شاركي في النقاش

سجلي الدخول لإضافة تعليق.

التعليقات

18
  1. @hmsat_almgd

    الله يعينك مشكلة لو الانسان كره حياتة .............. اولا ادعي الله وقومي الليل واشكي له همك وادي ان الله يقرب بينكم وادعي الا تبية وادعيلي معاك ههههههههههههه ان الله يرزقني الزوج الصالحو كل الا اتمناه وينصرنا على اعدائنا وتصدقي كل يوم لو ريال بنية ان الله يعدل وضعك يا اختي وانا ما دخلت الا لاني حاسة فيك ويارب ان الله يجعل حياتك كلها سعادة ويرزقكم كل خير امين
  2. @mroh_aabd_almnaam

    صاحبة الموضوع
    قلب مكسور
    استخرت مررررررررررررره كتير وحسيت انه مناسب وتفكيره زي. بالعكس ايام الملكه كنت احس باهتمام احس انه بيفكر زي كنا مره متفاهمين. مااقدر اقولك بيننا مشاكل ومضاربات دحين بس هو شايفني اني زعوليه وازعل واتضايق بمزاجي و براسي وازعل وقت ماابغى وارضى وقت ماابغى
    غير كدا كل كلامه مزح في مزح بدم تقيل يعني متلا اقوله ايش رايك في شي معين يقولي زي وجهك لمن اهزؤه يقولي قصدي حلو زي وجهك . اذا جاتله سفريه في الدوام يقولي طبعا ماباخدك من قبل لاتجيله يقولي لو جاتني ماباخدك انا عارفه اذا جاتله بياخدني لانه كان يتمنى تجيله سفره للاسكندريه عشان نروح سوا بس لازم المزح التقيل..متلا لمن ينتقدني طول الوقت زعلانه وممله ومدري ايش اقوله ايش مقعدك معايا ايش اللي يجبرك تتحملني وتعيش معايا يسكت..
    بس اشياء كتيره ماكنت اعرفها زي حالة اهله احنا اللي ظاهرلنا يعني مااحتكينا بيهم ولا ماكانت ازور اهله ولا ازورهم ولا هم كانوا يكلموني ولا اكلمهم ايام الملكه كمان حكاية القرض كمان ماعرفتها الا بعد الزواج ب 3 او 4 شهور. بس كانت ماما وبابا معارضين بس عشان اهل زوجي وزوجي سمر وسمارهم غامق عشان كدا كانوا معارضين وهدا السبب انا كنت شايفته تافه خصوصا انه بابا اسمر صح مو بسمارهم بس مو عيب السمار بالعكس اهلي يشكروا فيه مرررررررررررره دحين عشانه يخدمهم في اشياء هو ميزته لو في شغله مستحيل يهدا الين يخلصها ويتقنها لكن يشيلك هم الدنيا الين يخلصها غير كدا ما في اسلوب في التعامل ابدا
    وهو ترى في عيلته من اخوانه دكاتره بس مااحس الطب ارتقى بمستواهم الفكري والاجتماعي ابدا
  3. @hnyn_alamomh_1

    حبيبتي انا احس 70 بالميه من مشكلتك وضعه المادي
    وتقريبا15بالميه اختلاف البيئه
    و15بالميه انتي وزوجك
    حبيبتي اولا الماده تقريبا محصوره بالسياره ويلزمك تجلسين معاه جلسه هاديه ورايقه وتتفاهمي معاه بالهدوء مثلا قولي اشتر سياره معقوله بالاقساط وانا راح اساعدك بمصروف البيت لحد ماتخلص السياره
    وانتي سوي لك اقتطاع من الراتب لو الفين ريال لا تفكينها عشان يكون لك تحويشه مهما كان الانسان مو عارف الدننيا
    اختلاف بيئتكم حبيبتي هذا بسبب انك مو بالصوره قبل ماتتزوجيه والدليل مفاجئتك ببيت اهله
    وهذا ياحبيبتي مو بالشي اللي يخليك تكرهي حياتك بالعكس حتى لو كانو ملوك ومو كويسين هذا ولاشي

    واهله ياقلبي احسهم مو ذاك الزود شرانيين بالعكس شكلهم طيبين والدليل سلايفك وكيف معاملتهم معاهم
    وانتي سوي الواجب وماعليك من احد
    وان امه تركب قدام هذا الحق حتى انا انزل وتركب امه اخته اللي اكبر مني عمته خالته
    عادي مو مهم وين اجلس
    كل يوم انا وياه بروحنا اجلس قدام عادي
    ومسالة ان امه تبغاكي تدقين عليها هذا والله من طيبها
  4. @klb_mksor_1

    دامك استخرتي وارتحتي .. اصبري ,, يمكن الله يختبرك ...

    الله ما يبتلي الانسان الا اللي يحبه عشان يشوف مدى صبره وعشان يسمع دعائه .. حبيبتي ادعي ربك ليل نهار وان شاءالله الله يفرج همك ومثل ماقالوا البنات عليكي بقيام الليل .. وعن تجربة .. فيها راحه نفسية سبحان الله

    اتمنى لك السعاده والتوفيق :)
  5. @mroh_aabd_almnaam

    صاحبة الموضوع
    حنين الامومه انا راتبه اساسا اول كنت اصرف بجنان بس دحين لا صرت ارفعه ومااصرف منه الا للشديد القوي اقول كدا ولا كدا راتبه كله بيطير حتى لو ساعدته برضه مابيشيل منها شي ولو بقي تلاقي يدخلها في الاسهم والمشكله يخسر فيها وياما كلمته على هدي الحكايه اقله انت خسران كل اللي وراك وقدامك في الاسهم اشلك تدخل تاني احنا بالقوه بتعيشنا وترجع تدخل يمكن شويه مؤخرا اللي اتعدل وبطل يدخل في الاسهم
    اهله طيبين ماقلت شي بس انا مني حابتهم ماادري ليش على قولي نجمي ونجمهم مااتقابلوا ترى و حتى سلايفي اهلهم حالتهم الماديه اقل من اهل زوجي عشان كدا عايشين عادي

تابعي تجارب أخرى من هذا القسم.