جمعة مباركة حبوبات
أشوف القائد تبعنا
ونائبه 
غايبين صار لهم كم يوم ..؟؟.. عسى المانع خير بسبوسه 2
الظاهر أنا وأنتي تجمعنا كثير من المشاكل الجماليه .. تعالي نواسي بعض
الهالات وما أدراك ما الهالات .. أعاني منها من زمان .. وتعطيك سن أكبر من سنك
جربت اأكياس الشاي .. وعصير الخيار مع كبسولات فيتامين E .. لكن الصراحه ما داومت عليهم .. كسوله ومللوله
المهم .. قلت يا حرمه اختصري الموضوع ..وسويت اللي ما يتسوى
حطيت عليهن كريم الريتن أي .. لمدة ثلاث أيام .. والله العظيم الشكل تغير لدرجه ما توقعتها
والهالات شبه مختفيه .. حتى المكياج يوم أحطه
.. صار له رونق .. وشكل جذاب 
كل هذي البشاعه من الهالات ... الله يفكنا منها
طبعاً ما استمريت عالريتن أي .. لأن الكثير حذرو منه .. والهالات الله يقلعها رجعت
والحين استخدم جل للهالات من أولاي .. وما شي نتيجه مرضيه
بعد هالقصه والهذره اللي ما لها داعي .. ما عطيتك حل
إذا لقيتي حل خبريني يا حلوه
وبالنسبه لبرنامج لليوم
فعندي إجازة .. الحرمه فرحانه
..لكني استغليت نوم أبو الشنبات
.. وسويت لي ماسك للوجه .. ماء ورد ونشاء وسلامتكم