ما شاء الله واضح انك منظمة وجدولك حلو
فين المشكلة؟
لو قصدك على التنظيف العميق للدواليب وكده
خليه مرة واحدة في الشهر وحدديله معاد معين
وفي اليوم ده ما تطبخيش وما تعمليش أي حاجة تانية
وبكده الموضوع هيبقى سهل
كل واحد لازم يحمد ربنا على النعمة اللي هو فيها
احنا نحمد ربنا على نعمة البساطة والبيوت الصغيرة
وانتوا تحمدوا ربنا على نعمة الوقت اللي احنا مش لاقيينه
انا مش باحسد لا سمح الله (محدش يفهمني غلط)
لكن لو هاتكلم عن نفسي على سبيل المثال
انا موظفة وبارجع من الشغل الساعة 4.30
ودي أكتر حاجة بدري بالنسبة لموظفات القطاع الخاص
يعني ده دلع مش شغل
ويدوب عقبال ما احضر الغدا تبقي 5 أو 5.30
ولو جوزي جه بدري هنتغدى في الميعاد ده وكده يبقى كرم من ربنا ان اليوم اتبقي فيه وقت
أما بقى لو اتأخر ممكن نتغدى الساعة 7 أو 8 على حسب ما ييجي
يعني كون انك بتروحي من الشغل تتغدي وتنامي وتذاكري للعيال وتتعشي الساعة 7.30 وبيتبقى في اليوم وقت كمان دي نعمة كبيرة جدا لازم تحمدي ربنا عليها
والحمد لله على كل حال
من قررت الاستغناء عن الخادمة ونجحت في ذلك
متابعة النقاش، صفحة 44