تعالى نظمى حياتك من الأول معانا فى قعدة الستات!!

ملكه
انا بعمل الباشاميل فى بيركس بيفرق عن التيفال
وممكن تخلى النار هاديه من الاول وسويها على مهلها

شوفو يا جماعه انا فى فترة طفولة ابنائى ما كنش فى حاجه اسمها اغانى
واتربو على كده لكن فى فترة المراهقه بقوا يسمعو اغانى زى اصحابهم ولما اتكلمت معاهم
قالو ان اصحابنا بيعتبروا ال مش بيسمع اغانى متخلف
فطبعا كانت صدمه عندى لكن مش قادره ان الموضوع يتاخد معاهم بحده لانى شايفه النموذج ده
من اسره نعرفها ممنوع الاغانى تماما لكن البنات متعلقين بيها جدا لانهم حاسين انهم مقهورين
ومن ورا الاب بيسمعوا بشراهه فطبعا ده الشكل المرفوض عندى تماما
فطريقتى معاهم انا بكره جدا الاغانى وبكلمهم على حرمانياتها وفى قواعد محطوطه
بغرز ال ال انا عوزاه من توجيه للابنى الصغير وبيكون هو لسانى معاهم
لكن بطريق غير مباشر مع براءة الطفوله بيكون تأثيره اسرع
فترة المراهقه محتاجه ذكاء فى التعامل والحده حا تولد عند ومع الوقت لازم الابن حا يرجع
لقيمه الاساسيه ال اتزرعت فيه هو بيتوه فتره لكن بيرجع تانى
بصى يا مادو انا ابنى بيحب الكوره جدا امنيته اننا ننزل مصر عشان يشترك فى نادى للكوره
فقلت له لو عايز تبقى لاعب كره تبقى زى ابو تريكه انا مش بفهم فى الكوره نهائى
لكن شدنى حوار لابو تريكه انه نفسه يعمل لدينه حاجه وبيحاول يعملها من خلال
الكوره تخيلى تاثيره على الشباب لو الاعلام سمح له انه يكلمهم عن الصلاه مثلا
او انه يعزز عنده قيم معينه
فالعيب ليس فى الكوره او الفن لو عندنا فن اسلامى خالى من الاباحيه وغرضه غرز قيم صح
او برامج اطفال لغرز قيم الدين الصح حا يبقى حال الامه ازاى
فعشان نكون واقعيين ان ابنى عشان يكون متدين ما يمارسش هواياته
لا ما رسها لكن حولها الى عباده انا بعمل ده ليه غرضى اقدم بيه ايه للاسلام
الكلمه دى ماثره فيه جدا وببرمج حياتى عليها
ان عاداتى تكون عبادات
ووارضى ربى لكن ما انفصلش عن العالم الخارجى او بمعنى اوظف كل حاجه لله
النت فيه الخير والشر والتليفزيون والكمبيوتر وحتى زيارتنا للاهل
لو كل ده ما ارتبطش بالله حا يكون حسرات علينا يوم القيامه
وغرضى بزيارة الاهل ان الجلسه تتحول لغيبه ونميمه
يعنى نقعد قاعده جميله كلها حب وموده ونتكلم فى كل ما هو مفيد بعيد عن قلنا وقالو
يارب يا مادو تكون وجهت نظرى واضحه وانا معاكو لخلاف الراى وال الغلط فى كلامه
نتناقش فيه لان هدفنا رضى الله
شيمو والله منوره كلنا محتاجين تعليقاتك الجميله وقفشاتك الحلوه ربنا يكمل لك على خير

عروس انتى الى انا فهمته مامنعتيش منع نهائى يعنى تنبيه لان برضة البنات الاغانى بتبقى على الموبيلات فى المدارس وهما عارفين انه حرام وعلى فكرة انا بحب الكورة بس برضه مش زى الاول وابو تريكة اخلاق وسلوك ودين وفعلا قدوة حسنة وكلامك كاه روائع انا دايما باختلف مع ماما لما ازورها وتشتكى من زوجة اخى وانبها ان كدة حرام

وعلىفكرة ياعروس بنتى قالتى على نماذج للبنات والفعل بعيد عن الام علشان كدة انا ماشية بسلاسه علشان السن بصلح فى نفسى وفيهم ويارب يعطى لنا عمر لنخفف من اوزارنا