السلام عليكم ورحمة الله وبركاته
وبعد اخواتي احدى الاخوات طلبت حل لمشكلتها وانا قلت اكتبها هنا واشوف ردودكم اول
المشكلة باختصار وربي يشهد عليها ان الاخت ماقصرت مع زوجها ولاتتحمل زعله خدومة له ولاهله وعزايم اهله عندها غير جمعت اصحابه وفي النهاية الرجال اهدى لها هدية العمر وهي زوجة ثانية لكن من رحمة الله انه كان يدور فتاة جميلة بمعنى الكلمة واقسم لكم انها جاءت عكس مايريد الله يستر علي وعليهن واستقبلتها امراته خير استقبال كل وحدة في بيت ماقصرت معهم الزبدة رزقت المراة الثانية باولاد 3اطفال ورى بعض والزوج دايم يرسلهم عند الاولى وعلى كل وقت وطبعا هم بزورة صبرت الاولى عليهم مع عيالها لين طفح الكيل وطلبت من زوجها انه مايجيب العيال الايوم ورى يوم في وقت محددمن العصر وليس كل يوم وهنا قامت قيامة الزوج وزعل وسب وغصب يجيبهم ان رضيتي فانتي غالية وان مارضيتي انرضي لم يقدر العشرة ولا..............وقال اصلا اي شي اسويه ماهو علشانك عشان عيالي كانه يقول انتي ماتستاهلين علما انه يحب زوجته بس مايبيها تهش او تنش والله المستعان تفاعلو مع المشكلة وحلوها بالتي هي احسن وجزاكم الله بالجنان ورضى الرحمن
شاركي في النقاش
سجلي الدخول لإضافة تعليق.
التعليقات
20- لاحول ولاقوة الا بالله وش ذاالرجال اعوذ بالله منه-لها الدرجه مايذكر فضل زوجته-الله يعينها ويصبرها اذا كان اهلها حولها تروح عندهم كم يوم وتشوف وش ردة فعله-يمكن شافها ساكته وبطش عليها-اوتحاول تكلمه باسلوب حلو يمكن يتغبر -على العموم الله يوفق الحرمه ويسخر زوجها لها يارب ويرده لزوجته عاجل-معليش طولت عليكم ارجو المعذره:)
- الله المستعان بس !!
- إنا لله وإنا اليه راجعون ..
هالحين ليش يرسل عيالة من الثانية عندها ..؟؟
يبي ياخذ راحته زين ما نختلف لا يترك زوجته الثانية تحمل وتجيب عيال
لا تكون هي سلبية هو مخربها ومتزوج عليها هذا يكفي بس عاد مو لدرجه اربي عيالة منها :@ 
النوعيه هذه من الرجال مايجي الا بالحيله .... نعم بالحيله
شوفي صديقتك بترتاح من الازعاج وهذا حقها .. بس نست ان اي كلمه منها بحق عيال ضرتها بتخرب
خليها تكمل زي ماهي كل يوم يجيبهم لها وعادي ولا كأن شي صار >>>>>>>>> تتحمل معلش
اذا هن جيران بالبيوت احسن واحسن تلاعب بزران الضره مع عيالها وتضاحكهم بصوت عالي بالحوش مثلاً...ترى الزوج يحب يشوف الزوجه تلاعب عيالها فما بالك بعيال اضره؟؟
المهم .....اقنعي اولادك يقولون لأبوهم بنروح لأخواننا .... بنشوف العابهم
ان قدرتي تربطين قلوب البزارين ببعض ويحبون بعض ويحبونك عيال ضرتك صدقيني بتكسبين اجر وبتكسبين راحتك
شوي شوي.... ودخلي على الاطفال فكره انهم يجتمعون مره فبيتك ومره فبيت الضره بس بطريقه ما تنكشفين فيها خلهم يظنوا ان هذه فكرتهم
بعض الاشياء يا اختي ما تنفع الصراحه معها او المواجهه حتى لو كان الحق معك... من له حيلة فل يحتال- ياكرههي للرجال اللي مثل كذا
مواضيع مشابهة
تابعي تجارب أخرى من هذا القسم.