شاركي في النقاش

سجلي الدخول لإضافة تعليق.

التعليقات

26

  1. @gomana_gorg


    غاليتي فديتك انتي
    عندك القدرة على التعبير بس ينقص الوزن وهذا يجي مع الزمن وكثرة الاطلاع والكتابة " الممارس يغلب الفارس "
    لا تعتمدين على اللحن بشكل اساسي الى بعد قراءة الشعر المكثفه , والكتابة وشوفي الألحان الشعبية للشعر النبطي مثل الهجيني والمنكوس . بس لازم تكثرين من قراءة القصيد . وماعليك انا يدي بيدك لين ماتطلعين شاعرة أد الدنيا :) خخخخخخخخ
    عدلتها لك واتمنى تحوز على رضاك .!

    الابيات الاولى
    يانور عيوني اتعبني حر الاشواق==ماأقدر اتحملها متى يحين اللقا
    وتطفي نار في قلبي تحرق احراق==وترحم حال من البعد مل البقا


    يانور عيني أتعبتني هالأشواق= إلى متى .. و أنا اتحمل غيابك
    ماتدري ان الوصل لحدود الأفاق = يعني المدار وشفني أهواء ترابك
    تخيل إني لا تأملت الأذواق = مافيه شخصن ناصفه في شبابك.!!




    الابيات الثانيه

    جروح قلبي صارت عطايب== من هموم حملها مع الايام يزيدي
    اتعبت قلب كان له في الفرح طلايب== تمشي من اول شريان لاخر وريدي
    حكم رب العباد وعالم الغيب== مانعترض على حكمه ويقضي مايريدي


    جروح قلبي ياحبيبي عطايب = والموت همي زود الحمل حملين
    إن قلت جرحي والضلوع النحايب =فأنت الحبيب وزود الجرح جرحين
    إن قلت نفسي هايمه بالطلايب = يعني اتمنى شوفتك واكحل العين
    يالعنبو حيك ... علام المصايب = من بعد حبك دونت لي دواوين
    بس الاكيد اني بك انسان ذايب = يعني احبك..! والمحبه ترى دين




    البيت الاخير

    الطير بدون جناحين لايمكن يطير== هذا حال اليد ماتقدر تصفق وحدها

    واالطير من دون جنحانه صعبه يطير=واليد الي تحيد ...تصفق لحالها..!

  2. @ksymyh_ghyr

    جومانا جورج
    غاليتي فديتك انتي عندك القدرة على التعبير بس ينقص الوزن وهذا يجي مع الزمن وكثرة الاطلاع والكتابة " الممارس يغلب الفارس " لا تعتمدين على اللحن بشكل اساسي الى بعد قراءة الشعر المكثفه , والكتابة وشوفي الألحان الشعبية للشعر النبطي مثل الهجيني …
    ماشاء الله عليك..كنت برد ووفرتي علي.. :26:

    لي ملاحظة بس على الشطر


    ((والطير من دون جنحانه صعبة يطير))..

    حسيت فيه ثقل بالوزن غاليتي..


    ..

    وياليت تتحفينا بمشاركه لك هنا..لأننا متعطشين للجزالة والتمكن.

    تحياتي.

  5. @mhb_alsmt

    صاحبة الموضوع
    جومانا جورج
    غاليتي فديتك انتي عندك القدرة على التعبير بس ينقص الوزن وهذا يجي مع الزمن وكثرة الاطلاع والكتابة " الممارس يغلب الفارس " لا تعتمدين على اللحن بشكل اساسي الى بعد قراءة الشعر المكثفه , والكتابة وشوفي الألحان الشعبية للشعر النبطي مثل الهجيني …
    مشكوره اختي على التعديل

    يوووه بيوتي رايحه فيها مكسره وحالت امها حاله

    بس انا مصره اعدل هالكسور بإذن الله


    حبيت اسالك جومانا على اي وزن انتي عدلتيها ؟؟


    ماادري وش اقولك اختي جومانا عبارات الشكر لا تكفيك

    جزاك الله خير وحقق لك اللي تتمنين يارب..

تابعي تجارب أخرى من هذا القسم.