يومياتي مع خلطات شعري >> موضوع متجدد




مساء الخير يا بنات

كيفكم إن شاء الله تمام وشعراتكم تطول ؟

شوفو بنات انا وحدة من اللي يموتو بشعرهم واهتمام وصبغات وقصات على كيفكم

ومشهورة بين اهلي واهل زوجي وصديقاتي بشعري وحلاوته وكثافته بسم الله ماشاء الله


وصايرة مرجع وخبير تجميل بين الناس والكل يسألني وياخذ بشوري >>>> شييخ عشيرة حشا خخخخخ


المهم مرة صادني الغرور و الجرأة والغباوة والتهور وقلت خلأصبغ شعري خصل ألواااان كثيرة

رحت للصالون وطلبت منها تسوي لي خصل.. 3 ألوان "ثلجي و أحمر و عسلي" قالت ما يستوون مع بعض وانا اصريت عليها !!!

ورجعت البيت غسلته صارت الخصل الثلجي لونها وردي وكانت مريييييييييييعة وتلوع التسبد خخخخخ



ورحت البيت وصبغته أسود وبقت الخصل ما راحت كويس وظليت على هالحال يمكن ست شهور شعر مبقع :16:

جاتني عفاريت الغرور ثانية وقلت بصبغ شعري بنفسي واطلع لون جديد وابهر فيها الناس

رحت جبت بني غزالي وبني شوكولاته وخلطتهم باوكسجين وصبغت وطلع اللون معقول لكن الظاهر اني زيدت اوكسجين المهم شعري صار دماااااااااااااااااااااااااااار

صار يتقطع ومنكووووش ومحرووووق :06:

رحت الصالون ومن بعد الشعر الحرير الطويييييل ورحت جزيته جز وقصيته قصيييير الين صارت رقبتي تبين :(

وكلمن شافني قال وييييييييييين الشعر والله حتى ناس ماعرفهم ولا يمونون علي صارووو يسألوني وين الشعر

الروعة ؟

لا وبعد على قصرة صارت الشعرة تنقص يعني مو تساقط وبس الا خصلات شعري لو تفروقنها بتشوفون خصل قصيرة وخصل طويلة كن أحد لاعبن بوه بمقص >>> اخس ياللهجات إنتي خخخخخ

المهم جلست على هالحال فترة الين قررت اني اتصرف



تابعو الحلقة القادمة خخخخخخ

50 تعليق 5,370 مشاهدة

شاركي في النقاش

سجلي الدخول لإضافة تعليق.

التعليقات

49
  1. صاحبة الموضوع


    قبل أسبوعين ونص



    جلست ادور وافرفر بلمنتدى ولقيت الناس يتكلمون كثير عن حور الجنان وخلطاتها الفهلوية

    قريتها وجلست افكر وافكر واقلبها براسي يمين وشمال ولزمني الموضوع يومين الى ان قرقرت قصدي قررت

    المهم اعجبتني خلصة الحنا حقها في البداية كنت متخوفة

    الخلطة تحتوي اشياء كثيرة انا اكتفيت بـــــ المايونيز و السدر و الروب وهم المتوفرين عندي فقط

    وخليتها بشعري 4 ساعات

    بعدها غسلتها



    و



    و


    وانصدمت من النتيجة والله مادري شصار بشعري فجأه حسيتها ناااااااااعم وهادي بسم الله عليها


    بعدها بيومين


    اضفت على الخلطة مغلي البصل والثوم والروب

    وغسلتها


    والنتيجة



    شي موووووووووووووومعقووووووووووووووول ياناس ذا موب شعري ما اصدق شاللون الخباااااااااال والله كني صابغته

    لمعااااااااااان و نعومة شيء لا يصقق ( يعني يصدق خخخخخ)

    بعدها بيومين

    زادت جرأتي ورحت العطار وطلبت منه خل تفاع و كريم ماكسام وجبت مجموعة زيوت " نارجيل , املا , كيشور, زيت الحبة السودة , وزيت الخروع"

    رحت البيت طيراااااااااان وخلطت الزيوت وحطيتها بشعري ساعتين

    وغسلته .. وريحته يوم


    بعدها بيوم

    شفت موضوع بالمنتدى وحدة ماذكر اسمها تمدح بتونك فازلين مع التجديل والشعر مبلول رحت سبحت بشامبو جنسون وطلعت دلكت فروة راسي بتونيك فازلين وجدلته

    بعدها بيوم

    رجعت حطيت خلطة السدر مع اضافة كريم ماكسيم والخل





    ولدي صحى من النوم أكمل بعديييييييييييييييييييييييين
  2. صاحبة الموضوع
    جواهر الياقوت
    للرفع كلامك عسل وربي ضحكتيني الله يسعدك راح اتابع وش سويتي
    جواهر الياقوت ياعسل بعده ولدي ما نام بس متحمسة أكمل خخخخ






    رحلة البحث عن كريم ماكسيم


    جوجل الله يسلمه ويخليه دلاني على محلات عطارة

    رحت لزوجي وبعد حبة خشم و تدليل وتوسلات >>> زوجها يكره العطارين خخخخ

    رحت عطار بطيبه عاد انا والد وجايبة ولد >>> شدخل الناس بشعرك ولا بولدك صحيح فضاااوة خخخخ

    وولدي بعد ماتعود على الرضاعة الصناعي خليته بالسيارة مع ابوه ونزلت العطار واحد هندي او باكستاني نصوووح وفاهم ماشاء الله عليه

    طلبت منه حاجات واهو يجيب ويشرح ويزودني بمعلومات ويثقفني بالزيوت واستخراجها خخخخخ


    وزوجي كل شوي يتصل فيني يقول ولدك يصيح واروح السيارة ارضعه وارجع للعطار اسأله وشوي ويتصل زوجي واروح للولد وارجع للعطار

    حووووووووووووووووووووسة خخخخ

    المهم سألته عن كريم ماكسيم

    بقق عيونه و استغرب وقال: هادا كريم لون ابيض ؟

    قلت ايه

    قال: هادا قديم مرررة

    قلت ايه

    قال هادا صناعة صيني

    قلت اييييييييييييييه وينه ؟

    قال : مافي موجود

    قلت : يا ذكي دام ماعندك ليش تزود الأسئله؟

    قال : لان مافي احد سوي طلب عليه هذا مرة قديم بس اذا يبغى روحي سوق عويس

    ورجعت البيت واشتغل على جوجل ادور سوق عويس >>> جديدة عهد بالرياض ( حديثة عهد يابنت الأجواد بلا ثقافة ) خخخخ

    رحت سوق عويس


    نتابع بعدين ولدي يصاررررخ

تابعي تجارب أخرى من هذا القسم.