حكت لي وهي تكاد تموت من القهر فقالت:
أبي يريد الزواج بعدما ماتت أمي ممن؟؟
من شغالة أندنوسية ويقول أنه سيحضرها على أساس أنها شغالة ولكن سيعقد عليها هناك وانا واخواتي نرفض ذلك ولكنه لايسمه لنا ومصمم على ذلك
أبي في الستينات تقريبا ويشكو من أمراض كثيرة ويحنو على الشغالات يطريقة تجيب لنا المرض مع أننا طيبات معهن لكن أبي بزيادة تصل للدلال وبطبيعة الحال عندما يرين ذلك يزيدهمهم ولايشتغلن إلا بوجود أبي وعندما نخبره بأعمالهن يقول
لا حرام عليكن تفعلن ذلك بهن هذولي مسيكينات جايات يبغين الفلوس أنتن ساعدوهن اكوين معهن وغسلن معهن وكل شيء تقاسموا فيه والمشكلة أن بيتنا نظيف دايم وما عندنا أطفال يعني مافيه شغل كثير ونعاملها أطيب معاملة لكن مافي فايدة ولمن نروح المدرسه تتكلم مع أبوي ولاتستحي منه وحاولنا معاه إذا مصمم يتزوج من نفس البلد لكن رفض وبكينا وزعلنا ولا فيه فايدة وإحنا بصراحة خائفات نمنعه نرتكب محرم مع أنه يقول إنه مايبغى الولد وأنما يبغى الونس ويقول الحين كلكن تتزوجن وتتركوني لحالي مع أننا والحمد لله نبره وكل يوم أخواتي المتزوجات يزوروه وأخواني كذلكونجلس معاه العصر كل يوم ونقصر في أنفسنا ولانقصر فيه وعندما يأتي الليل نذهب له لنجلس عنده ونتكلم معه ولكنه يكون يقرأ فيطلب منا السكوت فنسكت ونحاول جاهدات أرضاءه في كل شيء يريده ويرضيه ..
وأحنا قلقات بالنسبة لنظرة الناس لنا ولصعوبة النتعامل مع هذا الجنس وكيف بالله تكون شغالة تخدم في البيت ونقولها قومي سوي كذا وهي زوجة أبونا صعبة وهو أصلا لن يرضي بذلك وهو يطلب منا أن نعلمها كل شيءوأن تجلس معنا أثناء شربنا للقهوة والشاي وأن نأخذها أثناء خروجنا وهذا الأمر صعب علينا كيف ستحل أمرأة غريبة مكان أمي أنا محتاره؟؟
أخبروني بسرعةمالحل لعلي أستطيع مساعدتها والله يوفقكم
الموضوع مغلق