شاركي في النقاش

سجلي الدخول لإضافة تعليق.

التعليقات

42
  1. حبيبتي شوفي انا عندي بنت بنفس عمر بنتك والله يصلح لنا و لك العطاء و يهديهم .. الله لا يخليني منها لو أعد لك عيوبها ما خلصت من عناد وو دلع و صياح و مسكينة دائما تستفرغ لا نتهنى بطلعة و دائما ابوها معصب و يحط حرته فيني وووووووو .. الصراحة لما كانت في الأشهر كنت أعصب كثير و دائما مرتفع ضغطي الى ما قلت لنفسي و بعدين الى متى هذي بنتي و قطعة مني و ما فيه حل لازم أحبها و اتقبلها مثل ما هي .. و الحين استخدم معاها عقاب الحرمان لكن الله يصلحها ما فيه فايده فيها مرة و مرة .. لكن ما امد يدي عليها .. و اسال الله الكريم ان يهديهم و يعينا على تربيتهم و يرزقنا الصبر و الحلم آآآمين ..



  2. ورود الصحرا
    من جدك تضربين مولود عمره شهور !!
    اجل مدري ليه نلوم الشغالات ونلعنهم !!؟؟
    خافي ربك حتى الضرب الخفيف الغيه لا يكبر ع الضرب ويصير لا سمح الله يضربك بعدين
    ترا صارررت :(

    .
    .

    صاحبه الموضوع سلام
    به العمر يعصبون لان بدت تطلع شخصيتهم ويبون يتحكمون مثل الكبار
    لهذا اذ عصبتي ولا سمعت كلامك اتخذي اسلوب العقاااااااااااااااب فقط
    ولدي نفس عمر بنتك مطلع الشيب براسي قسم بالله مامد يدي عليه ماشاء الله تبارك الله
    ابي انشى طفل سليم نفسيا ً واحقد واكره وابغض وادعي بقيام الليل على اي شخص يمد يده عليه
    اكره مالي العنف الجسدي وش فرقنا عن الشغالات اجل لي يعذبون الاطفال !!!

    اذ ماسمع كلامي على طووول اقوم وااااااااااحد اثنين وعلى طول يعرف ان الله حق
    لانه اذ ماسمع كلامي وعاندني اشيله على طول بدون نقاااش يقعد يقول خلاص ماما اسف ومدري وشو
    اشيله واحطه بزاويه ممله واقوله اقعد هنااااااا عقااااااااب لا ليه ماسمعت كلام ماما

    ويقعد ثلاث دقائق وبعدها اناديه واذكره وش سوا واقوله ها بتسمع كلام ماما يقول ايه واقوله قول اسف يقول اسف واحضنه وابوسه

    ترا انا عصصصصصصصصصصصصصصصصصصصصصبيه جدا ً ولو سمحت لنفسي امد يدي يمكن اذبحه اسم الله عليه
    علشان كذا صرت ابرد قلبي بالعقاب والحمد لله ارتحت وطفلي مرتاح وان شاء الله يكبر رجل سليم ذهنيا ونفسيا وجسديا :)

    يعني اي انسانه تظرب تتلاحق نفسها لا يكبر ويضربها هي وترا ذنب الطفل عظيم لانه لاحول ولا قوة ونتي تضربينه
    وهو العكس المفروض انتي يالام منبع الاماااااااااان والهدوء والحب للطفل

    ولي تقول لا تصدقين مافيه ام ماتضرب اطفالها ياليت ياختي تتكلمين عن نفسك فقط
    الضرب يمكن موجود بكثره وبشكل طبيعي جدا ً في بيئات معينه

    لكن في بيئه الناس الي فيها متعلمين وفاهمين خلاص عيب وانقرض وغير مجدي اصلا ً
    هذا انتي تضربين فائد في شي !!! ابدا ً غير مفيد خاصة الضرب العنيف وعلى الوجه :(:(

    تلاحقي بنيتك ترا ماتسوى عليك تحسفين بعدين لا سمح الله لو صار لها شي
    بتذكرين انها معاك بس كانت تعاني وعلشان مين علشان خاطر الناس ! يخسون الناس الي بمد يدي على طفلي علشانهم

    ..

    .


  3. @doaaalkmr_1

    اختي الكريمه قمه السعاده انك تشوفين نتاج تربيتك وتعبك بابناءك وانصحك بقراءه كتابين باذن الله يفيدنوك مثل مافادوني لان هذه المخلوقه الصغيره تحتاج لتعامل خاص والضرب ابد مش حل لكن تلقينها بتصر وتزيد على العناد واكسبيها من الحين لاتكبر ويتولد كره بينكم هي الحين صغيره لكن اذا كبرت ممكن تكون بينكم حواجز وهذه بنتك قطعه منك اقرب الناس لقبلك ياماتعبتي بحملها اكيد راح تتعبين اكثر بتربيتها اولا تعوذي من ابليس قبل لاتمدين يدك او عدي للعشره عشان تهدا اعصابك قبل لاتضربينها وحطي ربك بين عيونك لانها امانه وبيوم راح تنسئلين عنها اتمنى اني افدتك بالنسبه للكتابين عندك _كيف تربي ابناءك في هذه الزمان لدكتور حسان باشا
    وعندك كتاب كتيب الجيب للاباء والامهات تلقينهم بجرير _ ساعات قليله بقراءه هذه الكتاب يمكن تفيدك طول العمر وتتحول لحياتك للافضل
  4. @mrbt_alshosh

    انا كنت اضرب بنتي على الطالعه والنازله
    وامي وخالتي اللي هي ام زوجي مدلعينها دلع ما بعده دلع
    كنت ما اخليها تاكل بيدها عشان ما توصخ ملابسها وحارمتها من اشياء كثيره عشان صحتها وهم اي شي تطلبه ينفذونه لها
    واذا رحت لاهلي والا اهل زوجي وبغت شي وعرفت اني برفض تروح تطلب من امي والا خالتي وتناظرني وتضحك يعني سويت اللي ابي غصب واذا رجعت البيت اصير مشحونه عليها واضربها
    وتخيلي مره زعلتني وكنت مريضه وما فيني حيل اضربها وقلت لها خلاص بموت واخليك >>>>>>>>> على بالي مهمه
    قالت احسن عشان اروح عند امي .............. والا امي ................ تقصد امي وام زوجي
    ما يطقوني ولا شي ويعطوني حلاو ويخلوني اشرب شاهي
    انا صرت كذا:eek:
    ومن بعدها صرت امسك نفسي لاني اكتشفت ان بنتي تكرهني وتمنيت اني اكون احب الناس لها مو يعني ما ابيها تحب جداتها بس ابيها تحبني زيهم >>>>>>>>>> غرت منهم
    ومن بعد معاملتي الحلوه لها وتدليعي لها صارت تموت علي وكل ما شافتني باستني حتى في العزايم تروح تلعب مع الصغار وتجي للمجلس تبوسني وترجع تلعب ثانيه الله يخليها لي ولا يحرمني منها ومعاد صارت تعاند
    وكل ماجت تكلمني لازم تقول ماما حبيبتي بعدين تقول اللي تبي
    طبعا ما اقول لك انها اصبحت مثاليه وما تغلط
    الخطأ لا بد منه خاصه انها لسا صغيره بس اذا غلطت اطردها لغرفتها وتروح وترجع ثانيه بشويش واسوي نفسي ما شفتها وتجلس ساكته ومؤدبه

تابعي تجارب أخرى من هذا القسم.