ياحسرتي على ولدي كل يوم ينضرب

المشكله لاختي
اترككم معها

السلام عليكم يابنات حواء كيفكم والله اختي دايما تمدحكم فحبيت احط مشكلتي هنا ان شالله القى رد يشفي غليلي لاني مره مقهوره

انا ساكنه عند اهل زوجي وعندي ولد عمره ثلاث سنوات جسمه مره ضعيف وام زوجي عندها ولد في نفس عمر ولدي بينهم شهر ونص تقريبا لكن ماشالله جسمه متين

ام زوجي مدلعه ولدها على حساب ولدي يعني تبيني كل يوم انزل ولدي يلعب مع ولدها
المشكله انه عذب ولدي بالضرب كل شوي اسمع صراخ ولدي


مره يعظه ومره يقطع شعره ومرات يضربه على راسه واحيانا يصقع براسه في الجدار

واذا نزلت عندهم اخذ ولدي حلفت علي مايروح تقول تبين تحرمينا من ولدنا ياليتها على كلامها هذا تدافع عن ولدي اذا انضرب

والله العظيم انها تكون عندهم وتشوفه يعظه وماتقول لولدها ولا كلمه وماتشيل ولدي عنه

مرات انسمع صوته ينضرب وانزل القاها تتفرج عليهم

يعني بالعربي تبيه يسلي ولدها تبي ولدها يلعب على كيفه ويتدرب على ولدي

دايما تقول اللي مايطق البزران يطقونه العيال في المدرسه
كل يوم امووووت من القهر
على فكره حاولت اسكر على ولدي عندي في الشقه لكن ماترضى تروح تشتكي لابوه (ولدها)

وابوه ينزله غصب ويقول انتي موسوسه تعتقدين ان اهلي يكرهون ولدك

هم قدام ابوه مايخلون الولد يضربه

ومره صارت مشكله كبيره كانت بتوصل للطلاق



ولدي صارخوااااف مايتجرأ يمد يده على احد صار ضعيف الشخصيه حتى الاطفال اللي اصغر منه يضربونه وهو مايحرك ساكن

آآه بس ياحسرتي على ولدي


والله احيانا من الحسره احس حرارتي ترتفع واشوف الدنيا ظلمه شكلهم بيسببون لي جلطه

119 تعليق 13,835 مشاهدة

شاركي في النقاش

سجلي الدخول لإضافة تعليق.

التعليقات

113
  1. فوضه هي
    قولي لها الولد اماااانه عندي ياخاله وانا المسؤله عنه امام الله او لزوجك
    وانا ماقلت انكم تكرهونه بس الولد تعبت نفسيته ونومه غلط وصحته غلط
    يمكن لما نحدد لقائهم يشتاقون لبعض ويبطلون ها المضاربات والمصاراعات
    وماعليك منهم حلوه ذي اجل اخلي ولدي كيس ملاكمه لولدها عشان ترتاح وانا اجباانه لدرجة ما احمي ولدي
    وولدك وش ذنبه
    وزوجك تفاهمي معه قولي له ما قلنا قطاااعه بس ما ينزل الا انا او انت معه وماينزل بلحااله ومو باستمرار وشوي شوي الين تخففين ها الغثى
    حاااوريه بهدوء وادعي ربك يسخره لك ويكفيك شر كل من فيه شر
    اعانك الله
    دمتم بود
  2. لا حول ولا قوة إلا بالله

    أختي أنا حاسة فيك

    بس لازم تعلمين ولدك كيف يدافع عن نفسه

    ولا زم تهتمي بتغذية طفلك حتى يتقوى جسمه لا لكي يضرب وإنما لصحته هو
  3. والله فعلا مشكله طيب علمي ولدك يدافع عن نفسه ولا حاولي انه يجي عنده البيت يلعب عنده ويكون تحت عينك والله يعينك بصراحه موقفك صعب
  4. @alaayon_alshkyh_1

    يا الله الله يعينك

    اذا قالت لك نزليه يلعب قولي لها خليه يطلع واذا انضرب ولدك علمي زوجك اول باول مو تقولي له شوف اخوك سوى وبيحس انك تكبري السالفه

    جيبها من باب السوالف وعلقي على المواقف((مضاربتهم ) اللي تصير بضحك ومزح مثلا تقولي ماتوقعت ولدي خواااااااااااااااااف جبان واالله مدري كيف بيدرس بكره مع العيال
    ترى بيحرص على ولده اذا قلتي له هالكلام

    اهم شيء المعلومه توصل

    وفهمي ولدك وعلميه يدافع عن نفسه دام هذا مجتمعم


    حبيبتي انتبهي لولدك لاتتركي مجال لعمه يضعف شخصيته ويعقده

تابعي تجارب أخرى من هذا القسم.