ودي أتغير أرجوكم ساعدوني

@mnol_alhlo

بنات ساعدوني ودي أغير حياتي للأحسن بس مترددة كل يوم اقول باجر بتتغير يعني لي رغبة في التغير بس مادري شلون افتح صفحة يديدة مع ربي خاطري اقرا قرآن وأصلي قيام الليل بس مترددة ودي حد يشجعني أبغي حياتي تصير حلوة أحس اني ملانة مضايجة والله مادري اشفيني والله أفكاري متلخبطة أفكر في الغلط وبعدين أرجع للصح أفكر في الزواج وأقول يارب أتزوج واحد يعيني على الدين ويساعدني وبعدين أحس ان الزواج عادي مب شي مهم ماعندي هدف معين مادري شو مشكلتي حتى اذا بسير حفلة ولا مكان أتردد يقولولي ثقتج بنفسج مو كبيرة وانا بالعكس احب الناس واسولف واضحك واجتماعية بس لازم قبل ما اروح مكان اتجهزله عدل وكل شي لازم يكون حلو وشكلي مرتب وعادي اغير رايي وما اروح في اي لحظة اذا صار سبب صغير يعني مزاجي يتعكر بسرعة مادري كتبت وايد كلام ودخلته في بعض بس سامحوني واباردود حلوة منكم والله مليت :16:

16 تعليق 1,530 مشاهدة

0 0

شاركي في النقاش

سجلي الدخول لإضافة تعليق.

التعليقات

13

  1. @foshy100

    الافضل انك تحطين لك جدول عشان قرات القران وجدولك اليومي

    اما الغلط اذا صارت تراودك فهذا مو منك من ابليس اذا حسيتي بالاحساس هذا تعوذي من ابليس واشغلي نفسك باي شي

    ثقتك بنفسك شي ضروري طبعا لكن لايهمك راي الناس اذا كنتي واثقه صدق من نفسك
    اناقتك واهتمامك بشكلك شي طبيعي جدا


    بالعكس انا احسك مرررررررره طبيعيه بس هاذي شكوك

  2. @mnol_alhlo

    صاحبة الموضوع

    المشاركة المقتبسة غير متاحة.

    شو تبين تعرفين اختي اكثر عن اللي ذكرته ؟؟؟؟
    المهم أشكرج على تفاعلج معاي

  3. @mnol_alhlo

    صاحبة الموضوع
    فوشي100
    الافضل انك تحطين لك جدول عشان قرات القران وجدولك اليومي اما الغلط اذا صارت تراودك فهذا مو منك من ابليس اذا حسيتي بالاحساس هذا تعوذي من ابليس واشغلي نفسك باي شي ثقتك بنفسك شي ضروري طبعا لكن لايهمك راي الناس اذا كنتي واثقه صدق من نفسك ان…
    مشكورة أختي على الرد

  4. @smiley_1

    شوفي اختي

    انا قبل كنت نفسج

    لكن جاتني فترة كانت من احلى فترات حياتي

    تخيلي شو سويت

    كنت حيييل حييييييل قريبة من الله سبحانه كنت ادور مكان اقعد فيه بروحي بس عشان اشكي همومي لربي

    والله ماتتخيلين شقد كنت اقوم وانا فرررررررحانة

    مكاني اللي كنت اخلو فيه مع الله هو فوق السطح.....!!!!!!!!!

    تخيلي........كنت اقعد واشكي لله وادعي وادعي

    وكنت اذا اقعد ع النت افتح ع السبحة الالكترونية وعالم حواء

    مثلاً افتح على حواء واضغط ع اي موضوع ابيه..علما يفتح اروح استغفر من خلال السبحة الالكترونية

    واللللله تحسين برااااااااحة نفسيييييييية تحسين الحيااااااااااة حلوووووووووة

    هذا رابط السبحة اذا تبينه

    http://www.pylon-group.com/e-seb7a/


    وفي هذي الفترة كلللللل الناس كنت احبهم والناس يحبوني ويقعدون معاي دايما

    بصراحة شيء فوق الخيال ما تتصورينه

    يعني باختصار خليج قريبة من رب العالمين والله بتستاااااااااانسييييييييين

  5. @fall_tree




    بسم الله الرحمن الرحيم


    تحسين بفراع وملل وودك تغيرين من نفسك .. واللي فهمته ان ودك ترضين عن نفسك
    وهذا ماراح يكون الا برضا رب العالمين عنك..وتحسين انك افضل وقريبة من رب العالمين..
    بالتالي ثقي تماما ان بيلازمك انشراح في الصدر مهما واجهتي من مشاكل راح تلاقين رضا
    من الداخل.. طول ماربي راضي عنك صدقيني بيرضيك وبيجبر خاطرك وبيشغلك بطاعته
    حتى لو كان عمل يصير عبادة بفضل رب العالمين.. لان يحبك ولانك تحبينه ولا ما جا هذا
    الاحساس ان ودك تتغيرين

    والحل باذن الله...

