شاركي في النقاش

سجلي الدخول لإضافة تعليق.

التعليقات

66

  2. @mrfa_alyasmyn

    صاحبة الموضوع
    جزاكم الله خير و الله فرحتوني وانبسطت إنه عجبكم ، حتى صاحباتي عجبهم مرررررررة وبصراحه هو لذيذ يعني مو بس شكله كمان طعمه ( قاعده أمدح نفسي ) :cook:

    يالله الطررررررررريقة ( شوية دسم ) بس معليش مو كل يوم ناكل زي كذا :p1
    1 - نجيب القالب اللي قاعدته تنفك ونرص حوليه بسكويت أعواد ( أنا حطيت رنجو أعواد بالشوكولاته وممكن أي نوع تلاقيه

    2 - الطبقة الأولى : جيبي أي كيك ممكن تسويه أو ساريتا أو غيره و أنا اشتريت كيك جاهز بس عشان ماكان عندي وقت أسويه وقطعته شرائح متوسطة السمك ورصيته في القاعدة

    3 - الطبقة الثانية : نخلط ( قشطة الخفق مقاس وسط + ظرف دريم ويب + ظرف كريم كراميل + 5 جبنة كيري ) ولمن يتجانس ويثقل ذوقيه إذا حلاه طيب خلاص وإذا ناقص شوي حطي قليل سكر وصبي الخليط عالكيك .

    ودخليه الفريزر بس شوي عشان يتماسك وروحي سوي الطبقة الثالثة

    4 - الطبقة الثالثة : ( ظرف دريم ويب + 2 قشطة التاج + 5 جبن كيري + 2 ملعقة شوكولاتة مره ) وأضيفي سكر على قد ماتحبي لأن الشوكولاتة مره فحيكون الحلى خفيف.

    حطيه بالفريزر ( أنا سويته في الليل وطلعته الفجر عشان أخذته معاي )

    طريقة التزيين :
    بعد ماطلعته رشيت شوكولاتة فلك الصفراء وزينته بالفراولة من النص
    وعندي شريط هدايا زايد حطيته حوليه وحطيت وردة عالجنب والحمد لله.


    شكله حووووسة بس تراه مرة سهل وما ياخذ وقت بالتسوية مافي فرن ولاحوسة


    يالله طبقوه وراح يعجبكم بإذن الله ومن الداخل لمن يتقطع روعة بس استحيت أرجع أصور لمن جو ياكلوا ..
    أوعدكم بإذن الله أسويه قريب وأصور حتى الخطوات ..

    ( كلامي كثير تلاقيكم قلتوا ياليت ماقلنالها هاتي الطريقة ..اتكلمت ومعد سكتت )::22:    :

تابعي تجارب أخرى من هذا القسم.