بشكل واحد يعني مو كل لبس بمعلاق شكل..

    والكمدينه اسحبيها واكنسي اللي وراها.. وفكي ادراجها وامسحيها ورجعي رتبي اللي فيها..

    التسريحه فرغي كل درج على حده ومسحيه وارجعي رتبيه.. وجيبي لك مفرش ناعم يكون من لون الغرفة وطقمي معه سلات او صناديق تحطين فيها عطوراتك وعطورات زوجك..وما ننسى طبعا نمسح المراية..ونمسح اللي فوقها يعني راس المرايه..

    السرير.. فكي المفرش ومسحي المرتبه وطقيها بممسحه رطبه شوي عشان اذا فيها غبار.. ومسحي راس السرير..ونقلب المرتبه..لأنه المفروض المرتبه تقلب كل ثلاث شهور عشان ما تنخفس من كثر النوم على جهه وحده..

    واذا انتِ مخزنه شي تحت السرير طلعيه واكنسي المكان ونظفي الحوسه اللي كانت تحت.. وطلعي اللي ماله داعي ورجعي الباقي..

    وبعد ما تغسلين المفرش(فيه طريقه في المنتدى تخلي ريحة المفرش معطره لمدة ثلاث شهور) لكن المفرش يغير كل شهر..
    وانا احب اغيره بعد الدورة<<<<< وش دخلها!!!

    والشماعة شيلي اللي عليها..الغسيل غسليه والنظيف دخليه الدولاب.. ومسحيها وشيليها واكنسي اللي تحتها..

    واذا الغرفه سراميك امسحيها واذا مفروشه بعد الكنس افركيها بفرشة خشنة مبلله شي بسيط بماء مع كومفرت او كلوريكس ملون لأن ريحته حلوه وتنظف بنفس الوقت.. تطلع لك كل الشعر وخصوصا اللي عند التسريحة..

    الابجورات اذا عندك مسحيها وحطي من عطر الفواحه شوي على اللمبه.. وبتعرفين ليه اذا شغلتيها..

    واذا بغرفتك ثلاجه صغيره.. نظفيها بالطريقة السابقة.. وحطي عليها ملصقات ناعمه..بس مو فواكه ومواعين!! يعني ورود او برواز تحطي فيه صوره لكم.. وممكن انتِ بنفسك تسوي البرواز على حجم الصوره اللي عندك..

    وحاولي قدر الامكان انك ما تعتمدين اللي فوق الدولاب كمكان للتخزين.. لأنه بوجهك وانتِ منسدحه!!!

    واذا لابد.. يكون بصناديق حلوه ومرتبه وطقم.. دايم اركز على كلمة طقم..

    واذا فيه ثريا تطولنها وانتِ على السرير نظفيها قبل تشيلين المفرش القديم..

    واذا مروحه ايضا مسحيها وبتلقين اعلى الشرايح بلاوي من الاوساخ المتراكمة..

    تعبت.. برجع بعد شوي..
  3. @krz_mlon

    أختي المغلوبة على أمرها ,., أسأل الله أن ينصرك على من ظلمك ويعافيك ويشفيك وكل مريض


    بس بغيت أنبهك على نقطة وهي الرقية ونيتك في الرقية وهي الحرق أنصحك تغيرين النية الى

    الرقية بنية الهداية أجدى وأنفع ان شاءالله وأسرع في الشفاء باذن الله على حسب طريقة الشيخ

    عبدالله السدحان ولمعلومات أكثر أدخلي موقع الشيخ ( الشفاء ) ,,,ولهم زيت مقري فيه يوزع مجانا

    في كل مدينة تقريبا بيدلونك عليها .

تابعي تجارب أخرى من هذا القسم.