ابوي الحق .. امي تغازل!! هذه الكلمات مأخوذة من دفتر طفل ... كتبت بالعامية
السبت
فتحت عيوني.. أدور عن نور.. قالولي <غمّض> و...غمضت.. بعدها ما شفت لا أبيض ولا اسود!
الأحد
كنت أسمعهم يقولون:<***أبوك!>,<يا حمار>,<يا حيوان>, <يا ثور>,<يا بقرة...فتوقعت اني في حديقة حيوانات..فتحت عيوني أبي اشوف ها(الحيوانات)..قالوا لي:"ما يصير تشوف قلة أدب"..سألتهم : طيب..في عصفور؟؟
صرخوا في وجهي:<جَب وغمّض>..!!
الاثنين
سمحوا لي اشوف التلفزيون..كنت بروحي منسجم مع رسوم متحركة ..دخلت امي..وكان ابو عائلة ادمز(يبوس) أمهم..ركضت امي ..غيرت القناة..وصرخت بأعلى صوتها.."عيب عليك..قاعد تشوف قلة أدب..!! "طالعتها بكل براءه وانا متعجب من اللي صار:"طيب شنو صاير ؟؟ أبوهم يبوس أمهم !.."قالت لي وهي معصبه وثاااايرة (التبويس..قلة حياء!!)
بعدها بأسبوع
شفت امي تسلم على ام الجيران و(تبوسها)..قلت لها وانا كلي أسى"يا ماما..التبويس قلة حياء!!.."
الثلاثاء
كانوا بنات خالتي عندنا..وكنت الولد الوحيد اللي يلعب معهم..وأبوي بس يخزني بعيونه وين ما رحت ووين ما جيت..بعد ما راحوا..ناداني أبوي وقال:"عيب الواحد يقعد مع بنات..قلة أدب..!"
بعدها بجم يوم..كان أبوي قاعد مع عماتي..قعدت أطالعه بطرف عين(وتبون الصج نقدت عليه)..وقلت له:"اللي يقعد مع بنات..قليل أدب!!"
الأربعاء
كنت أسمعهم بعد يقولون (جيم كاري..فاسد)..فكرهته على طول..وكانوا يشوفون أفلامه..ويضحكووووووون..كنت أسألهم"ليه تضحكون؟!..ما تقولون انه فاسد"...قالوا..انت ليش ما تسكت .!؟؟
الخميس
أبوي يقول<الزقاير >حرام.. واللي يدخن يدخل النار..وفي يوم شفت ابوي قاعد ويا رفيجه أبو حمد..وأبو حمد ماسك الزقاره بيده..وقفت وسألت ابوي""طيب اللي يقعد مع اللي يدخنون..يدخل النار بعد؟!!!"
الجمعة
أسمعهم يقولون..ان اللي يطول في مكالمته يغازل..واللي يروح للسوق يغازل..واللي يعرف انترنت يغازل...وامي تطول على التلفون,,وتروح للسوق,,وتطقطق على الكمبيوتر..رحت لأبوي وانا مصدوووووم::
"أبووووي الحق أمي تغازل..!!!
وهذي هي المشكلة نرسل الاوامر للطفل بدون مانوضح له ماذا يعني الامر ومتى يطبق ومتى ينفذ ولماذا صدر هذا الامر ولا نناقشه مع اطفالنا؟؟
/ منقول \