صديقتي محتاجة أرائكم

السلام عليكم ورحمة الله وبركاته

كيفكم عساكم بخير وكل عام وانتم بخير وربي يجعلها سنة خير على الكل

حبايبي صديقتي في مشكلة ومحتاجة رأيكم فيها

هي كانت متعرفة على واحد قبل 7 سنوات تقريبا ً طبعا ً كان في نظرها كل شي

المهم هو كان واعدها بالزواج وهي حاولت انها تقربه لأهلها بطريقة غير مباشرة

بالرغم هو من منطقة وهي من منطقة وبعد سنتين من تعارفهم اتصل عليها وقالها إن اهله

غاصبينه على بنت عمه وهو محتار وهي صلت واستخارت وقالت مو خير لي ودعتله بالتوفيق

وانتهى كل شي بينهم ....!!!

لهم خمس سنين منقطعين وكلا ً في حاله وهي نسته من وتابت لله واستغفرت لكل ذنب

تقدملها واحد يخاف الله وقبلت فيه وتزوجت وهي ام لبنت والثاني في الطريق ان شاء الله

المهم جالها اتصال من رقم غريب كم مرة وطنشت ولما تكرر الإتصال ردت الا تلاقيه رجال

قالها انتي فلانة ؟؟ ارتبكت وسكتت قال انا فلان !!

طبعا ً الصديق الأولي :mad:

قفلت في وجهه وصار يتصل اكثر من مرة وطنشت

بعدها استلمها بالرسايل كلها عادية ادعيه ومسجات جدا ً عادية

وآخر مسج قبل يومين كاتب فيه ارادك الشيطان لي حراما ً فقبلتِ واردتك حلالاً فأبيتي !!

واتصل مرتين وطنشت

الحين هي خايفة ان زوجها يشوف شي او يلاحظ شي وهي تحب زوجها حيل ومعاهده ربها ماتخونه ولو بالمزح

لأنه مايستاهل منها الا كل خير ...

انا قلتلها احرقي شريحتك وارتاحي وقولي لزوجك انها انحرقت !!

تقلي صعبة ياغلاي جوالي له 9 سنوات نفس الرقم واذا انحرق بيجيب بدل فاقد ماراح يغير الرقم

وهي محتارة وخايفة تقول زوجها مايمسك جوالها بس هي صايرة في رعب كل مادق جوالها تجيلها رعشة

واذا جى مسج تخاف اكثر

قلت طيب ردي وقوليله انساني انا تزوجت ارحمني فكني تقلي اخاف يسجل صوتي ويصلح قصه

او يخلي المكالمات الصادرة اوالمستلمة ويخلي المدة ويروح لزوجي او اهلي ومن ذا الكلام

يعني الموضوع تعقد في عيني وماعرفت احله لها قلت مالي إلا اخواتي في عالم حواء

يعطوني حل لها والله يستر عليها وعلينا دنيا وآخره ويوفقها مع زوجها وبنتها ويكتبلها كل خير

انتظر ردودكم بأسرع وقت ممكن ياحلى اخوات

16 تعليق 1,096 مشاهدة

شاركي في النقاش

سجلي الدخول لإضافة تعليق.

التعليقات

16
  1. الله يستر عليها ويحفظها من الشر خليها تدعي الله انه يصرفه عنها ويستر عليها
    ان شاء الله البنات يفيدوك بس انا انصحك انها تتصل باهل الخبره المتخصيصين عشان تاخذ حلول
  2. @say_ma_name

    الله يعينهاا ويبعده عنها خل تقول لزوجها تبي رقم جديد من شركه غير شركتها يعني اذا كان جوالها الاتصالات تقول ابي موبايلي او بلعكس وتقول صدقاتي يمدحونها ومليت من رقمي
  3. @alkhnsaaa99

    احسن حل تغير رقمها تجيب اي عذر ....
    ولا تحاول ترد عليه او تكلمه او حتى ترسل له لايمسكها عليها مثل ماقالت....
    الاخ تزوج ومل من الزواج وجاي يدور تسليه....

تابعي تجارب أخرى من هذا القسم.