الجلطة وحبوب الحمل وضررها عن تجربة

6 يناير 2009

أنا راح اقولكم عن خبرتي بالموضوع هذا واتمنى الاستفاده منه
انا عمري 40 سنة وصارلي 20 سنة متزوجة جربت انواع وايد من حبوب منع الحمل واخرهم ياسمين اللي امدحوها لي طبعا.

بس بالنسبة لي كانت اسوأ نوع اخذته :mad: اولا بعد ما اخذته بفترة يمكن سنه بديت احس بألم في فخذي وفي ساقي من الخلف (بطة القدم) الم موطبيعي كأنه ابره مدخلينها في ساقي وسألت طبعا كله يقولون لي لا هذا من التعب يمكن بس قبل الالم كنت اعاني من زيادة في الوزن والانتفاخ
المهم مليتفمره رحت لطبيب امراض نسا اسأله عن شي والله ماني ذاكره فقام وقلت له عن الالم فقام وفحص ريلي وقالي روحي بسرعه لاقرب مستشفي خليهم يسون لك اشعه قلت له ليش فقال لي الحرارة مو طبيعية فيهم المهم رحت للمستشفى طبعا الطواري مالقيت منهم اي اهتمام وقالي يمكن تعب وانا بعد صدقته لاني في هذي الايام كنت فعلا تعبانه واوقف وايد على قدمي ولا ارتاح ومشيت
بعدها سمعت من صديقة اختي انها جت لها الجلطة بسبب حبوب منع الحمل في قدمها اهنيييييييييييييي قلت خلاااااااااااااااااااااااااااص راح اتوقف عنها اكيد هذا اللي انا احس فيه بقدمي وعلى فكرة حبوب منع الحمل تسبب البرود الجنسي وفعلا هذا مالاحظته.:22:
وفعلا رحت قلت لدكتورة امراض النسا وقلت لها ابي الحل البديل فقالت لي في لولب هرموني ممتاز قلت لها توكلي على لله خليني اجربه وارتاح من مصيبة حبوب منع الحمل وفعلا ركبته ماحسيت بشي وخف علي الالم بساقي لكنننننننننننننن:mad:

شوفوا يا خواتي شنو سبب لي :
1- توقفت الدورة عندي لمدة 9 اشهر الي ان ازلته من الرحم
2-الم شديد بالمفاصل حتى بعدما ازلته ظل الام لمدة سنه تقريبا بعد ازالته
3- انتفاخ شديد بجسمي وتجمع الماء في جسمي كله

ولما كنت اروح لدكتورتي واشتكي لها تقول لي طبيعي عادي هذا النوع من اللولب يقلل الدورة الشهرية
سكت وتحملت قلت يمكن كلامها صحيح فصبرت :06:

بالصدفه كنت ماره على دكتورتي الثانية وهي ممارس عام وشاطرة جدا فقلت لها عن هذي المشكلة فقالت خليني افحصك ولما فحصتني قالت لي بالحرف الواحد هذا اللولب مو مناسبك ولازم تشيلينه بأسرع وقت ممكن واخذت عينه من الرحم والله والله اخواتي كانت سووووووووووووووووده :eek:تخيلوا كان الدم متجلط برحمي وذيك الدكتورة تقولي عادي

وفعلا شلته وارتحتتتتتتتتتتتتتت من الاوجاع والانتفاخ خف ونزلت على الدورة طبيبعة ولله الحمد بس ظل معاي الام المفاصل سنة تقريبا من بعد ما شلت اللولب وحاسه هالايام بانها خفت اشويه:icon18:

راح تقولون شنو استخدمت كحل بديل منع الحمل انا اقولكم بما اني اكتفيت ولا ارغب بالاطفال زيادة فعندي 3 ولله الحمد وعسى ربي يصلحهم ويهديهم وزوجي موافقني الراي عملت عملية ربط للمبايض طبعا بعد استشارة دينية للفتوى والتشريع عندنا بالكويت والحمدلله ارتحت رااااااااااااااااااااااحه لا الم والدورة طبيبعية وكلوووووو تمام التمام
وارجو ان اكون افدتكم بتجاربي :2thmup:

الجلطة وحبوب الحمل وضررها عن تجربة

التعليقات

جلطه في الدماغ

ال مر عليها شخص جاته جلطه الله يكفيكم الشر فيدوني

اللي تعرف احد جته جلطه باالساق

للتعرف على علامات الجلطة الدماغية

الجلطة الدماغية 💉