ولدي ذبحني بالحراره

السلام عليكم ورحمه الله وبركاته

ولدي ذبحني بالحراره

له حول الشهرين تعبان يمكن اسبوع بس صحته زينه والاسابيع الباقيه تعبان

عمره سنه و3 شهووور ,,تنوم قبل اسبوعين مده خمسه ايام بالمستشفى

الدكتور قال عنده التهاب بالرئه وعطاه بخار ودوا للكحه بعد ماطلع

الحين نفس الحراره جته تجيه كل اربع ساعات موقته تمام كل اربع ساعات

وانا اعطيه ادول كل اربع ساعات

امي تقول اسنان وهو فعلا لاحظت انه اسنان واليوم انتبهت ان سن العقل بدا يطلع

هل هو صدق اسنان انا ماوديته للمستشفى جتنا ضيقه صدر منها


وش اسوي عشان اخفف من حرارته غير الدوا

ابي اجرب ادويه شعبيه


والف شكررررر

13 تعليق 1,331 مشاهدة

شاركي في النقاش

سجلي الدخول لإضافة تعليق.

التعليقات

11
  1. @maalm_gnan

    شوفي ولدك ما فيه الا مصع او فهق <<<<<<<< اسالي مجرب وليدي توصل حرارته 42 طايح كانه قماش من قوة الحراره والمستشفى يقول نزله شعبيه

    وديته لوحده تعرف للمصع ودهنته قالت فيه مصع وفهق مجتمعه دهنته وحطت عليه لزقه والحمدلله الحراره خفت ماشاء الله

    دوريلك وحده تعرف للبزارين وتدهنهم واذا ما عندك قوليلي اعطيك رقمها اذا انتي من الرياض
  2. @am_samy_alhlo

    جمرة غضى ..قريت كلامك لزوجي وقعد يقولي هذا انت منزله الموضوع من كثر ما انا نفس وضعك

    بس ولدي عمره سنه ونص ولا حظت ولدي مطلع الاضراس ومادري نومته في المستشفى في يوم

    عرفه وقعدت خمس ايام وطلعته وحرارته مازالت بعدين دخلته مستشفى خاص يومين والحمدلله

    طلع كويس قعد 10ايام ورجعنا نفس الحاله والحين من مرضته له 15يوم سويت له تحليل دم قال

    فيروس بالاضافه الى التهاب صدره وجلسات البخار والحين اكتب لك وانا حاطه عليه كمادات والله المستعان والمعين..

تابعي تجارب أخرى من هذا القسم.