انتي ياحرمه تعالي تقهوي ابيك بسالفه!!

^
^
^
الرجال يحب الي تحب نفسها
وأنت مثال :)

هلا مربطه يااحبيلك ياحرمه ووينك عن ملفنا ..........تذكرتيني



وانا اقصدك من بين الناس الي عرفتهم كذا وحده ومن انت انتي منهم بالنت
حافضه لك مشاركتين بالجهاز كلامك دائم يعجبني ونصائحك
لاني توقعت تخصص كبير خاص بالمجتمع واستغربت قلتي انا مو تخصص رياض اطفال ولا درسااات

لاتحرمينا من زحلطتك بالملف

ماشاءالله المجلس امتلى يالله حيهم

ياحرمه صلي على النبي خوذي فنجال وانتي ياحرمه والله ماتقومين وتزعلين حقك علينا خوذي بيالة شاي << النقاش حامي :biggrin2:

اول شي اشكر الاخوات من الجنسيه العربيه اللي شاركوا واعتذر عن صعوبة المفردات اللي استخدمناها
وتفضلوا غدير شاهين تفضلي كاسة زهورات
sosohady تفضلي قهوه مزبوطه سكر زياده :42:

اهم وحده في حواء تفضلي بيالة الشاي بالنعناع وصيري معنا على طول الخط حبيت طريقتك الكلاس بالنقاش
:39:

وحيالله بنات الرس والقصيم والرياض وجده والشرقيه وكل حريم المملكه وعاش الاخضر :22:

عوده لموضوعنا

مازال في نظريه محدوده للامور وهي ياهذا ياهذا
وكأننا اذا قلنا تثقفي تعلمي اقرأي خلي لك شخصيه مميزه واسلوب في الحياه يعني لازم تصيرين كبيحه مبهدله يكلمك زوجك تردين بالشبشب :eek:
لا هذا لايمنع انك تكوني جميله متأنقه ومحبه لزوجك ابو عيالك
وحده من الحريم قالت المجتمع السبب مو احنا اقولها خوذي فنجال برد عليك
المجتمع اللي قلتي عليه هو المجتمع الذكوري اللي غرس هالفكره بروس حريمنا وصارت هي تقول اخاف
كل حياتها اخاف يعرس اخاف يطلقني اخاف يخوني
واذا جابت بنت ربتها على اخاف
طيب عمرك شفتي رجل يقول اخاف تتركني اخاف تطلب الطلاق اخاف تخوني لو مالبيت احتياجاتها
المجتمع مين غير انا وانتي وفلانه وفلانه

حواء 300 الف عضوه هذا مو مجتمع
كلهم يقولون زوجي محور حياتي وهو منشغل بعمله باصدقائه باستراحته ياختي ليتها تقول عيالي محور حياتي
وثقافة الوحده وعلمها وعرفتها وشخصيتها راح ينعكس على تربيتها لاولادها
راح تكون قريبه منهم وصديقتهم مو متكله على الخدامه او فاهمه التربيه اكل وشرب ولبس

بعدين سعاد الصباح تقول كن صديقي!!
من اللي زوجها صديقها
معنى صديقي اقوله كل شي من غير ماخاف يفهم غلط والا يشك اصارحه بكل مافي قلبي نعيش كاصدقاء
وقرأت في كتاب ان اسعد العلاقات الزوجيه هي اللي تتحول كصداقه وليس كاحترام

وحده قالت اغلب بنات المنتدى متعلمات وجامعيات وهذه مصيبه
مره في منتدى كانوا يتناقشون عن تفكير المرأه
واحد من الرجال قال انا ماتناقش مع زوجتي مع انها جامعيه لاني احس تفكيرها محدود اتناقش بكل المواضيع مع زميلتي في العمل!!!

ردوا رجال اخرين تبي تعرف مستوى تفكير حريمنا
روح ادخل منتدى الحريم الوردي اجل خلطه تصغر الخشم :o


مشكورات كل الحريم اللي ردوا والموضوع لكم

هههههههههههههههههههه
على كذا راح تقولي اطلعي عن الجلسة خخخ
انا اكثر اهتمامي الرجل بشكل فظيع
حتى لو خاصمني او
لازم اهتم علشان لايجى ويقول قصرت
اما من ناحية معاملة العين بالعين
بس تقصير لالالالالالالالالالالالالالالالالالالالالالالالالالالالالالالالا
ونصيحة اي زوجه تهتم بزوجها حتى لو كان قرد اهم شي تكسب الاجر وربي يعوضها خير
عن والله احب القهوة بس اخاف انطرد
نسبة ثقافة الشاطرة تكون عشرة نساء في واحد
يعنى اكون طباخة لبيسة
وحلوة الواحدة تبحث عن طريق نت عن معلومات ثقافية دينة
تجلس تحفظ كتاب الله
تكون اجتماعية
ماتقول لالا والله انا ماخرج مافي وقت
لا تقدر الواحدة تكون عشرة ب
بنظام
اقدر اسعد زوجي
اقدر اسعد اطفالي
واقدر اكون اجتماعية واخرج واجالس الناس
اقدر احفظ كتاب الله
اقدر اسمع شريط دينى
او اجلس على قناة دين

اقدر ابحث عن معلومات ثقافية واستفيد
بس كل شي نظام حلو

والله انتس خطيرة يارندلي .. وش هالموضوع الخطير؟؟

انا بستمتع بشرب شاهي وبشوف نقاشك مع الحريم .. اللي بيقطعنك الحين لأن انتقدتي هواياتهن

بس تعالي ليش احس انك معلمة ؟