السلام عليكم ورحمه الله وبركاته
بصراحه ماتشجعت اكتب الا لما حصلت انكم تتجاوبون مع المواضيع باستمرار واتمنى ماتبخلون عليه بارائكم
في ابدايه راح اوضح بعض النقاد عشان تفهمون السالفه
اختي الي اتكلم عنها هي اصغر وحده ف البنات وعمرها12سنه<<<احنا سبع بنات واخ واحد فقط اخر النقود
وقصتها بدأت من يوم كانت امي حامل فيها كان عندها جرثومه الاطفال وقال الدكتور الضرر يمكن يصيبك او يصيب الجنين
وشاء الله ان الضرر يصير لها وهو صغر في الحنجره يعني الحنجره اصغر من عمرها بسنه
وان المشكله بتنتهي مع كبرها
لكن المشكله استمرت معها الى الان
ماهي هذي المشكله
المشكله ان صار عندها صعوبه في النطق تأته في الكلام وتأخر في الدراسه
هي الحين تدرس رابع ابتدائي والمفروض تدرس سادس<<تنجح بحب خشوووووووووم
المشكله الثانيه تفكيرها تفكير اطفال واستعايبها للامور صعب شوي
واضطراب في النوم يعني تحب تسهر كثييييييير عشان ماتنام في الليل
على فكره هي ماهي متخلفه عقليا او شي
راح اقرب لكم الفكره اكثر
حالتها تشبه حاله فضه في مسلسل (فضه قلبها ابيض)
تحب تجلس مع الصغار يعني الي اعمارهم 6 أو اقل لانهم مايدققون في كلامها
واللي في سنها ماتتعامل معم الا في النادر او اذا حصلت احد متجاوب معها لانها تقول انهم يقولون مايفهمون عليها وش تقول
مع انها اجتماعيه بس تعاملها مع الصغار
طبعا ملازمه لامي بشكل كبييييييييييييييييييير جدا وماتنام الا معها والا من سابع المسحيلات انها تنام <<يعني انها تحب النوم اصلا
طبعا يابنات تخاف انها تموت بشكل فظيع ودايما تأل عن الموت وليش الواحد يموت لوحده
لان المدرسه مره تكلمت عن الموت ومن يومها هالسؤال ملازمها لدرجه تسوي شغلات تقول انها ماراه تخليها تموت مثلا تاكل تمر قبل النوم <<ماادري من وين جابت هالفكره
بعض الاحيان تقول احس ان الاكسجين ينقطع عني وبموت <<كلمه الاكسجين عرفتها من ماده العلوم
وديناها عند دكاتره تخاطب وهي صغيره والذكاء عندها اقل من العادي يقليل
لكن الي قاهرني ان ابويه يقول انتو مكبريني السالفه والبنت مافيها الا العافيه بتتحسن
وامي شايله همها وخاصه لما كملت 10 سنين امي سوت مناحه :icon33::icon33: تقولبعد 10 سنين جايه وش بيصير فيها اذا كبرت وجاتها الدوره كيف نفهمها ماراح تستوعب مثل مااحنا نبغى
وامي تدعي انها ماتجيها بالمره رحمه بحالها
وتقول دايما انو انا بوكم ماحنا دايمين لها وا نتوا كلا بتنشغل بحياتها يابنات كل ماتكبر سنه يزيد همها اكثر واكثر مليون مره يوم كانت صغره احس عادي
لكن لما كبرت شوي وحست انها مختلفه عن الباقين بأت المشاكل
طبعا في المدرسه تسترضي البنات بأنها تشتري لهم من مصروفها عشان يجلسون معها
ويسولفون عليها
حتى انها تقول لاخويه انا ماابغى ادرس المتوسط زي فلانه<< تقصد اختي الي اكبر منها
قول لبابا وماما انا مابغى ادرس المتوسط لان البنات يجلسون يضحكون عليه
وفي هذي الايام نفسيتها في الحضيض لاني سافرت من عند اهلي ورجعت بيتي بعد ماولدت عندهم لانها تعلقت في ولدي <<اول حفيد في العائله
ومستواها الدراسي دحدر بالمره
افكر اني اخذها عندي واعالجها لكن مستحيل ابويه يرضى اني اخذها
الشي الثاني افكر اني اقدم على الملك او الامير سلطان على الاقل يكون عندها مصروف طول العمر وماتحتاج لاحد
طبعا امي تقول بتزوجها بدري عشان يجون لها عيال يهتمون فيها
ومره تقول ان شاء الله ماتجيها الدوره عشان مااحد يستغلها وتجلس معي في كبري
والله المشكله اذا تزوجوا اخواتي و بقيت لحالها
نفسي القى لها حل
وبعد اقل من عشره ايام بتكمل 12 سنه الله يعين على عاليوم بيكون عند امي مناحه مثل كل سنه
شاركي في النقاش
سجلي الدخول لإضافة تعليق.
التعليقات
89
طيب اذا كــان في امــل انها العلاج بيعالجه ويرجعه الي طبيعته فلــزززم تعالجيه حااولي قــد ماتقدري مـع ابوكي طيب ابوووكي حررام عليــه يقووول كــذا مكبر الســالفــه ..
طيب انتي تقوولي ان امك تبغى تزوجــه بدري هــل تضمنــي ان احــد راح يتزوجــه؟
طيب النــاس تعرف ان هذي هي حالاته ؟؟
وانتــي عليكي انك تدعيله ان شااء الله تشافى وتفرحو فيــها- عليك أنت وأمك بالدعاء والصدقة وأن شاء الله ماتشوفون الا كل خير بإذن الله .
الله يعافيها والله يسعدك على اهتمامك باختك
أختكم تحتاج الى عناية خاصة وتفرغ شخص لها يلازمها ويعلمها ويدربها وغيره
اذا تقدرون تجبون لها مدرسه خاصه.........تهتم فيها وتعلمها مش كتب المدارس فقط
لكن في كتب اخرى مثل كتب ألعاب والغاز تطوير الذكاء وتحفيز التفكير
كتب مصورة وقصص مفيده مع صور
يعني المقصود رفع مستوها التعلمي باي طرق ممكنه وممتعه
ولازم تفهمون هذي المدرسه بحالتها عشان تعرف تتعامل معها
لا تقولون لاختك انها مدرسه سموها اي اسم ثاني ................يكون مقبول عند اختك
المهم لا تهملون حالتها وترى حالتها الحمدلله احسن من غيرها بكثير يعني فيه مقدره على التعلم
فيه اصعب من حالتها لكن مع اصرر الاهل وعنايتهم بأطفالهم تغيرت حياتهم وبعضهم صار له مكانه بين الناس
بسبب اختراع سواه او علم تعلمه وابدع فيه او سبق غيره في شي مميز ........يعني زي كذا و الامثله كثيره
الله يوفقك دنيا واخره ويعافيها باذن الله ويصبر امكاسوم والقمر بسوم طيب اذا كــان في امــل انها العلاج بيعالجه ويرجعه الي طبيعته فلــزززم تعالجيه حااولي قــد ماتقدري مـع ابوكي طيب ابوووكي حررام عليــه يقووول كــذا مكبر الســالفــه .. طيب انتي تقوولي ان امك تبغى تزوجــه بدري هــل تضمنــي ان احــد راح يتزو…
مشكوره ابويه يقول انتوا اللي محسسينها انها مريضه وهي فعلا مريضه
وبالنسبه لحكايه الزواج تقول بتزوجها رجال كبير في السن- الله يشفيهاااااااا
مواضيع مشابهة
تابعي تجارب أخرى من هذا القسم.