بنات تكفووون ساعدوونى وش تسوون بالنفاس ولكم الدعاء

السلام عليكم ورحمه الله وبركاته


كيفكم كرووووووشات وغير كروشات


بنات ابي مساعدتكم ومن كان لها تجربه تفيدنى لانى ماعرف شي ابد بهالسوالف


ولى تساعدنى والله لادعى لها من كل قلبي


انا نفاس من 26 يوووووووم ومسويه قيصيري

ولا اعرف شي ابد بالنفاس وامى مو عندى ومو عارفه كيف اتصرف


وشو لاكل الزين وشو المضر ومالى اساسا نفس اكل<< مهمومه على بنتها يمكن السبب


ثانى شي الى والده قيصيري هى تسوى الكبوو او بخور النفاس


وذا تسوى كبوو عطونى الطريقه لان مامعى الا اسبووعين اهتم فيها بنفسي لان بنتى اذا طلعت ماقدر

عشان الريحه تسوى لها ربوو


كمان اكلت شربه فيها فلفل وعورنى بطنى والعمليه مررره:44: هل الفلفل مضر طبعا فلفل ابيض


موعارفه ايش اسوى ساعدوونى تكفوون

طبعا جبت ملح خشن وعباءه السيده وخوجوا ولارطى وهى على شكل اعواد خظرا والبنات يقولون مع الطبخ تصير حمرا

مافهمت اشلوون تصير وما اعرف استخدامهم اشلون

وكمان الرشاد يقولون ينظف اشلوون ينظف وهو ماينزل على دم واجد الله يكرمكم

وابغى ارووح بطنى احس ان شكلى حامل بالخامس

افيدووونى بارك الله فيكم وسهل الله حملكم وولادتكم ورزقكم الله من حيث لاتحتسبوون


ورزق كل محرووومه عاجل غير اجل

18 تعليق 3,679 مشاهدة

شاركي في النقاش

سجلي الدخول لإضافة تعليق.

التعليقات

18
  1. @alghaly_smyth

    الكرش طبيعي مايروح على طول وانا قريت منتدى وحده من الاخوات الله يجزاها خير كاتبه للتخلص من الكرش
    ملعقه صغيره قشر قهوه مطحون ومحموس ونفس الملعقه زنجبيل وملعقه هيل وحطيهم بترمس وحطي عليهم مويه مغليه وابدي اشربي بعد نص ساعه واشربي على مدار اليوم بصراحه جربتها بس مو بالنفاس وخفت كرشتي بس بالنفاس النتجيه اسرع
    والرشاد ينشف ماينزل الدم الرشاد ينفع للنزيف بس
    والكبو مايصلح لك قيصيري يمكن يلتهب جرحك
    وعليك بالقرفه والمشي
    والاكل ابعدي عن المعجنات والرز والغازيات
    وكلي اي شي بر مثل مرقوق وقرصان وفريك لانه تشد عظمك وحطي مع الاكل فلفل اسود يننظف ويضوق وكلي لحم واشربي سوائل دافيه وحلبه
    وكلي عجوه طبعا هي تمر مع سمن حطيهم على النار شوي هذي يمدحونه مره
    اتمنى اكون افدتك
    والله يقومك بالسلامه
  2. @aoshn_drym

    خذي العشرين يوم حلبه ملعقة صغيرة على كاس الحليب والرشاد العشرين يوم الاخيرة لو مقدار بسيط مع تمر يعني ربع ملعقة صغيرة واحرصي على الكمون كل يوم مع المرق اشربيه او الشوربه حطي ربع ملعقة والماش زين للعظام دائما حطيه مع المرق والكبو حطي كمون ومره وقشر بصل وحبة سوداء وتبخري بهم بالليل وعلى طول نامي عشان ما تتعرضين لتيار هواء ولا تنسين كل يوم على فكة الريق تاخذين سبع حبات حبه سوداء واشربي المشروبات الدافيه مثل قشر القهوة مع قرفة وزنجبيل وينسون واذا ذكرت شي رجعت كتبته عموما نظام العامريه انا عاجبني سوي له بحث وطبقيه

تابعي تجارب أخرى من هذا القسم.