جارتي بعوزتكم ساعدوها

:44:بسم الله الرحمن الرحيم

في البداية مترددة بس........
والله هذا الموضوع ماعمري ناقشته مع شخص مو من أهلي
المهم. أنخطبت وعمري 14 سنة من شخص مو من العائلة بس من قبيلة معروفة وطالة خطبتنا اكثر من سنتين وتزوجنا بدون علم اهله لأنه جدتي هي الي ربتني وأمي متغربه وأبويه مايدرون عنه من وانا صغيرة فوافقه خالاتي وخيلاني عليه بدون مشاورة اهله .بعد زواجنا بفترة بسيطه حملة وجبت ولد وبعد3سنين أختفى المدة 6 شهور بحجة عمل وبدون اتصال ولا اخبار وبعدين رجع وصار يكرر الموضوع من فترة الفترة بس المرة الأخيرة زودها كانت سنة ووقتها قررت انه يعترفلي بلحقيقه او يطلقني
.
.
.
تتوقعه ايش كانت الحقيقع طلع متزوج وشرحلى انه كان غصباًوأنها فكرة أمه وانه مايحبها وأن أمه مريضه ومايبغى يزعلها ومن طيبة قلبي وافقت بس طلع الفترة الي غاب فيها سنة كانت حامل وجابت ولد وصار يغيب اكثر وأكثر وصارة اتصالاته قليلة في الشهر مرة وجابت ولد ثاني ورجع المدة شهرين طبيعي فيوم من الأيام راح ونسى يعطيني مصروف ومنبه عليه اني ما أتصل أبداً غير في اوقات الدوام ونسيت وأتصلت رنة وفصلت كانت هي الي ماسكه الجوال وتصدقه أيش كاتبلي في جواله (مشعل العتيبي)حفظة الرقم عندها وقالت له مين مشعل الي يكلمك في آخر الليل قلها صاحبي في الدوام بس كانت مصممه انها بنت يوم راح الدوام أتصلت علي هي وأمها وتقول هذا جوال مشعل العتيبي قلت لا .قالت هذا الرقم موجود في جوال وجي بأسم ........قلتلها لا يأختي غلطانة ومن يومها وأمها كل يوم تتصل وتسمعني كلام جارحعلى بالها اني صديقته وتقول أتركي أزواج بنات الناس وشوفيلك احد مثلك وتدعي وتسب ويوم قلتله حط الوم علي أيش اسوي اقلها الحقيقه وأخسر زوجي وله اسكت وأصبر انصحوني ارجوكم

10 تعليق 907 مشاهدة

شاركي في النقاش

سجلي الدخول لإضافة تعليق.

التعليقات

9
  1. @aldanh_49

    حبيبتي وضعك مو مفهوم وين ام وابوك؟؟؟

    بعدين زوجك هذا كلميه بهدوء وقولي له لازم تجي هاليومين عندي مشكله ابيك تحلها وخلي خوالك اللي زوجوك له يتفاهمون معه مو على كيفه يغيب سنه عنك هذا زواج والا لعب عيال؟؟؟

    المهم حقوقك لاتنازلين عنها هم مسؤل عنك وعن عيالك لاتعطينه فرصه يلعب عليك ويروح وهو مالقى لك حل انشبي في حلقه وقولي انا مثلي مثلها ولازم تعدل

    ان شاء الله اكون افدتك والله عصبت وحسيت بالقهر وش هالرجال ؟؟؟
  2. صاحبة الموضوع
    الدانهـ
    حبيبتي وضعك مو مفهوم وين ام وابوك؟؟؟ بعدين زوجك هذا كلميه بهدوء وقولي له لازم تجي هاليومين عندي مشكله ابيك تحلها وخلي خوالك اللي زوجوك له يتفاهمون معه مو على كيفه يغيب سنه عنك هذا زواج والا لعب عيال؟؟؟ المهم حقوقك لاتنازلين عنها هم مسؤل …
    والله يدانه ما أدري وش اسوي أمي متزوجة برة من زمان ولاتجي غير زيارات وأبوي مارباني ولاعمره صرف علي واهلي مقاطعينه وما أقدر الجأله الحين لأنه صار رجال كبير والله منعم عليه حيقول اني جايه ابي فلوس
    وزوجي انتي فاهمه وضعي هو أول واحد عرفته بحياتيوهذي عشرة 8سنين وهو بعد لساته صغير تو مكمل32 وبدون ما أستحي منكم والله اني أحبه أكثر من نفسي وأني كل ما أحقد عليه وأقول لاجه بهاوشه بس لانظرت فيه احس بضعف.
  3. @aldanh_49

    حبيبتي 32 مو صغير وانا معك احنا يالحريم على طول نتعلق بازواجنا ..

    بس انتي مااستفدتي من ضعفك وحبك له لاتهون عليك نفسك بعدين هو يحس انه ماعليك من نفسك وان كل همك رضاه خليك قويه وطالبي بحقك لازم يواجه اهله وزوجته وياخذك تعيشين معاه قدام كل الناس انتي ماتسرقين صاير زواجك بالدس

    يعني هو مايبي يزعل امه وجزاه الله خير لازم يبر امه بس هو تزوج اللي امه تبيها طيب ماخاف الله فيك انتي وعياله؟؟؟

    صدقيني سكوتك هو اللي مشجعه انه يستمر على تجاهلك وش هالحياه اللي مو موجود فيها مايجي الا مره بالسنه ..

    مالك حل الا تواجهينه بكل قوتك واضغطي عليه بعيالك وانكم محتاجينه وانتي محتاجته يربي عياله لان اهلك تعبوا معهم ...
  4. @am_nasr3

    اختي الغاليه قد يكون كلامي جرئ شوي لكن من مصلحتك انتي موب مسوي لا حرام ولا عيب انتي زوجته وام اولاده وهو ما سال عن مشاعرك خلك قويه وقولي لها انك ازوجته وام عياله اولها واخره تبي تدري الحرمه يوم تشك في زوجها تبي تسوي الي تسويه وتعرف الحقيقه قولي لها ولا تخافي
    انتي موب غلطانه ولا مسويه شي حرام لاتخافي من شي
    تحبيه ايه لكن هو ما قدر حبك واحترمه وافتخر فيكي قدام اهله وناسه
    اقولك استخيري مره وبعدها اقرائي او اسمعي سورة البقره ثلاث ايام وراء بعض وربي يبي يدلك على الصحيح
  5. @hylahob_mkhsr

    امساك بمعروف او تسريح بإحسان
    خلي خوالك يكلمووونه ويحطون النقط على الحروف يا اما يعدل بينك وبينها ويجيك مرتين ثلاث بالاسبوع ولا كل واحد يروح لحاله
    والله يرزقك اللي احسن منه شتبين فيه ما يسأل عليك ولا راعى مشاعرك مادام بعدك صغيرة شوفي حياتك بكرى ان ماتوا اهللك طلقك وهوشايف ماعندك احد تحتمين فيه استغل هالشي
    شنوو ماعندك مشاعر ماتبين رجال يقعد معاك مالك رغبات مالك حاجات الظاهر التاريخ يكرر نفسه
    ولاتنجبين منه اولاد غير هالولد انتبهي

تابعي تجارب أخرى من هذا القسم.