جروب حتى لا نفقد أزواجنا

أزيك يا حبيبتي عاملة اية ؟؟؟؟؟؟؟؟؟؟ يا رب تكوني كويسة و بخير و صحة

شوفي بقى يا ستي انت معانا زي أختنا تمام و يسعدنا أكيد تكوني معانا بس بجد يا جماعة

أحنا لازم بقى نبدأ رجيم صح كدة و نمشي فية كلنا سواء و كل أخر أسبوع نسجل النتائج

و ربنا معانا كلنا يا رب

انت عارفة موضوع الست اللي لفت علية دة غايظني جدا اصل الاشكال دي كترت دلوقت خالص

و لازم تلحقي نفسك اصل شوفي بقى علميا الراجل في سن ال40 بيعيش مراهقة متأخرة فعينة غصب عنة

بتبص برى البيت طمعا في الحاجة مش موجودة جوة البيت و ساعات من غير اي سبب يعني فراغة عين

زي ما بيقولوا أظن انك في الحالة دي لازم فعلا يكون عندك همة و نشاط و كل لما تحسي ان همتك ضعفت

أشحني نفسك و قولي لها ان اللي لفت على جوزك دي مش احلى منك و لا حاجة خالص بس هي

أرفع يعني انا لو بقيت رفيعة ها أكون أحسن و أحسن خاصة كمان اني رفيقة عمر جوزي و بقى لنا كتير مع بعض

بمناسبة البنات اليومين دول بقوا شيء فظيع انا بيتهيء لي شوشة شوية هما اللي ها يخطفوا الرجالة

اصلي بشوف بعنيا دلوقت البنت بتعاكس الولد زمان كان العكس و دلوقت هي اللي بتشجعة على اي خطوة

و الولد بيكون مكسوف و هي لأ و الله الحفيظ كدة بتكون بجحة ربنا يا رب يبعد عننا الاشكال دي :mad::mad:

على العموم انا سعدت بأن ضمامك لينا و يا رب نتحد كلنا ضد السمنة و نخس بصحة و عافية و ان شاء الله

نحمس نفسنا انها كام شهر و ها يعدوا هوا بس احنا كمان ها نكون اتغيرنا فيهم كتير و الله المستعان

حبيبتي مش هتصدقي اد ايه انا حاسه بيكي لاني مريت بتجربه مشابهه
حبيبيتي الريجيم مفيش اسهل منه خاصه ميكون عندك الدافع القوي اول شهر بس صعب وبعدها بيبقي سهل وبتنسي الاكلات الدسمه والحلويات وبتتلذذي بالاكل الصحي
انا كان وزني 86 وكان رقم 100 بيبان عالميزان بالنسبالي كان شيء صعب لاني اغلب عمري في الخمسين بالاضافه الي ان شكلي فعلا كان وحش جدا في التخن لاني بتخن من فوق ومن وشي مع ان اختي كانت ييجي 120 كيلو بس وشها احلي من وشي مش بتتخن منه
انا كانت علاقتي بجوزي مش تمام وكان بلاقيه يمدح في ديه وديه كت بتخنق وكنت كل يوم بعيط بالليل فقدت ثقتي بنفسي تماما ومكنتش بقدر اقابل الناس
لحد مسافر جوزي واتفقت معاه اني هروحله واحده جديده وكان ده الدافع والحمد لله حصل
الدافع اهم شيء والله
بعد اول شهر عادي جدا واشوف انواع الاكل ولا اتاثر نهائي الموضوع مش صعب بس عاوز بدايه
خديها واحده واحده وحسني نفسيتك واهم خطوة هيا الدعاء
وكمان بصراحه النت ساعدني كتير وهيساعدك ان شاء الله
خسي علشان نفسك وعلشان جوزك وبيني جمالك واستعيدي ثقتك بنفسك
بعد مخسيت وبقيت البس واتشيك معادش جوزي يقدر يبدي اعجابه بحد واصلا لو ابدي مش هيمهني لاني عارفه اني حلوة وجسمي حلو
انا الان بس تخنت شويه لاني جيت السعوديه عندي 8 كيلو عاوزة اخسهم بس لان جسمي مش وحش اوي الدافع مش قوي وكمان جوزي بيقولي كده كويس بس والله مهسمع كلامه لانه قبل كده قعد يقولي كده كويس لحد مبقيت زي العجله سوري يعني
حكيت قصة حياتي بس والله خليكي معانا وهتخسي وتبقي قمر ونصيحه اعملي ريجيمات صحيه وبطيئه علشان الجسم ميترهلش ومتنسيش المشي يوميا وهيحسن نفسيتك جامد

اختى صدى واختى نايس انا سعيدة جدا بتشجيعكم لى وانكم فعلا حاسين بيا

انا فعلا السنة اللى فاتت عملت تخفيف مع مشى وخسيت 17 ك بان علييا شوية لكن طبعا كنت محتاجة اكتر بس لما جه رمضان العام الماضى توقفت ومن يومها مش عارفة ارجع تانى انا بحاسب فى الاكل يعنى مش سايبة نفسى لكن مش عارفة ارجع امشى تانى وعلى طول عندى وخم وكسل انا يا نايس مش بتخن من وشى ولو تشوفى وشى مش هتصدقى انى بالوزن دا مشكلتى البطن والجناب

وفعلا هو كان دايما يقولى انتى كدا كويسة ومكانش يحب ان اخرج كتير وعاوزنى فى البيت على طول لحد ماوصلت للوزن دا انا قبل الزواج كنت 67 ولحد ما ولدت بنتى كنت 85 من 12 سنة لكن وزنى ارتفع لفوق ال100 من حوالى 4 او 5 سنين

انا نفسيتى بجد محطمة جدا ادينى التزمت امبارح وجيت خربتها باليل

والنهاردة الصبح صحيت من النوم الصبح حاسة عاوزة اكل حاجة حلوة واكلت قظعة حلاوة طحينية:44:

انا صحيح ست بيت لكن انا الحمد لله مثقفة ولى نشطات كبيرة على النت بس مش هقدر اقولها الان علشان محدش يعرفنى انا مين

النت فادنى كتير وخلانى فعلا استغل مواهبى فى الكتابة ومبقاش زوجى هو محور حياتى زى الاول ...

تقدروا تقولوا انى شخصية ادبية معروفة والحمد لله على النت لكن برضه نفسيتى محطمة بجد:angry:

ليت الزمان نصيحه لو حسيتي انك عايزه حلو
كلي تمر صدقيني تروح الحاله

ع

يا قمر انت يا واد يا اديب
طيب ايه رايك تعملي ريجيم الدكتور فاروق شاهين البنت خست اكتر من 4 كيلوو في ال اسبوع
كل يوم بتفطري قطعة جاتو او كوراوسون او شيكولاته
والغدا بروتين وسلطه وخضار مسلوق
والعشا عيش وجبنه ولانشون
وبين كل وجبه والتانيه فاكهه وكمان قبل النوم فاكهه
لو تحيبي ابعتلك الرابط بس اصلي عاوزة اعمله من يوم السبت اسبوع واشوف