شاركي في النقاش

سجلي الدخول لإضافة تعليق.

التعليقات

90
  1. @oo_la_tzaaloha_oo

    بيني و بينك و الله لو تتزوجين شخص مثقف و عاقل .. بيتغير رايك

    أساليني انا عمري 21 و متزوجة و ادرس و الحمدلله وضعي احسن من كثير بنات قاعدين عند اهاليهم

    و صراحة انا كنت زيك احس و احس ان الزواج متعب بس و الله انه العكس

    بس لا تاخذين الا انسان عاقل

    و لا يأثرون عليك بنات المنتدى اللي يطقها و الا يهزئها و تقول عادي كل الرجال كذا

    لاااااااااا لااااااااا لاااااااااا

    و الله مو كذا بس انا ما ادري ليش هم كذا مرخصين انفسهم

    بالعكس زوجي اول من يوقف معي و اول من ارجع له بالشور و اول من يساعدني

    مو اقولك حياتي كاملة لا فيه مشاكل بس يظل الاصل انه مكرمني و محترمني

    و نصيييييحة مني كوكو اذا جاك الرجال اللي تحسين انك ترضينه زوج و اب لاولادك

    وافقي لانه مستحيل يكون عائق لطموحاتك

    و اتمنى لك التوفيق يا عسل
  2. @ghrb_khatr

    استوقفني كلمة امك البنت من غير زواج ماهي شي ؟؟
    هل هي صادقه باالعباره وتقولها من عقلهااا
    بعض الناس مادري كيف تفكر الصراحه00
    اعذريني ياالغلا لكن جد صدمتني الكلمه00
    يعني أحنا مالناقيمه ألاأذا تزوجنا00
    صدق والله هم يضحك وهم يبكي00

    وباالنسبه لموضوعك الله يعينك ويفرجلك وييسر امرك00ويختارلك مافيه خير وصالح لك00
  3. @am_mash

    امك مالها حيله .. كل ام تخاف على بناتها وتبي تشوفهم متزوجين ومستقرين ومبسوطين

    خصوصاً اننا نسمع بالمصايب والبلاوي اللي تصير ..

    ترى الأم تبي الستر لبناتها .. افهموا ياناس ..

    وبعدين ليش الزواج بيدك ولا بيد امك الله يحفظها ..

    وبعدين وش اللي مابي اتزوج انتي وياها ..

    يمكن هذا كلامك اللحين , لكن لما يمشي العمر بتشوفين ان فرص الزواج قامت تقل ..

    ولاتقولين مابي اتزوج , وابي اعيش بدون زواج .. اسمحيلي هذا كلام فاااااااااضي

    المرأه مهما تملك من شهادات واموال .. بدون رجل .. مسكييييييييييييييينه ..

    والرسول عليه الصلاة والسلام يقول : إذا جاءكم من ترضون دينه وخلقه فزوجوه , ألا تفعلو تكن فتنة في الارض وفسااااااادٌ كبير ..

    يعني رفضك بحجة الدراسه ولا اي شي ثاني هذا اعذار وااااهيه ..

    اذا تقدم شخص خلوق وفيه مواصفات طيبه .. وش اللي يمنع .. فيه فترة ملكه وفيه شوفه شرعيه وفيه حوار وتفاهم وشروط

    صحيح في سن صغير مثل 18 او 19 او حتى 20 .. ممكن .. لكن احياناً تتزوج البنت وعمرها 20 مافيها شي ..

    وانا ضد مسمى العنوسه .. لكن بالله عليكم اذا دخلت البنت الـ 30 هل فرص زواجها مثل بنت بالـ 20 ؟؟

    خلونا واقعيين شوي ..

    واتوقع ان النظره لمفهوم الزواج تختلف ..

    يعني اتوقع انك شايفه نماذج سيئه .. او ترين ان الزواج احتكار وقيود .... الخ عشان كذا رافضه هالأمر بتاتاً

    وانا اعرف أشخاص مثلك .. كذا يفكرون ..

    ترى الزواج حب وصداقه ومشاعر حلوه ..

تابعي تجارب أخرى من هذا القسم.