شاركي في النقاش

سجلي الدخول لإضافة تعليق.

التعليقات

1,988
  1. don
    طب يعنى دلوقتلى لما نحب نروح للمحلات اللى قلتى عليها حنلاقيها قفلت ؟؟؟:hahaha: طب والمنتجات اللى عجبتك حنلاقيها اتشالت ؟؟:hahaha: يعنى انا بعد ما قريت مشاركتك واتعلقت بحاجات الاقيكى بتقولى اتشالت او قفلت او اتلغت :06: والله انا بقيت خاي…
    معلش يا حبيبتي خيرها في غيرها
    عموما هاقولك على حاجات تانية عجبتني ولسه موجودة ما قفلتش وما اتلغتش
  2. الملكة الرومانسية
    معلش يا حبيبتي خيرها في غيرها عموما هاقولك على حاجات تانية عجبتني ولسه موجودة ما قفلتش وما اتلغتش
    انا معرفش أجيب حاجات بأحلى أسعار انما الحاجة اللي بتعجبني باشتريها سواء كانت غالية أو رخيصة
    فيه حد هنا (مش فاكرة مين بصراحة) كان اتكلم على محل ليمون اللي في شارع معز الدولة متفرع من مكرم عبيد
    المحل ده انا رحته من يومين واتخضيت من كمية الناس اللي فيه
    واضح ان هو فعلا مشهور
    فيه حاجات بأسعار لقط انما معظمها مش حلو اوي وفيها ديفوهات
    لكن ممكن بعد البحث والتدوير والمرواح هناك في وقت غير موسم العيد فعلا نطلع منه بحاجات حلوة
    انا لما باحب اشتري هدوم باروح شهاوي اللي في عباس العقاد (المحل اللي بين قويدر وزلط)
    هو غالي شوية لكن مش غالي أوي وباحس ان أسعاره أحسن من حتت تانية كتير
    وباحب كمان كل فترة اروح Daniel Hechter لأنه بيبقى عامل تخفيضات حلوة وباجيب من عنده حاجات لقط
    وفيه كمان محل حلو اوي في جنينة مول اسمه كنزي مش فاكرة في أنهي دور
    لأن جنينة مول ده عمري ما باحفظه أبدا
    المحل ده بجد حلو جدا وباشتري من عنده حاجات عمري ما هاتخيل اني ممكن ألبسها انما شكلها في المحل ده بيطلع حلو عليا سبحان الله معرفش ازاي
    وفيه كمان ترزي قاعد في المحل يظبط الحاجة على مقاسي وانا واقفة
    باشتري من عنده الجينز بالذات واشتريت منه كمان كام حاجة كده تحفة
    إيه كمااااااان؟
    فيه محل حلو اوي في سيتي ستارز اسمه كيان للـhome accessories
    هو طبعا محل مشهور وحلو جدا وغالي جدا مفيش كلام
    لكن انا قلت أقولكم عليه علشان لو حد يعرف حاجة في نفس المستوى انما أسعاره أرخص شوية يقولي :)
    لو حد بيجهز ضروري ينزل ميدان الجامع
    المنطقة دي فيها كل حاجة وأسعارها حلوة جدا
    انا اشتريت من هناك كوفرتات حلوة جدا
    وفيه محل هناك مشهور جدا اسمه الرضا لمستلزمات المنزل حاجته حلوة جدا وأسعاره كمان حلوة
    وباسمع كمان ان فيه حاجات أطفال حلوة وأسعارها كويسة
    لو خرجنا شوية بره منطقة ميدان الجامع ورحنا العباسية
    هتلاقوا محل 6 أكتوبر اللي قدام الباب الخلفي لكلية الهندسة
    انا عارفة ان المحل ده ليه فروع كتير جدا بس انا معرفش غير الفرع بتاع العباسية
    حاجة المطبخ كلها بأسعار أعتقد انها كويسة (أو يمكن الراجل عملنا خصم كويس لأننا اشترينا حاجات بالجملة)
    لما افتكر حاجة كمان هاجي أقولكم
  3. صاحبة الموضوع
    الملكة الرومانسية
    انا معرفش أجيب حاجات بأحلى أسعار انما الحاجة اللي بتعجبني باشتريها سواء كانت غالية أو رخيصة فيه حد هنا (مش فاكرة مين بصراحة) كان اتكلم على محل ليمون اللي في شارع معز الدولة متفرع من مكرم عبيد المحل ده انا رحته من يومين واتخضيت من كمية النا…
    بمناسبة الكلام على مفارش السرير فيه اخت هنا فى المنتدى اسمها شهد الحياه فى قسم الكروشيه انا رحتلها المحل بتاعها فى مدينة نصر خلف النادى الاهلى عاملة حاجات جميله هى ومجموعه البنات اللى معاها وبتبيعهم انا عجبنى عندها مفارش سفرة ومفارش سرير كانت جميله بصراحه ومش غاليه وعلى فكرة هى انسانه جميلة وخدومة وبتعلم اى واحدة عايزة تتعلم بدون مقابل

تابعي تجارب أخرى من هذا القسم.