السلام عليكم يا بنات ممكن اشترك معاكم؟:27:
انا اختكم فلاش زي حالتكم 104ك ونفسي اوصل لل70 وطبعا جوزي سمبتيك زي اجوازكم بس يا حرام مش بيفتح بقه ومن المواقف الطريفة الي خلتني افوق واقول لنفسي كفاية بقى
اخت زوجي السمبتيك كانت ناجحة في الثانوية العامة وبتجهز الهدوم بتاعة الكلية وطبعا واخداني معاها على اساس ان ذوقي راقي (طبعا للناس بس مش لنفسي) وكل ما ندخل محل البنت اللي في المحل تقولي ربنا يخليهالك وتجهزيها
بعدها بسنتين اتخطبت وكنت انزل معاها علشان الجهاز ولما كنا نختلف على حاجة صاحب او صاحبة المحل يقولولها اسمعي كلام ماما لان ذوقها احلى ................ماما؟ ماما؟آآآآآآآآآآآآآآآآآآآآآآآآآآآآه:angry2:
اما القشة التي قصمت ظهر البعير ............كنت مرة اتفرج على قناة دريم واذا بي ارى مذيعة رشيقة شكلها مش غريب علي؟؟؟؟؟؟؟؟؟؟مين يا بت يا فلاش مين يا بت يا فلاش
آآآآآآآآآآه دي زميلتي في الجامعة ! دفعتي! نفس سني ! كنا مع بعض في نفس السكشن !شوفوا هي فين وانا فين
ومن يوميها قررت ان السنة دي هاتكون سنة التغير ان شاء الله
مش عايزة استعجل على نفسي علشان متعبش واخدة نفسي واحدة واحدة ومدية لنفسي مدة سنة كاملة علشان اوصل للوزن المطلوب
انا الان استعمل الردكتيل بصراحة مريحني جدا بدل الفجعة بتاعة زمان بس الوزن مش بينزل لانه ما فيش رياضة لان ظهري وركبي بيتعبوا لاقل مجهود مش عارفة اعمل ايه
المهم احنا مع بعض نشجع بعض وربنا يهون علينا كلنا
بس مش ملاحظين حاجة يا بنات ان كل الكلبوظات دمهم خفيف جدا وبيتريقوا على كل حاجة حتى على نفسهم :hahaha:
والله انا خايفة لو خسينا يبقى دمنا تقيل :11:
ربنا يصبرنا على الرجيم ويصبر اجوازنا عليناومتابعاكم
اه على فكرة للى عندها فضول صاحبتي المذيعة هي دينا عبد الرحمن برنامج صباحك دريم اهئ اهئ اهئ:icon33:
جروب حتى لا نفقد أزواجنا
متابعة النقاش، صفحة 74