عزيمة زوجي للجيران بالصور مع اسراري

بسم الله نبدا طريقة الغوزي

اشتريت هرفي صغير يمكن12 كيلو غسلته ونظفته واخذت الجزء العلوي منه اللي هي

الظهر واليدين ولاضلاع وعلى كبره ماقصصته

تبلته قبله بيوم وليله التتبيله عن كل بهاراتك وملح والحشوه بصل كرفس طماطم ليمون اصفر واسود

ملاحظه عند التبيل لازم تكوني لابسه قفاززات مهم وضروري منها اولا عشان يدك ماتصبغ من البهارات وخصوصا

ان فيها كركم كثير وبعد علشان انك بتتركينه يوم بثلاجه

نرجع لطريقه

لفيته بقصدير ودخلته الثلاجه يوم وليله و من بكرا طلعته برا الثلاجه ساعتين

وبعدين شغلت الفرن على الحار وجبت صينيه قصدير وحطيته فيها وصبيت فيها مويه مغليه

خليته ساعه ونص وبعدين قلبته جلس بالفرن تقريبا 4 الى5 ساعات فطلع اللحمه ذاييبه وجوسي مره

الصور بالتتابع



بعد ماغسلته

الحين شكله بعد التتبيله



الحشوه وانا عمد ماحطيت لا رز ولا مكرونه ابغاه خفيف



بعد الحشوه

نسيت ومافيني اعدل

الهرفي بعد التتبيله لفيته كامل بالقصدير طبقتين وضغطته علشان ما اترك فراغات فيه



وانتي لا يتشق عليك انا كنت حاطه فيه اعواد الشوي وبعدين شلتها لانها شققت القصدير علي

واشتريت خيط الطبخ وربطته فيه بس بقيت الاعواد اللي مسكره ع الحشوه

نرجع للصور



شوفوا فتحت القصدير وشغلت الفرن من فوق خليته يتقمرررر وااو بس على الريحه واللون والطعم


خلصنا الغوزي وشوفوا كيف حوسته:eek:



بس صحن البهارات وملعقتهم وسكين شققت فيها اللحم وسكين الخضارر كان سهل مرره

نجي للارز

نوع الرز يجنن بصراحه جاني هديه من جارتي ونوعه لاهو بشاور ولا مزه جامع بين الاثنين

اول شي كشنت البصل بزيت وبتلاحظون ان الزيت كثير بس انا عمد لاني باخذ من مرق الرز للقرصان

بعد ماكشنت البصل حطيت الصلصه والطماطم المقطع

والكركم واالبهارات ماكثرت بس شوي ما ابغى البهارات تخرب

لون الارز حطيت شوي ماجي ابيض صبيت عليه مويه وخليته يغلي غرفت من مرقه للقرصان

وكبيت الرز وللاسف ماصورت لان الكاميره كانت بالشحن وانا كنت مشتططته بين تبخير البيت وتصليح القهوه

اترككم مع الصور








بعد ما استوى والصوره مو واضحه من البخار

عيوني اربع اربع

وسامحوني اكل الحروف اكال النوم كبس علي و لاززم انزل لكم الطرق

القرصان وما ادراك ما القرصان

كان المفروض اجيبها من برا بس الكسل مافيني اطلع واجيبها فقلت اسويها بالبيت الذ واحسن وفعلا كانت لذيذه

وانا اسويها ناديت صديقتي وسويت لها كوب شاي وجلسنا ننقنق عليها كنا ميتين جوع بس زين اللي بقينا

منها شي للارز:)بوسه للنوس

القرصان حااااااااااااااااولت وحااااااااااااولت اني اوضح بالصور كيفه خبزها ع الصاج بس ماقدرت

جبتها يمين يسار ماضبطت بس هذا اللي قدرت عليه

الكميه عمري ماتقديت فيها باي طبق من اطباقي

بس خلوني اقولكم تقريبي

4 اكواب طحين اببيض على كوب طحين اسمر وملح وماء دافئئئئئ وبس
تعجن زين وتترك وترش بمويه علشان ماتنشف

وتترك وقت من 4 الى ساعتين ولافضل تعجن بالليل وقبل خبزه على الصاج يعاد عجنها

اتركم مع الصور



تتوقعون وش صار بعد هالصوره


طاحت الكاميرا من يدي في الطحين وانا اختفيت عليها وقمت انفخها وامسحها اسم الله عليها رفيقة دربي

بس اشوى جت سليمه >>بعد ما انقطع نفسي من النفخ والتنفخ عليها


العجن وشوفوا سماكة العجين



الخبز وماقدرت اوضح اكثر من كذا



تمسحينها ع الصاج بسرعه وماتضغطين يدك خليها خفيفه




اخر شي

نرجع للقرصان اللي فوق الرز

المرق اللي اخذته من الرز غمستها فيه على كبرها

وماقدرت اصور لان يديني مشغولات ياعمري عمرهن




غطيت الصحن كامل بالقرص

نجي للكشنه وما ادراك مالكشنه

سر ريحة الرز وشكله وطعمه ولونه

قطعي البصل شرايح رشيه بملح واتركيه شوي وبعدين رشيها بطحين ورشة فلفل وهذا هو سر قرمشتها

اذا حطيتيها بالزيت لا تحركينها على طول استني عليها علشان الطحين يمسك فيها

واثناء القلي ارمي فلفله خضرا معها عشان تعطيها ريحه

اتركم مع الصور





بعد قلي البصل حطي المكسرات انا ماكان عندي الا لوز واضح بالصوره

صورة الارز مع احبابه القرصان والكشنه

ماشالله لا قوة الا بلله
الله يقويج
ويعطيج لعافيه