    1
    الحل اولا .. الصلاة بأوقاتها قدر المستطاع
    وخاصة الفجر لازم نقوم ونجاهد انفسنا لاقامتها

    2
    الدعااااء الدعاااااء
    ماراح اقولك ادعي بالساعااات من اول مره الا اذا حسيتي ودك تفضفضين له سبحانه يعني من داخلك
    حبة حبة وبالتدريج وبتلاقين ان من نفسك تحبين تستزيدين وتبحثين كل هذا في سبيل القرب من رب العالمين..
    خلي النية موجودة وربي بيسهل كل شي بس ابدي وحاولي وكوني صادقة واطلبي من ربك وبيعطيك فوق
    ما تتصورين من انشراح الصدر وخير الدنيا والاخره

    ادعي " اللهم اهدني لما هديت اليه قلوب الصالحين والصالحات من عبادك"
    واحفظيه وادعي فيه دايما كلما تذكرتيه باي وضع كنتي


    3
    اذكار الصباح والمساء
    ابدي احفظيها مو شرط كلها حبه حبه مثلا في البداية... احرصي على اية الكرسي دبر كل صلاة مع التسبيج 33
    وشوي شوي بعد شهر شهرين من التزامك باية الكرسي و التسبيح
    ابدئي باذكار الصباح بعد صلاة الفجر وتحصين نفسك
    واذكار المساء كذلك
    ومع الوقت اذكار النوم
    والااذكار الواردة من ركوب الدابة ودخول الخلاء ووو
    وربي يجعلنا واياك من الذاكرين الله والذاكرات

    4
    وحاولي تسجلين بمركز تحفيظ نقول نحفظ جزء عم على راحتنا
    حتى لو طولنا ب3 او 4 اشهر على راحتك
    وشوي شوي بتكونين صحبة صالحة تعينك وتحسين برغبة بختم القران وفهمه
    وراح تحسين ان ودك تفهمين القران فوق انك تحفظين وتعملين به فوق انك تفهمينه
    ربي يجعله لي ولك ولكل المسلمين والمسلمات حجة لنا لا علينا


    5
    الاغاني
    وماادراك ما الاغاني اذا كنتي تسمعين بطليها وبدليها بكلام الباري عز وجل
    والله ربي ببدل كل اللي بقلبك اذا مليتيه بحب القران بيكرههههك بالاغاني..


    6
    قبام الليل ولو ركعة توترين فيها وتدعين حتى لو ربع سعة او 10 دقايق


    7
    الاستغفاااااااار قولي كل عقب صلاة بستغفر 10 مرات على الاقل ومع الوقت تصيرين كلما جلستي
    مكان او قمتي ولا بين كلامك تلقائي تقولين استغفر الله ..


    8
    اسمعي محاضرات ابحثي عنها في النت في اي شي يثير فضولك هل هو حرام غلط صح يجوز ما يجوز
    وطبعا من مشايخ ثقة .. عندك مواقع كثيره فيها محاضرات مثل موقع طريق الايمان


    واخير مع ان في نقاط وايد بس انصحك
    تبدين ببساطة وتقرب من الله بحب.. لان الشيطان يدخلك مدااخل يقولك "وش لك بهالمسؤولية
    والهم وهذا صح وهذا غلط وشوفي الناس وشوفي فلانة هل الناس كلهم غلط وانتي صح... "
    اذا حبيتي ربك بتطيعية بكل شي واذا قصرتي بشي تحسين يتأنيب الضمير حتى لو شي بسيط بتحسنه
    كبير عند ربي

    ان المحب لمن يحب مطيع

    اسأل ربي انه يشرح صدرك ويوفقك لطاعته ورضاه
    ويجعلك من اهل الجنة الذين لا خوف عليهم ولا هم يحزنون


    والحمد لله رب العالمين والصلاة والسلام على اشرف الانبياء والمرسلين نبينا محمد صلى الله عليه وسلم



    واسفة على الاطالة : (

تابعي تجارب أخرى من هذا القسم.