الملوح بالصور {الخبز اليمنى }

السلام عليكم طبعا بعد التشجيع اللي يرد الروح ويفتح النفس اللي شفته منكم في اول موضوع لى بالصور قررت كل فتره انزل شي جديد تستاهلون والله واليوم سويت على الفطور {ملوح } هذى خبز يمنى كانت جارتنا حضرميه الله يذكرها بالخير تسويه يوم كنا صغار ونمووووووووت عليه تذكرته ودايم يبن فتره وفتره اسويه لانه ادمان صراحه ويستاهل التعب .......... طولت عليكم صح :hahaha: احب السوالف
المقادير والطريقه
ما نحتاج غير دقيق اسمر اللى ترتاحين له انا عن نفسي اخلط بين {استرالى وبر السليل ودبي } طبعا من يوم اشتريه واخليه يطحنهم سوى المهم تجيبين المقدار اللى تحتاجينه وتضيفين له دقيق ابيض بنصف المقدار وشوي ملح اهم شي هنا العجن يكون بماء داااااافى مائل للحراره وبعدين تقسمين العجينه الى اقسام متساويه تكون اكبر بشوى من حجم البيضه تقريبا

وبعدين نفردالعجينه على شكل مربع تقريبا وبعدين تصفطينها زي البطانيه شوفو التشبيه عاد :hahaha:
وبعدين كذى

وهكذى حتى تنتهى الكميه ,,,,,,,,, قلبت لغه عربيه
وخليها ترتاح شويه

لا احد يرد حتى اكتمال الموضوع

23 تعليق 3,711 مشاهدة

شاركي في النقاش

سجلي الدخول لإضافة تعليق.

التعليقات

23
  1. @toty_aldloaah

    صاحبة الموضوع
    نكمل
    وبعدين ترجعين تفردينها مره ثانيه واهى مصفطه لا تفكينها
    وتكونين مجهزه الطاوه او الصاج يكون افضل بصراحه كنا نسويه بالصاج واحسه افضل المهم انا صراحه استخدمت صحنه حقت الحلى الكبيره مخصصتها للخبز حطى فيها شوى زيت وحطى الخبز وقلبيه حتى يحمر


    ارجعى وصفطيه واهو بالطاوه

    واخيرا حطيها بالحافضه حتى تظل حااااره لوقت الفطور او العشاء وهذى شكلها بالحافظه

    url=http://www.0zz0.com/realpic.php?s=3&pic=2009/02/10/14/973386582.jpg]
    واخيرا كمى جرت العاده هذى الصحن لاول وحده ترد مع الجبنه لا ومعاه شاهى بعد يلا ندلعكم
    تراه لذيذ والله بتدمنون عليه :p لا ومع العدس شى غير طبيعي
    اللي تجربه ويعجبها بالله ادعولى بالتوبه النصوح يارب

تابعي تجارب أخرى من هذا القسم.