ازيك يا نايس كل سنة و انت طيبة و بخير و صحة
العملية مش عملية جبن عملية غسل سجاد و مواعين :angry::angry::3_13_12::3_13_12:
و ملحوقة يا ستي و الله الدكتور عادل دة طلع عسل و شخصية محترمة جدا
شوفي بقى يا ستي هو قال لي كام حاجة كدة زي
1. ممنوع شرب العصائر عشان دي سبب زيادة الوزن
2. فية بنات و سيدات من الكسوف بتمشي و ر وشها في الارض ( زي حالاتي ) و دة شيء مش كويس
لانة بيقوس الظعرو بيدي مساحة للمعدة انها تاكل و تكبر بمزاجها فا لازم تمشي فاردة نفسك
3. قال لي هاتي ايشارب او اي حزام كدة يكون عريض و اربطية على بطنك عشان يكون كأنك عاملة
تحزيم للمعدة بس بدون عملية
4 . قال لي كل النواشف زي البقصمات و العيش الفينو و ما شابهها بلاش منها بتخن جدا جدا
حتى ساعتها قال لي انت ممكن تأكلي حلة محشي و لا انك تأكلي ساندويتش عيش فينو بجبنة
او تأكلي بقصمات و كدة يعني
5. قال لي دائما حطي في بالك ان ما صنعة الله و خرج من الارض احسن من ما صنعة البشر
بمعنى انك تأكلي رز و بطاطس و لا تأكليش مكرونة و عيش
6. قال لي كمان لو مشيتي على وصفة الكمون مع ليمونة بقشرها و بزرها دي قبل الوجبات ب نص ساعة
ها تخسي و كمان بعد فترة ها تفقدي الرغبة في الاكل حتى ساعتها قلت لة يا دكتور انا جربتها مرة و كانت مرة جدا
و ما استحملتش اشربها فقال لي ان المرارة دي هي سر التخسيس على اساس ان عقلك الباطن بعد
فترة ها يسجل عندة ان كلمة اكل معناها مرار و بالتالي بتفقدي شهيتك للأكل بعد فترة من الاستخدام
و ها تلاقي طعمها بقى عادي جدا بالنسبة لك و لو مش عاوزة الوصفة دي جربي الكمون و القرفة بنفس الطريقة
7. قالي كلي ثمرتين فاكههة قبل الاكل بنص ساعة او ساعة الا ربع و دة ها يساعد من ناحيتين اولا انة ها
يقلل الشهية و ثانيا انة ها يسهل عملية الهضم كويس و بالتالي مفيش حاجة ماتكونش اتهضمت و تتخزن
على هيئة دهون في الجسم و بعدين حتى القران بيقول ( و فاكهة مما يتخيرون و لحم طيرا مما يشتهون )
يعني الفاكهة مقدمة عن الاكل في الترتيب
يا رب اكون افدتكم و ان شاء الله بعد العيد ها امشي على النظام دة
جروب حتى لا نفقد أزواجنا
متابعة النقاش، صفحة 42