ودي انصح مرة اخوي .. بس يمكن كلمتي تصير ثقيله/ استوفى حقه من الردود

السلام عليكم

يا حوائيات يا حلوات

عندي اخ صغير توه متزوج بالصيف وتزوج وحده عمرها 17 مو من جماعتنا هو اختارها وقال لنا اخطبوها لي وهي تصير اخت صديقه .. اهلها ناس طيبين رغم ان بعض العادات والتقاليد تختلف لكن ناس والنعم والبنت جميله وعشان كذا خطبناها

اخوي اول الزواج طار فيها طييييييييييييييره احنا امبسطنا وارتحنا وقلنا الله يتمم عليهم :icon28:

الحين لهم تقريبا 6 شهور متزوجين
من شهرين صار اخوي مدري وش فيه وكل شوي يجي عند امي وابوي من الصباح الين وقت الدوام يفطر عند امي وهو سااااااااكت ويهوجس واذا طلع من الدوام يرجع لبيت اهلي ينام الين العصر بعدين يطلع اتوقع يروح بيته وبالليل يجي ويسهر بملحق اهلي بلحااااااااله الين 12 او 1 وبعدين يروح بيته احينا ياخذ زوجته من اهلها واحيانا يخليها عندهم وبس كل يوم على هالحال ولا يقول شي اذا سالناه وش فيك
اللي قال عين واللي قال نفس واللي قال واللي قال وامي تحط له مويه مقري فيها بدون ما يدري وقالت لزوجته تحط سورة البقره بالبيت وكل شي حاولناه والولد ساكت ما يبي يتكلم

انا كنت ملاحظه على البنت شي بس كنت ساكته لاني كنت شايفه اخوي مبسوط قلت وش يدخلني
كانت ما تهتم بنظافتها لها ريحه بجسمها وفمها وحتى اظافرها وشعرها دايم مزيت .. وعليها تصرفات ما ودي اذكرها الله يستر عليها
.. مره سيرت عليهم للبيت كانت شعرها حوسه ولابسه قميص بيت قطن وحالتها حاله وريحة الليت :09: بصراحه ما قدرت اصبر قلت لها كان بيتك فيه ريحه حبيبتي ترا اللي جوه البيت ما يحس بالريحه بس اللي يجي من بره يشمها لا تزعلين مني حبيبتي بس تصير احيانا عادي قالت والله مدري .. رحت انا وياها نشوف لقيت زبايل الحمامات :09: يمكن لها شهر على حالها وانتو بكرامه بس تطلع زبالة المطبخ
وليتني ما درت بالبيت شفت شوفات تروع الله يستر عليها
وكله كوم وريحتها كوم حتى ريحة فمها ما ودي تتكلم والله اني احبها يا بنات لا تحسبون اعايرها بس ابي اوصل لكم الفكره


بس يوم شفت اخوي كذا قلت يمكن هذا من الاسباب وكلمته وزي اللي شلت من على قلبه هم وفضفض لي شي الين قلت له اسكت خلاص لا تفضح بنت الناس :eek:

وسالته ليش طيب ما نبهتها ليش ما كلمتها قال وش انبه ووش اخلي وفوق هذا تعاند وتتزيعل مغروره بجمالها

بس قال لي يا بنات شي ما قدرت اسكت يقول انها ما تغسل من الجنابه وتكذب وتقول الا غاسله واذا زعل تروح تحط على شعرها مويه بس وتطلع ويقول اشوف البانيو نااااااااشف محد تروش فيه

وهذا يفسر ليش ريحتها مو حلوه وشعرها دايم مزيت

الله يهديها مدري كيف تصلي

الحين يا بنات ودي انصحها .. حرام يعني وحده صغيره وبهالجمال ولسه عروس يصير هذا حالها لا دين ولا سنع
يعني لو تتصلح وتهتم والله ان تاكل قلب اي رجال وغير كذا الدين وشلون بتربي عيال صالحين وهي على ذالحال

ودي انصحها على اساس اني حرمه مثلها وافهم عليها مو مثل الزوج بس اخاف كلمتي تصير ثقيله تعرفون اخت الزوج عاد .. اخاف تصير مشكله ويفسر تصرفي بشكل ثاني