ماابيه

لا تطلقي ولاتحملي
جربي روحوا لشيخ يقرا عليه يمكن فيه عين اتوقع هذا السبب
انتي كيف حسيتيه في الخطوبه حبك واقتنع فيكي ولا كان مغصوب؟
اهم شي لاتتعجلي بالطلاق وفكري بعقل بدون عاطفه
وحده تتطلق بعد شهر برايك الناس ايش حتقول عنها لاتتسرعي في خرب بيتك ترى الطلاق مو سهل

وخليكي فرفوشه معاه واعرفي اهتماماته وشاركيه فيها اجبريه يدخلك على حياته عقله وقلبه

ياحبيبتي والله مشكلتك مشكلة نص الديره يعني لا انتي اول وحده ولا اخر وحده
وماتوصل للطلاق اشدعوه عاد
شوفي ياحبيبتي ارجعي بيتك وابداي اسلوب اخر يبعد عنكم دي الضيقه
اقتربي اكتر من الله اعملي برنامجك انـتي وزوجك تصلوا السنن الرواتب بعد كل الصلاه
والتسبيح 33 مره سبحان الله والحمدلله والله اكبر
أذكار الصباح والمساء حافظي عليها علقيها في مكان بارز في البيت عشان تفتكريها
وركعتان الضحى واخر اليل الشفع و الوتر صلوها مع بعض
سورة البقره اقرائيها كل 3 ايام انـتي اقراءي نصها وهو يقراء نصها عشان تحسوا انكم بتتشاركوا العمل الصالح وصدقينا حتتشرح نفسيتكم ويـارب يبعد عنه دي الضيقه ويهدي سركم
برضوا حطوا حصاله في غرفه النـوم وكل ماسار عندكم تفاريق في يدكم كل شهر لازم تحطوا فيها شي و اخر الشهر اتصدقوا به
دي الاعمال كلها تشرح النفس وواحد يحس حياته اتغيرت للأحسن ان شاء الله
عندك حتى لما الاكل يزيد في البيت رز ولا خبـز خليه يروح يحطوا للحمام لا ترمي الاكل الزايد في الزباله أكرمكم الله
اعمال بسيطه خليها روتين حياتكم اليوميه واهم شي انك تحفزيه وبإذن واحد أحد فرد صمد حياتك راح تتعدل
الاسباب لا برود ولا يحزنون هو هم الزواج توه استوعب الموضوع و هي بداية الحياه الجديده كدا تكون
صعبه شويه و شايل هم المسؤوليه و ضاق خلقه حس انه اتوهق بعمره واتلبش فيكي
برضو قبل النوم اذكار النوم اقراءوها سوى وفيه لصقات تتلصق على الابواب الادعيه دي دعاء دخول المنزل والخروج منه تحطيها على الباب و زي كدا
في البيت خلي عندك نص ساعه خصصيها تقروا تفسير اية من القران او قصه يعني تكون بطريقه ونسه وحكايه مو بطريقة محاضرات
يوم الجمعه بعد صلاة الجمعه اقراءوا سورة الكهف وفي ساعة عظيمه لاستجابة الدعاء في نهار الجمعه
اجلسوا ادعوا كل الا نفسكم فيه كل جمعه
اتقربي منه في حياتك ترى لسا انـتي توك متزوجه وفي بداية حياتك وهي الحياة الزوجيه كفاج خاصة في الزمن ده
انـتي اش كنتي تحسبي لما اتزوجتي؟ .. دحين وقع الفاس في الراس يعني امسكي بيتك وحافظي عليه كلميه وخدي رايه في كل شي في البيت خليه يحس انه متزوجك وانـتي مرته وتبعه مو يوديكي عند اهلك ونامي عندهم ويجلس يتهرب منك لا اتقربي منه قد ماتقدري في نفس الوقت مو تزني وتطفشيه لا بس بيني له انه مهم تاخدي رايه في الشغله الفلانيه والشي العلاني يعني هو السيد دحين دخليه الدور
ولا اسمعك جبتي سيرة الطلاق تاني .. الطلاق ابغض الحلال عند الله يعني في الحالات المستعصية و انتوا حالتكم طبيعيه جدا
و الله يــارب يهدي سركم ويشرح صدركم واول سنه هي كدا تكون نفسيات متوتره لانه شي جديد عليكم وشويه تتعودوا على بعض وتمشي اموركم ونسمع عنك اخبــار حلوه ان شاء الله

تووووك بداية حياتك لااازم المشاكل ياما شفنا والله كل مرة اقول خلاص بتطلق على بالي الدعوة لعبة اقول بتطلق وبس برجع بيتي اهلي ماصار شي بس الحمدلله صبرت وتحملت ومع الوقت تفهمون بعض اكثر وتحبون بعض..

الله يسخره لك استغفري وادعي ربك يهديه ويسخره وارجعي له لاتنتظرين يجي ياخذك
انا اذكر اول شهر اذا تزاعلنا كنت اروح بيت اهلي زيارة عادية بس هو زعلان مني مستحيل يتصل يجي ياخذني
اقول لاهلي ودوني لاني لو مااروح بنفسي مايدق يجي ياخذني يخليني عندهم :(

لا تستعجلي لكن ادعي الله كثير .............

وبرضو شغلي سورة البقرة في البيت .. وخليه يروح لشيخ يمكن فيه شيء لاسمح الله بس تأكدوا ...
لأن تقولي إنه فيه ضيق ومايحب يطالع فيك ويتضايق حيل منك ..


أسأل الله أن يسخره لك ويشرح صدره وتكوني في عينه ملاك