من جربت ابر ميزو لتذويب الدهون..بجدة؟؟

اسمعي يا روحي أنا والله العظيم جربتها في مكة أخذت جلسة وحدة في البطن وما كملت عارفه ليه لأن الدكتورة قالتلي أن الدهون اللي في المنطقة ما ترجع نهائي بمعنى أنك لو تخنتي لأي سبب ترجع الدهون وتتوزع في أماكن ثانية غير البطن أو المكان اللي حقنتيه سواء أرداف أو اي شيء ثاني ..
أنا في البداية عجبني الكلام قلت أحسن كله ولا الكرش لكن سبحان الله وكأن الله بينبهني ضربت افبرة في بطني وطلعت على طول من عند الدكتورة على أختي ولقيت عندها بنات قالت وحدة منهم جايبة ما شاء الله تبارك الله أطفال كثير ومتعقده من بطنها أنها تفكر تضرب الحقن فردت عليها وحدة ثانية قبل لا أفتح فمي وأقول أني توي حقنتها قالتلها إذا مو ناوية تحملين مرة ثانية سويها تنفعلك قلتلها ليه؟؟ قالت أنها أتصلت على عيد كلينك وسألتهم عنها قالو ما ينفع الوحدة تحمل بعدها أبدا لأنها تشد منطقة البطن تماما وما يصير في البطن مرونه عشان يقدر يتمدد في الحمل مما يسبب تمزق للبطن لو حملتي بعد الإبر أنا سمعت هذا الكلام ودمي اتصفى من الخوف

أنا توي بأول الطريق ما عندي الا طفلين الله يحفظهم وناويه يكبرون شوي وأحمل عاد سكت ولا فتحت فمي عشان أختي لا تدري وتوريني الويل.. هي ضد أي شيء من هذا القبيل وتشوفه لعب بالصحة المهم حبيبتي انتبهي لنفسك وأتصلي على العيادات واسأليهم بالتفصيل عن آثار الإبر وش ممكن تسوي في مرونة الجسم أنا والله ما رجعت أتصلت وما تأكدت بنفسي لكن من يومها الدكتورة ما شافت وجهي لكن لو الكلام هذا صحيح الله لا يسامحها لأنها عارفة إن عندي طفلين بس و المفروض تنبهني لموضوع الحمل ..

هذا اللي أعرفه يا قمر بكل أمانه

فيه شي نسيت أقوله ترى يا بنات أنا في عيادة هذي الدكتورة شفت حريم كثيير ينتظرون دورهم عشان يضربون الإبر وهذا شي شجعني في البداية وقلت أكيد الإبر مره كويسه ولا ما كان الزحمة عليها كذا ومو معقوله ما فيه ولا وحدة منهم تعرف هذا الموضوع عشان كذا شكيت في صحة معلومات البنت اللي قالت هالكلام بس لأني أستخرت قبل لا أضرب الإبرة اعتبرت ان فجعتي ذاك اليوم خيرة من رب العلمين وكش قلبي منها فلازم لازم يا بنات تتحققون من الموضوع واذا لقيتو شي غير هالكلام اللي قلته اذكروه هنا عشان حتى أنا استفيد وأنا بتابع معاكم

للرفع

انا يابنات نزلت موضوع عن هالابر قبل كذا

وهو باختصار ان هالابر ممنوعه في الدول المتقدمه

غير الخراجات اللي تسببها واحيانا تتحول الى اورام غير حميده

وهي طريقتها نفس شفط الدهون يعني المكان اللي تضربين فيه الابر ماتتجمع فيه دهون مره ثانيه

وبصراحه انا شفت وحده مسويه شفط لبطنها ورجعت تخنت وصارت الدهون في اماكن ثانيه بجسمها


صراحه جسمها تشوه

وفكرت اسويها اول ماطلعت والناس تمدحها وزوجي رفض قال لو بتجيبلك العافيه ابر لااااااااااااااااااااااااا


وبعد ماسمعت وشفت اضرار هذه الابر اشكر الله كل يوم اني ماتورطت وسويتها

والله لا يحرمني من زوجي اللي من بداية الامر خاف علي من مخاطرها

اب