خبرات متبادلة حول مراكز علاج العقم وأطفال الأنابيب في مصر

بنات وحشتونى جدا جدا

بس انا ظروفى ربنا اللى كان اعلم بيها

بس الحمد لله على كل حال

دعواتكم

جوزى زى مانتو عارفيين جه من السفر و شوية و حيسافر تانى و انا بيتى مافهوش نت و النهاردة جيت عند ماما قلت ادخل اسلم
بجد وحشتونى كلكم بدون ذكر اسماء و ربنا يطمنى عليكم يا رب و تكونو بألف خير


حبيبتى غرور نواعم اولا اهلا بيكى معانا فى التجمع بتاعنا
بس حقولك على معلومة مافيش مركز "فى العالم" عمل نسبة نجاح من 50 الى 70% و دا مش تشكيك فى مركز جنين ولا حاجة طبعا الناس بتشكر فيه بس مافيش مركز بيعمل كدة + ان فى مصر و "تقريبا" الدول العربية مافيش تحديد لنسبة النجاح
مثلا لندن بتشرف على المر اكز اللى عندها مركز مركز و كل ست بتدخل بياخدو الفيل بتاعها (الحكومة) و توصولو معاها لحد ما تولد كمان و الحكومة نفسها بتطلع تقارير سنوية و بيعن عنها عن المركز اللى عمل احسن نسبة و السنين اللى فاتت اللى حقق اعلى نسبة و هى 35% مركز دكتور مصرى اسمه محمد الاطراميسى

انا بقولك الكلام دا عشان لا اثق فى النسب اللى بتتقال فى اى مركز
طيب ما انا كمان ممكن اقولك مركز ابو الغار حقق 90% هو انا خسرانة حاجة؟ :)

اما عن الشقق فى المعادجى فانت ممكن تلاقى الشقة ايجارها فى الشهر من 3000 الى 5000 جنيه لانها منطقة راقية فى مصر

و عموما بكل حب ادعيلك ان ربنا يكرمك و يفرح قلبك يا حبيبتى


باقى البنات طمنونى عليكم و ربنا يفرح قلوبكم يا رب