السلام عليكم ورحمه الله وبركاته
ولدي ربي يحفظه عمره خمس شهور طبعا أول الشهور مارضع مني لانه كان بالحاضنه لانه مولود بالشهر السابع وكنت اشفط له حليبي ويعطونه لمدة تقريبا شهرين ولما طلعنا من المستشفى مارضع من صدري حاولت معا بس مو راضي يرضع من صدري وضليت اشفط له من حليبي مره ثانيه وكان حليبي كميته كويسه كثير ولماصار عمره اربع شهور الحمدلله رب العالمين قدر يرضع مني ... بس المشكله انه الحليب قل عندي كثير ... لاني ارضعه من صدري وبعدها اعطيه صناعي ... مايكفيه حليبي .. وانا حريصه اني ارضعه من صدري قبل كل رضعه صناعي ... استخدمة الشفاط الكهربائي ميديلا لمدة اسبوع كل ثلاث ساعات بس مازاد عندي الحليب ابداً كل مره تقريباً 20 أو 30 ميلي بس .. اخذت حلبه وشمر يانسون وشاي مخصوص للرضاعه بس نفس النتيجه ماني عارفه شو سبب قلت الحليب عندي ؟ حتى لما اصحى الصبح يكون صدري خفيف ماهو مليان حليب مثل الاول ؟؟الحين كيف اقدر ازيد كمية حليبي يادكتورة ؟
عطيني الحل الله يسلمك ... والله أني ضايقه فيني الدنيا ماني عارفه شو الحل :icon33:
معكم عضو البورد الدولى لاستشارى الرضاعة الطبيعية
متابعة النقاش، صفحة 177