طريقتي لتعطير المنزل

طريقتي لتعطير المنزل...

--------------------------------------------------------------------------------

مرحبا بنات ..

انا حبيت هالقسم واستفدت منه وايد وايد
اكثر شي فادني العلاق مال ايكيا بو دوائر شريته
وحطيت شيلاتي وناسه مرتبين واستفدت من الدرج اللي كانوا فيه
وشريت بعد فواصل الادراج .. هم مال ايكيا اللي 6 قطع
حطيت فيه ملابسي الداخليه روعه صار منظر الدرج
ماقصرتوا بنات ...

مشاركتي معاكم هذه *****الله تعجبكم ..
طريقتي لعمل رشوش للحمام تكرمون ..
والبيت وحتى الملابس اللي بالكبت والسرير والمخدات ..

تييبون مكعبات المسك من القرشي ...
وزيت الورد من الحواي ( العطار) ...
وعلبة رشوش قديمة خلصت .. تنظفينها عدل .. او تييبين وحده يديده
تلاقينها بالجمعية وفي بإيكيا بعد ..

تاخذين نص مكعب المسك وتكسرينه بالهاون .. عشان يتنتف يصير صغير ..
بعد ما تنتفينه كله ويصير بودر
تحطينة بالرشوش ..
تحطين شوية ماي ورد بالغطا ماله ...
وزيت الورد تحطين كثر الغطا مالها ..
والباجي تعبينه بماي صحة .. او ماي عادي مو مشكله ..
وتخضين العلبه عدل..

وجربيها وشوفي شلون ريحتها تمسك بالحمام
والملابس والبيت لما ترشين منه ...

*****الله تعجبكم يارب ..
اللي تجرب تعطيني رايها ..

10 تعليق 1,618 مشاهدة

شاركي في النقاش

سجلي الدخول لإضافة تعليق.

التعليقات

10
  1. @laaadmtk

    ماشاء الله يالحمامه افكارك روووووووووعه

    شكلك مدمنة عطوووور

    تصدقين انا اليوم فاتحه كذا موضوع في هذا القسم

    عن تعطير البيت واتفاجا تطلعين انتي صاحبة الموضوع

    يمكن ثلاث مواضيع اواكثر مدمنه مدمنه مافي كلام على قول حمواتك

    هذا دليل اني شايفه مواضيعك تسلمين و***** الله اجربها

تابعي تجارب أخرى من هذا القسم.