او تمر علينا مواضيع احب هاذا الرجل ولكنه متزوج وخايفه اخرب بيتو الله يخرب بيت ابليسك طيب من الاول عارفه انو متزوج تقومي تتعرفي عليه
طيب هو متزوج وهيا متزوجه ليه يحبوا بعض وهماعارفين انه مافيا امل وهل تتخيل لو سابت زوجها راح يطالع في وجهها اللي تحبوه

وكم من بيوت خربت وقصص مرت علينا والنتيجه ان تركها تتجرع الالم بسبب غبائها
لاوالمشكله تقولك تعبانه متضايقه مااقدر ابعد عنو يحبني واحبو سبحان الله وياما شفنا قصص عن رسول الله الذي يدعي الكثير بحبه عليه الصلاة والسلام ولم نجدهم متعلقين مدافعين عنو

حبايبي عندما تتجه المراه لغير زوجها والرجل لغير زوجته يسمى خيانه ولكن الان مبرر الرجل والمراه ان الطرف منهم يحتاج لعشيق او حبيب او صديق ليسمع له بدلا من الطرف الحلال في بيته

يعني الرجل يقول والله مااقدر احكي مرتي كل شي
لازم صديقه افضفضلها واحكيها عن اللي بداخلي وحده نفلها مع بعض نضحك نمزح مرتي نكديه
طيب مو يمكن نكديه منك هههههههه ومرتك دي لو اتعرفت على واحد تاني راح تكون فلاويه مع اللي تعرفوا صح او لا أين الخلل اذا

وكمان يقولك والله البنت دي مره لزوزه وهرجها يوسع الصدر ماشاء الله خياطه الاخت حلوه يوسع الصدر
طيب فين مخافة الله وهل راح ترضى انو مرتك تسوي زيك والله لاتضربها وتمسح بكرامتها الارض ومافي مانع نفضحها شويه على كم كلمه شوارعيه وانت لااله الا الله تتاسف وترجع تعيدها وكانو انت عندك احساس وهيا مسكينه جدر من جدار البيت :a5
دحين الموضوع موعلشان مضاربات وخناقات لالا ابغا افتح عيون الكتير ونتكلم في موضوع مهم ونشوف ارائكم سواء ستات او رجاله
هيا لااحد يقولي حورمتو مقصره بالبيت ياحبكم بتعليق كل مصيبه بالحوووورمه والرجال لااله الا الله ملاك نازل من السما

تشوفوا يضحك ويمزح مع اصحابو ومع مرتو بوزو كانو بطه اكتر من شبرين تسالو اشفيك يقولها مافي شي وشويه يخرج يكلم بنت الحلال ويحكيها
طيب دي اللي في البيت مو سالتك
مانكر في حريم نكديين درجه اولى ولو نرسلهم لامريكا يقيموا في كتاب جينس للارقام العالميه
يعني لو قالها مثلا والله اخويا يبغا سيارتي
والله ثم والله لو اعطيتو هيا لااروح بيت اهلي ويحبكلها مية الف مشوار هاداك اليوم
بينما الصديقه والله اخوك مافيها شي والاخوه حلوه وكدا

طيب ليه المفارقات دي ليه مانتعلم اسلوب الحوار الهادئ مع بعض
ليه لازم نختلق مشكله نخلي الطرف التاني يدور برا
مشكلة غالبية الرجال انتبهو غالبيه مو الكل من شبابهم متعودين في وحده يكلمها واللي فيه خصله مايخليها عارفين المثل اكيد ههههههههههههه
بس ليه ياست وليه ياراجل نتعب نفسنا وهل يوجد في شي اسمو حب لاوالله ماعتقد وليه التعلق بحبيب من اساس الشي ماهو لك
خافوا الله في محارمكم وياريت نتناقش الموضوع بهدوء
وياويلو وياسواد ليلو اللي يتضارب <<< دوبك تقولي نتكلم بهدوء اعوذبالله من شرك
ماعلينا اتمنى الفكره وصلت
لحسن ماعرف ارتب وانسق الفكره لو جات وماكتبتها بساعتها يبقى معوضين خير في افكار رتروته <<< مسويه كاتبه الاخت

هيا كلا يدلو بدلوه ياشطااااار