موقف مؤثر صار لك بطفولتك

ههههههههههههههههههههه


الحمد لله على السلامه

مواقف كثيره بطفولتي صارت

ماراح اتطرق لمواقف التحرش اللي صارتلي لانها تضيق الصدر وتعرضت لها من كل مكان ( سوق - اقارب مدرسين خصوصيين .. الخ .. حسبي الله عليهم ونعم الوكيل


ودي اقول اليوم موقف صارلي يوم كان عمري تقريبا 10 سنوات او 12 سنه

كنا دايما انا واخواني ياخذنا ابوي لمكان قريب من بيتنا نلعب فيه بسيكلاتنا يعني من الساعه 9 ليل الى 12 او 1 ..

المهم في يوم من الايام وبالليل كنت بعيده عنهم شوي واتمشى في السيكل الا المح قطوه سوووده انا خفت اول ماشفتها
ومشيت ..

بعدين طالعت فيها القاها تطالع فيني خفت انا !

من من غبائي رحت لين عندها اهشها واخوفها عشان تروح

وراحت تجري تبي تنحاش مني وانا اهشها


فجاااه قطعت السكه الا سياره دعستها والله للحين سمع صوت الدعسه حسيت ضلووعها تكسرت

انا انفجعت بالحيل من صوت الصدمه وشكل البسه وهي طايحه

المشكله يابنات ماطلع منها دم !

وشوي الا وهي تقوم من مكانها وتجرري تبي تجي لمي !!

والله العظيم اسمع صوتها وهي تجري مدري وش كانت تبي مني بس قامت من مكانها وتركض تبي تجيني

انا من يوم شفتها قامت وتركض لمي دعست بالسيكل بقووه ابرجع لابوي واخواني وخاااااااااايفه شوي طالعت وراي الاااا ماااافيه احد

القطووه مالهاا اثر والله العظيم اني للحين اذكرها ..

تدرون الحين وش يصيرلي

لين الحين احلم بقطوااات اشكااااااال والواااااااااان ودايماا يحاولون يمخشوون رجولي والله دااايم اتحلم فيهم

تهقونها يابنات هذيك القطوه فيها بسم الله؟

الله يستر على بناتنا

لما مان عمري 6 سنوات كنا ساكنين بحاره شعبييه فيها اجانب وسعوديين ,,, الحمدلله اللي نقلنا منها

المهم كان فيه بيت قدامنا مشبوه ساكنينه اجانب

جدتي راحت لجيران جنبنا سعودديين وانا رحت اناديهاا علشان جونا ضيوف المهم وانا امشي في الشارع الا البيت المشبوه واقفه عند الباب وحده اسيويه وتتبسم لي وتناديني تعالي عندي حلاو والله يابنات مدري وش الي خلاني اقول لا ولا انا مشفوحه حلاو

تقول تعالي وانا اقول لا ربي ستر علي

بعد كم يوم الا الشرطه والهيئه ماسكينهم لانه بيت دعاره ومصنع خمررررررررررر وااااااااااااي ليومك هذا احمد ربي واشكره اللي ستر علي

انا الموقف اللي صار معاي لما كان عمري 7واختي اللي اصغر مني كان عمرها6كان بيت عمتي قريب من بيتنا وامي كانت عندهم طلعنا انا واختي من البيت عشان نروح لأمي يوم جينا نقطع الشارع وتمر سياره فيها اربعة فلبينيين والله ماانسى هاالموقف لين اموت يوم شافونا وقفوا وافتحو باب السياره بيركبوني انا وأختي وكان الوقت ظهر والشارع فاضي مافيه احد انا بس شفته نزل من السياره وقرب منا بغيت انجن وامسك اختي وركض ولوتشوفوني بها الشارع عاد علي سيقان طوال ماشاءالله واللي ساعدنا بعد حفظ ربي انه على مااخذوا اللفه عشان يلحقونا كنا وصلنا بيت عمتي ومن الخوف مادقيت الجرس تسلقت الباب وفتحت لأختي مسويه فيها ماوكلي وانا اتسلق الباب الحمدلله اللي نجانا من هاالموقف العصيب